Fakkeenya 16:1-33
16 Namni yaada garaa isaa ni qopheeffata,*Deebiin inni kennu* garuu Yihowaa biraa dhufa.+
2 Namni daandiin isaa hundi sirrii* fakkaatee itti mulʼata,+Yihowaan garuu kakaʼumsa* namootaa ni qora.+
3 Wanta raawwattu hundumaa Yihowaatti kennadhu,*+Karoorri kees siif ni milkaaʼa.
4 Yihowaan kaayyoo isaa raawwachuuf wanta hundumaa tolcheera,Hamoota warra guyyaa badiisaatti adabaman illee kaayyoo isaatiif qopheesseera.+
5 Namni garaa isaatti boonu hundi Yihowaa duratti jibbisiisaa dha.+
Inni utuu hin adabamin akka hin hafne mirkanaaʼaa taʼi.
6 Jaalala amanamaa fi amanamummaadhaan balleessaadhaaf araarri ni argama,+Namnis Yihowaa sodaachuudhaan wanta hamaa irraa ni fagaata.+
7 Yihowaan daandii namaatti yommuu gammadu,Diinonni isaa illee isaa wajjin nagaa akka qabaatan godha.+
8 Jalʼina haqaatiin galii guddaa argachuu mannaa,Qajeelummaadhaan wanta xinnoo argachuu wayya.+
9 Namni garaa isaa keessatti daandii isaa ni karoorfata,Tarkaanfii isaa kan isaaf qajeelchu garuu Yihowaa dha.+
10 Mootiin murtii Waaqayyoo dubbachuu qaba;+Matumaa haqa jalʼisuu hin qabu.+
11 Safartuunii fi madaalliin sirrii taʼe Yihowaa biraa argama;Dhagoonni madaallii korojoo keessatti argaman hundis hojiiwwan harka isaa ti.+
12 Teessoon jabaatee kan dhaabbatu qajeelummaadhaan waan taʼeef,+Gochi hamaan mootota biratti jibbisiisaa dha.+
13 Dubbii qajeelaan mootota ni gammachiisa.
Isaan nama dhugaa dubbatu ni jaallatu.+
14 Aariin mootii akkuma ergamaa duʼaa ti,+Namni ogeessi garuu isa ni qabbaneessa.*+
15 Ifa fuula mootii keessa jireenyi jira;Isa biratti fudhatama argachuun akkuma duumessa bokkaa arfaasaa fiduu ti.+
16 Warqii mannaa ogummaa argachuun caalmaa guddaa qaba!+
Hubannaa argachuunis meetii argachuu irra filatamaa dha.+
17 Qajeelonni daandii hamminaa irraa ni fagaatu.
Namni daandii isaa eeggatu kam iyyuu lubbuu isaa oolfata.+
18 Koorri* kufaatii dura jira,Hafuurri of tuulummaas gufannaa dura jira.+
19 Boojuu warra of tuulanii hirachuu mannaaWarra garraamii gidduutti gad of qabuu* wayya.+
20 Namni dhimma tokko irratti hubannaa akka qabu argisiisu milkaaʼina* argata,Namni Yihowaatti amanamus gammadaa dha.
21 Namni garaan isaa ogeessa taʼe, nama hubannaa qabu jedhama,+Namni gaarummaadhaan dubbatus* dandeettii amansiisuu qaba.+
22 Hubannaan warra ishii argataniif madda jireenyaa ti,Gowwoonni garuu gowwummaa isaaniitiin ni adabamu.
23 Garaan nama ogeessa taʼee afaan isaatiif hubannaa kenna,+Dubbii isaatiifis dandeettii amansiisuu dabala.
24 Dubbiin nama gammachiisu dhaaba dammaa ti,Lubbuutti* ni miʼaawa, lafees ni fayyisa.+
25 Daandiin sirrii fakkaatee namatti mulʼatu jira,Dhuma irratti garuu gara duʼaatti geessa.+
26 Beelli* isaa waan isa dirqisiisuuf,Namni hojjetaa taʼe fedhiin nyaataa* isaa cimee akka hojjetu isa godha.+
27 Namni gatii hin qabne wanta hamaa taʼe qotee baasa;+Dubbiin isaa akka ibidda waxaluu ti.+
28 Namni rakkina uumu* lola kakaasa,+Namni maqaa balleessus michoota walitti dhihaatan gargar baasa.+
29 Namni hamaan ollaa isaa gowwoomsa,Daandii dogoggoraa irras isa oofa.
30 Inni hammina yaadee ija isaatiin dubbata.
Hidhii isaa ciniinnatee gocha hamminaa raawwata.
31 Daandii qajeelummaa irra deemuudhaan yommuu argamu+Harriin gonfoo miidhaginaa* ti.+
32 Namni dafee hin aarre+ nama jabaa irra,Namni aarii isaa toʼatus* nama magaalaa injifatu irra wayya.+
33 Carraan gudeeda irratti buufama,+Wanti karaa isaa murteeffamu hundi garuu Yihowaa biraa dhufa.+
Miiljaleewwan
^ Ykn., “deebii sirriin.” Kal., “deebiin arrabaa.”
^ Kal., “Garaa qindeeffachuun kan namaa ti.”
^ Kal., “qulqulluu.”
^ Kal., “hafuura.”
^ Kal., “Hojiiwwan kee Yihowaa irratti gati.”
^ Ykn., “ni hambisa.”
^ Ykn., “Boonuun.”
^ Kal., “hafuura gad qabame.”
^ Kal., “wanta gaarii.”
^ Ykn., “Dubbiin namatti tolus.” Kal., “Miʼaayinni hidhiis.”
^ Ykn., “Afaanitti.” Ibsa Jechootaa ilaali.
^ Ykn., “lubbuun.”
^ Kal., “Afaan.”
^ Ykn., “hammina yaadu.”
^ Ykn., “ulfinaa.”
^ Kal., “hafuura isaa irratti bulchu.”