Salmu 127:1-5
Ncipo na Owelano. Salmu a Solomoni.
127 Aahikhala Yehova onateka empa,Alipa ooteka anahaawa siiyo ene.
Aahikhala Yehova onalipelela epooma,Mulipeleli onahaawa siiyo ene alipelelaka.
2 Munahaawa siiyo ene mvinyaka wooxixelo ene,Muxeleliwaka orupa,Mulapaka mwakuru wi mphwanye yoolya,Woona wi owo tonaavahererya ichu oosiveliwa awe nave tho tonawiichuuwiha.
3 Nkoonani! Anamwane yoohiyeryiwa enarweela wa Yehova;Yawiima ya erukulu nchuwelo.
4 Ntoko mavaka mu ntata na mukhoco,Hiiha ari anamwane a mulopwana yoowo ori mmiravo.
5 Oohakalala muchu yoowo onasareiha murupa awe wa mavaka ni yaawo.
Awo hiyuulihiwa muru,Woona wi awo anahaala oloca ni amwiicani va mulako wa epooma.
