Исай 63:1—19
63 Уый чи ’рбацӕуы Едомӕй+, чи ’рбацӕуы Восорӕй+ ирд хъулон дарӕсы? Уыцы рӕсугъд арӕзтӕй стыр тыхимӕ чи ’рбацӕуы?
«Уый ӕз дӕн, раст цы у, уый чи дзуры+, стыр тых, ирвӕзын кӕныны тых кӕмӕ ис, уый»+.
2 Ӕмӕ дӕ уӕлӕдарӕс сырх цӕмӕн у? Дӕ дарӕс, цыма сӕндуцӕны сӕнӕфсир цъӕл кодтай, афтӕ цӕмӕн у?+
3 «Сӕндуцӕны сӕнӕфсир мӕхӕдӕг цъӕл кодтон+, адӕмтӕй мемӕ иу адӕймаг дӕр нӕ уыди. Ӕз сӕ цъӕл кодтон мӕстыйӕ+, ссӕстон сӕ мӕстӕй судзгӕйӕ+. Сӕ туг-иу ракалд ӕмӕ-иу мӕ дарӕсыл скалд+, ӕмӕ мӕ уӕлӕдарӕс иууылдӕр самӕстон.
4 Мӕнӕн мӕ зӕрдӕйы ис мастисӕн бон+. Мӕ адӕм ӕлхӕд кӕд ӕрцӕудзысты, уыцы аз ӕрхӕццӕ.
5 Ӕз кастӕн, фӕлӕ мын иу ӕххуысгӕнӕг дӕр нӕ уыд, дис кодтон, фӕлӕ иу дӕр нӕ загъта, фӕкӕсон дӕм+, зӕгъгӕ. Ӕмӕ мын мӕ цонг ӕрхаста ирвӕзындзинад+ ӕмӕ мын мӕ судзгӕ маст+ уыд ӕххуысгӕнӕг.
6 Мӕстыйӕ мӕ къӕхты бын адӕмты ссӕстон ӕмӕ сӕ мӕ судзгӕ мастӕй срасыг кодтон+, сӕ туг та сын калдтон зӕхмӕ»+.
7 Ӕз дзурдзынӕн Йегъовӕйы ӕнувыд уарзты тыххӕй+, Йегъовӕ нын цы сарӕзта, ӕппӕт уыдӕтты тыххӕй Йегъовӕйы кадджын кӕндзынӕн+ – дзурдзынӕн, Израилы адӕмӕн+ йӕ фӕлмӕнзӕрдӕдзинадмӕ+ ӕмӕ йӕ ӕгӕрон ӕнувыд уарзтмӕ гӕсгӕ цы стыр хорздзинӕдтӕ ракодта, уыдоны тыххӕй.
8 Уый загъта: «Уыдон ӕцӕгдӕр мӕ адӕм сты+, мӕнгард чи нӕ разындзӕн, уыцы фырттӕ»+. Ӕмӕ уый сси сӕ Ирвӕзынгӕнӕг+.
9 Уыдонӕн зын куы уыди, уӕд-иу зын уыди уымӕн дӕр+. Ӕмӕ-иу сӕ йе ’рвыст минӕвар фервӕзын кодта+. Уый сӕ уарзта ӕмӕ сын тӕригъӕд кодта, ӕмӕ сӕ уый тыххӕй балхӕдта+. Систа-иу сӕ ӕмӕ сӕ хаста раджы заманты алы бон дӕр+.
10 Фӕлӕ-иу уыдон йӕ ныхмӕ рацыдысты+ ӕмӕ-иу ӕй* бафхӕрдтой+. Уӕд уый сси се знаг+ ӕмӕ йӕхӕдӕг семӕ тохы бацыд+.
11 Ӕмӕ уӕд сӕ зӕрдыл ӕрлӕууыдысты раджы замантӕ ӕмӕ йӕ лӕггадгӕнӕг Моисей ӕмӕ дзырдтой: «Денджызӕй+ сӕ йӕ дзуджы+ фыййӕуттимӕ чи ракодта, уый кӕм ис? Кӕм ис, йӕ сыгъдӕг тыхӕй* йӕ чи схайджын кодта, уый?+
12 Йӕ диссаджы цонг+ дардта Моисейы рахиз къухы фарсмӕ, сӕ размӕ+ сын дӕттӕ адих кодта, цӕмӕй йӕхицӕн ӕнустӕм скодтаид ном+.
13 Абухгӕ дӕтты сӕрты сӕ ахизын кодта ӕмӕ, бӕх ӕдзӕрӕг быдыры куыд уа, афтӕ сӕ къах ницӕуыл скъуырдтой+.
14 Цӕрӕгойтӕ дӕлвӕзмӕ куыд ныццӕуынц, афтӕ сын Йегъовӕйы тых* лӕвӕрдта ӕнцойдзинад»+.
Афтӕ ды дӕ адӕмы кодтай, цӕмӕй дӕхицӕн скодтаис кадджын ном+.
15 Ӕркӕс уӕларвӕй+, рафӕлгӕс дӕ бӕрзонд, рухс ӕмӕ рӕсугъд цӕрӕнбынатӕй+. Кӕм ис дӕ зынгзӕрдӕдзинад+ ӕмӕ де стыр хъомыс, кӕм ис дӕ фӕлмӕнзӕрдӕдзинад+, дӕ зӕрдӕ куыд ӕнцад лӕууы?+ Ды сӕ мӕнӕн ӕвгъау кӕныс+.
16 Ды дӕ нӕ Фыд+. Авраам дӕр нӕ куы нӕ зыдтаид ӕмӕ нӕ Израил дӕр куы нӕ базыдтаид, уӕддӕр ды дӕ нӕ Фыд, о Йегъовӕ. Дӕ ном у нӕ Ӕлхӕнӕг раджы замантӕй фӕстӕмӕ+.
17 О Йегъовӕ, афтӕ нын цӕмӕн бакодтай, ӕмӕ дӕ фӕндӕгтӕй адзӕгъӕл уӕм? Цӕмӕн бакодтай афтӕ, ӕмӕ нӕ зӕрдӕтӕ ныддур уой ӕмӕ дӕ ма тӕрсӕм?+ Раздӕх дӕ лӕггадгӕнджыты тыххӕй, дӕ бынтӕ чи сты, уыцы мыггӕгты тыххӕй+.
18 Дӕ сыгъдӕг адӕмӕн+ сӕ зӕхх сӕ къухы бирӕ нӕ фӕци. Не знӕгтӕ дын дӕ кувӕндон сӕ къӕхты бын ныссӕстой+.
19 Мах раджы систӕм, ды хицау кӕмӕн нӕ дӕ, дӕ ном дын чи нӕ хӕссы, ахӕм адӕм+.
Фиппаинӕгтӕ
^ Комк. «йӕ сыгъдӕг тых»; «тых» – дзут. ру́ах. Кӕс Уӕлӕмх. 7.
^ Дзут. ру́ах. Кӕс Уӕлӕмх. 7.
^ Дзут. ру́ах. Кӕс Уӕлӕмх. 7.
