Fakkeenya 20:1-30
20 Daadhiin wayinii qoostuu,+ dhugaatiin alkooliis gadhiisii nama godha;+Namni isaaniin daandii irraa jalʼatu kam iyyuu ogeessa miti.+
2 Naasisuun* mootii akkuma gururiʼuu leencaa ti;*+Namni aarii isaa kakaasu kam iyyuu lubbuu isaa balaadhaaf saaxila.+
3 Namni tokko falmii irraa fagaachuun isaa isaaf ulfina dha,+Namni gowwaa taʼe hundi garuu itti seena.+
4 Namni dhibaaʼaan yeroo gannaa hin qotu,Kanaafuu, yeroo makaraatti homaa waan hin qabaanneef ni kadhata.*+
5 Yaanni* garaa namaa keessa jiru akka bishaan gad fagoo ti,Namni hubataan garuu achi keessaa waraabee ni baasa.
6 Namoonni hedduun jaalala amanamaa akka qaban dubbatu,Nama amanamaa garuu eenyutu argachuu dandaʼa?
7 Namni qajeelaan amanamummaadhaan deddeebiʼa.+
Ijoolleen* isaa warri isa booda dhufan gammadoo dha.+
8 Mootiin murtii kennuuf yommuu teessoo irra taaʼu,+Hammina hundumaa ija isaatiin ni gingilcha.+
9 “Garaa koo qulqulleeffadheera;+Cubbuu koo irraa qulqulluu dha” jechuu kan dandaʼu eenyu?+
10 Dhagaan madaallii sirrii hin taanee fi safartuun sobaa,*Lamaanuu Yihowaa duratti jibbisiisoo dha.+
11 Mucaan tokko illee amalli isaa qulqulluu fi sirrii taʼuun isaaGocha isaatiin ni beekama.+
12 Gurra dhagaʼuu fi ija argu,Lamaan isaanii iyyuu Yihowaatu uume.+
13 Hirriba hin jaallatin, taʼuu baannaan ni hiyyoomta.+
Ija kee bani, nyaata ni quufta.+
14 Namni yeroo waa bitu, “Gaarii miti, gaarii miti!” jedha;Erga deemee booda immoo of jaja.+
15 Warqiin jira, elellaa* hedduunis jira,Afaan beekumsa dubbatu garuu gatii guddaa qaba.+
16 Namni tokko ormaaf yoo wabii taʼe uffata isaa irraa fudhadhu;+Kana kan godhe dubartii biyya ormaatiif* yoo taʼe immoo qabsiisa irraa fudhadhu.+
17 Namni tokko nyaanni gowwoomsaadhaan argate isatti ni miʼaawa,Sana booda garuu afaan isaa cirrachaan guutama.+
18 Mariidhaan* karoorri ni milkaaʼa,*+Qajeelfama ogummaa irratti hundaaʼeen waraana kee geggeessi.+
19 Namni maqaa namaa balleessu asii fi achi deemee iccitii saaxila;+Nama hamii jaallatutti* hin michoomin.
20 Namni abbaa isaa fi haadha isaa abaaru kam iyyuu,Yommuu dukkanaaʼutti ibsaan isaa ni dhaama.+
21 Dhaalli jalqaba irratti sassataan argameDhuma irratti eebba hin taʼu.+
22 “Wanta hamaa ana irratti raawwatameef hamaa nan deebisa!” hin jedhin.+
Yihowaa abdadhu,+ innis si oolcha.+
23 Dhagaan madaallii sirrii hin taane* Yihowaa duratti jibbisiisaa dha,Madaalliin gowwoomsaanis gaarii miti.
24 Tarkaanfii namaa Yihowaatu qajeelcha;+Namni daandii ofii isaa* akkamitti hubachuu dandaʼa?
25 Namni tokko ariifatee, “Qulqulluu dha!”+ yoo jedhe,Sana booda immoo wanta wareege irratti yoo yaade kiyyoo isatti taʼa.+
26 Mootiin ogeessi hamoota ni gingilcha,+Geengoo ittiin midhaan dhaʼanis isaan irra ni oofa.+
27 Hafuurri namni baafatu ibsaa Yihowaa ti,Keessa namichaa akka gaariitti ni qora.
28 Jaalalli amanamaanii fi amanamummaan mootii ni eegu;+Jaalala amanamaadhaanis teessoo isaa ni tursa.+
29 Ulfinni dargaggootaa jabina isaanii ti,+Miidhaginni maanguddootaa immoo harrii isaanii ti.+
30 Dirmammuunii fi madaan hammina ni balleessa,+Reebichis keessa nama tokkoo ni qulqulleessa.
Miiljaleewwan
^ Ykn., “Sodaachisuun.”
^ Ykn., “leenca saafelaa ti.”
^ Ykn tarii, “Yeroo makaraatti ni barbaada, garuu homaa hin argatu.”
^ Kal., “Gorsi.”
^ Kal., “Ilmaan.”
^ Ykn., “Dhagaan madaallii adda addaa lamaa fi miini safaraa adda addaa lama.”
^ Ibsa Jechootaa ilaali.
^ Ykn., “nama biyya ormaatiif.”
^ Ykn., “Gorsaan.”
^ Ykn., “jabaatee ni dhaabbata.”
^ Ykn., “afaan isaatiin sossobutti.”
^ Ykn., “Dhagaan madaallii adda addaa lama.”
^ Ykn., “daandii irra deemu.”
