17 KAQ TAPUKUY
¿Imaynatam familianchikwan kusisqa vidata pasachwan?
QUSAKUNAPAQ/TAYTA-MAMAKUNAPAQ
“Chaynallataqmi qusakunapas kikinkupa cuerponkuta hina warminkuta kuyananku. Warmin kuyaq qariqa kikintam kuyakun, manam pipas kikinpa cuerpontaqa chiqninchu, aswanqa mikuchinmi hinaspapas kuyanmi”. “Chaynaqa, kikikichikta hinayá warmikichikta sapakama kuyaychik”.
“Qamkunapas taytakuna, churikichiktaqa amayá piñachiychikchu, aswanqa sumaqllatayá uywaychik Jehova Diospa yachachisqanman hina hinaspa rimapayasusqaykichikman hina”.
CASADA WARMIKUNAPAQ
“Warmiñataqyá qusanta anchata respetachun”.
“Warmikuna, qusaykichiktayá tukuy imapi kasukuychik, chaynam kananku Jesucristopa qatiqninkunaqa”.
CHURI-WAWAKUNAPAQ
“Churi-wawakuna, tayta-mamaykichiktayá kasukuychik, chayqa allinpunim señorninchikpa munasqanman hina. Allin kanamanta Diospa punta kaq kamachikuyninmi nin: ‘Tayta-mamaykitayá kuyay hinaspa kasukuy. Chaynapi allin kanaykipaq hinaspa kay pachapi unay kawsanaykipaq’, nispa”.
“Churi-wawakuna, tukuy imapiyá tayta-mamaykichikta kasukuychik, chayqa señorninchikpa munasqanman hinam”.