KHALANI MASO
Kodi Anthu Adzasiya Liti Kumenya Nkhondo?—Zimene Baibulo Limanena
Mlembi wamkulu wa Bungwe la United Nations, António Guterres, anati: “Panopa tikufunika kuchepetsa vuto limeneli. Panopa tikufunika kudziletsa kwambiri.” Iye ananena zimenezi chifukwa cha mabomba amene dziko la Iran linaphulitsa ku Israel Loweruka pa 13 April 2024.
Nkhondo imene ikuchitika ku Middle East ndi imodzi mwa nkhondo zimene zikuchitika padziko lonse.
“Panopa zachiwawa ndiponso mikangano zachuluka kwambiri padzikoli kuposa nthawi ya Nkhondo Yachiwiri Yapadziko Lonse ndipo anthu 2 biliyoni, kutanthauza munthu mmodzi pa anthu 4 aliwonse padzikoli, akuvutika ndi zachiwawazi.”—United Nations Security Council, January 26, 2023.
Mayiko omwe kukuchitika zachiwawazi ndi monga Israel, Gaza, Syria, Azerbaijan, Ukraine, Sudan, Ethiopia, Niger, Myanmar ndi Haiti. a
Kodi kumenyana kudzatha? Kodi atsogoleri a mayiko angabweretse mtendere? Kodi Baibulo limanena zotani?
Nkhondo zimene zikuchitika m’mayiko osiyanasiyana
Zachiwawa zimene zikuchitika padzikoli zikusonyeza kuti nkhondo zitha posachedwapa. Nkhondo zimenezi zikukwaniritsa ulosi wa m’Baibulo wofotokoza za nthawi imene tikukhalamoyi. Baibulo limatchula za nthawi imeneyi kuti “mapeto a nthawi ino.”—Mateyu 24:3.
“Mudzamva phokoso la nkhondo ndi malipoti a nkhondo. . . . Mtundu udzaukirana ndi mtundu wina ndipo ufumu udzaukirana ndi ufumu wina.”—Mateyu 24:6, 7.
Werengani nkhani yakuti “Kodi Chizindikiro cha “Masiku Otsiriza” Kapena Kuti Nthawi “ya Mapeto” N’chiyani?” kuti muone mmene nkhondo za masiku ano zikukwaniritsira ulosi wa m’Baibulo.
Nkhondo yomwe idzathetse nkhondo zonse
Baibulo linaneneratu kuti zachiwawa ndiponso mikangano zidzatha. Kodi zidzatheka bwanji? Palibe munthu aliyense amene angathetse zimenezi koma zidzathetsedwa ndi ‘nkhondo ya tsiku lalikulu la Mulungu Wamphamvuyonse’ yomwe imatchedwa Aramagedo. (Chivumbulutso 16:14, 16) Nkhondo imeneyi idzatsegula njira yoti Mulungu adzakwaniritse lonjezo lakuti anthu adzasangalala ndi mtendere wosatha.—Salimo 37:10, 11, 29.
Kuti mudziwe zambiri zokhudza nkhondo ya Mulungu yomwe idzathetse nkhondo zonse, werengani nkhani yakuti “Kodi Nkhondo ya Aramagedo Idzakhala Yotani?”
a ACLED Conflict Index, “Ranking violent conflict levels across the world,” January 2024
Mwina Mungakondenso Kudziwa Izi
NSANJA YA OLONDA
Kodi N’chiyani Chidzachitike pa Nthawi ya “Mapeto”?
Kodi mukudziwa kuti zomwe Baibulo limanena zokhudza mapeto ndi nkhani yabwino osati yoopsa?
MFUNDO ZOFUNIKA ZA M'BAIBULO
N’chifukwa Chiyani Mulungu Amalola Kuti Anthu Azivutika?
Anthu ambiri amafuna kudziwa kuti n’chifukwa chiyani padzikoli pali mavuto ambiri. Baibulo limapereka yankho logwira mtima pa nkhaniyi.
NSANJA YA OLONDA
Kodi Mulungu Amagwirizana Ndi Zoti Anthu Azimenya Nkhondo Masiku Ano?
Posachedwapa Mulungu adzabweretsa nkhondo imene idzathetse nkhondo zonse.
KHALANI MASO
Kodi Aramagedo Idzayambira ku Isiraeli?—Kodi Baibulo Limanena Zotani?
Tingapeze yankho tikaona zomwe buku la Chivumbulutso limanena zokhudza Aramagedo.
NKHANI ZINA
Tiziyembekezera Kuti Zinthu Zidzakhala Bwino M’tsogolo
N’chifukwa chiyani tinganene kuti malonjezo a m’Baibulo ndi osiyana ndi malonjezo komanso maganizo a anthu?
ZOKHUDZA IFEYO
Pemphani Kuti Tidzakuyendereni
Mutha kukhala ndi mwayi wokambirana nkhani inayake ya m’Baibulo kapena kudziwa zambiri zokhudza Mboni za Yehova.
