Kodi Mukuganiza Kuti Zinthu Zidzakhala Bwanji M’tsogolo?
Kodi mukuona kuti zinthu m’dzikoli . . .
-
zikhalabe mmene zililimu?
-
ziipa kuposa pamenepa?
-
kapena zikhala bwino?
ZIMENE BAIBULO LIMANENA
“Mulungu . . . adzapukuta misozi yonse m’maso mwawo, ndipo imfa sidzakhalaponso. Sipadzakhalanso kulira, kapena kubuula, ngakhale kupweteka. Zakalezo zapita.”—Chivumbulutso 21:3, 4, Baibulo la Dziko Latsopano.
KODI ZIMENEZI ZIKUTANTHAUZA CHIYANI?
Mudzakhala ndi moyo wosangalatsa komanso ntchito yabwino.—Yesaya 65:21-23.
Simudzadwala kapena kuvutika m’njira iliyonse.—Yesaya 25:8; 33:24.
Mudzakhala wosangalala ndi banja lanu komanso mabwenzi anu mpaka kalekale.—Salimo 37:11, 29.
KODI ZIMENE BAIBULO LIKUNENAZI TINGAZIKHULUPIRIREDI?
Inde, tingazikhulupirire pa zifukwa ziwiri izi:
-
Mulungu ali ndi mphamvu zokwaniritsira lonjezo limeneli. M’Baibulo ndi Yehova Mulungu yekha amene amatchedwa “Wamphamvuyonse” chifukwa ali ndi mphamvu zopanda malire. (Chivumbulutso 15:3) Choncho adzakwaniritsa lonjezo lake losintha dzikoli kuti likhale labwino. Ndipotu Baibulo limanena kuti “zinthu zonse n’zotheka kwa Mulungu.”—Mateyu 19:26.
-
Mulungu akufunitsitsa kukwaniritsa lonjezo lake. Mwachitsanzo, Yehova ‘akulakalaka’ kuukitsa anthu amene anamwalira. —Yobu 14:14, 15.
Baibulo limasonyezanso kuti Mwana wa Mulungu, Yesu, ankachiritsa odwala. N’chifukwa chiyani ankachita zimenezi? Chifukwa ankafunitsitsa kuwathandiza. (Maliko 1:40, 41) Yesu anatsanzira ndendende Atate wake pa nkhani yofunitsitsa kuthandiza anthu ovutika.—Yohane 14:9.
Choncho sitingakayikire kuti Yehova ndi Yesu ndi ofunitsitsa kutithandiza kuti tidzakhale osangalala m’tsogolomu.—Salimo 72:12-14; 145:16; 2 Petulo 3:9.
GANIZIRANI MFUNDO IYI
Kodi Mulungu adzachita chiyani kuti asinthe dzikoli kukhala labwino?
Baibulo limayankha funso limeneli pa MATEYU 6:9, 10 ndi pa DANIELI 2:44.
Mwina Mungakondenso Kudziwa Izi
NSANJA YA OLONDA
Choonadi Chonena za Zimene Zidzachitike M’tsogolo
Werengani nkhaniyi kuti muzikhulupirira kwambiri zimene Mulungu amanena kuti zidzachitika m’tsogolo padzikoli komanso anthu amene adzakhalepo.
NKHANI ZINA
Tiziyembekezera Kuti Zinthu Zidzakhala Bwino M’tsogolo
N’chifukwa chiyani tinganene kuti malonjezo a m’Baibulo ndi osiyana ndi malonjezo komanso maganizo a anthu?
MFUNDO ZOFUNIKA ZA M'BAIBULO
Kodi Ufumu wa Mulungu N’chiyani?
Ali padziko lapansi, Yesu anafotokoza kwambiri za Ufumu wa Mulungu kuposa nkhani ina iliyonse. Kwa zaka zambiri otsatira ake akhala akupempherera Ufumu umenewu kuti ubwere.
NSANJA YA OLONDA
Kodi Ufumu wa Mulungu Udzachita Zotani?
Yesu ankadziwa kuti Ufumu wa Mulungu wokha ndi umene ungathetse mavuto padzikoli. Kodi Ufumuwu wachita kale zinthu ziti zomwe zingatithandize kuukhulupirira?
ZOKHUDZA IFEYO
Pemphani Kuti Tidzakuyendereni
Mutha kukhala ndi mwayi wokambirana nkhani inayake ya m’Baibulo kapena kudziwa zambiri zokhudza Mboni za Yehova.
