‘Mulaleerye Michaka Saphaama!’
Muthukumano wa Muceche wa Anamoona a Yehova wa 2024
Henaliveliwa echu • Hasinavekiwawo sooveleela
Miyaha Inahaala Ovuwihiwa
Naneethanu: Muthokororye sawooniherya seiyo inooniherya wi michaka saphaama vooloca sa Yesu seiyo inaphwanyeya mu aliivuru a michaka, ti saweereya sookwakwaleya ni seeparipari sa okumi awe. Muhuserye ti mwawiihai nnahaalaahu ophura orweela wa saweereya seiya sa Mpiipiliyani mmahiku ahu.
Nawoorowa: Tiheeni yaaloheryiwe vooloca sa oyariwa ni wunnuwa wa Yesu, nave ti mwawiihai iho saakhwanenlaaya?
Namurunku: Mu mwaha yoowo onathipeleya Mpiipiliyani, oni: “Ntakhara Heeni Nihinaphwanelaahu Woova Michaka Soonanara?” Muhuserye ntakhara heeni macikhwi macikhweene a achu olelo aryaayano mathowa a wiisoona okhala ookhapeleleya ni nroromelo, moohipwacha waaceereryeya wa mikhalelo soonanara sa elapo yeela.
Etrama ya Mpiipiliya
Michaka Saphaama Mwawiiwanana ni Yesu: Nikupa 1
Eparipari ti Omwaleela wa Mweelaponi
Yootikhiniha ya oyariwa wa Yesu yaari emoha ya saweereya soopacerya sinatannya murima, seiyo inaloca sa onamwane awe. Asitiithi awe yaahimukeriha o Yikuputu wi emukhapelele wa mwene oonanara murima yoowo aachuna omwiipha. Ohoolo waya, owo aahaatikhiniha alipa oohusiha atokweene a mmahiku awe. Moone saweereya seiya ni sikina mu makupa meeli yaawo eni yoonihiwe mu nihiku Naneethanu ni Nawoorowa.
Moone ixilema inacharela vooloca sa muthukumano wa muceche wa eyaakha yeela
Tiheeni Eneereya Mmithukumano Sahu sa Miceche?
Mphwanye yeeyo nnaweheryaahu ohuserya va Muthukumano wa Muceche wa Anamoona a Yehova.
Muthukumano wa Muceche wa Anamoona a Yehova wa 2024: ‘Mulaleerye Michaka Saphaama!’
Yeeyo nnahaalaahu woona mu yoochariha ya muthukumano wa muceche wa eyaakha yeela.
Makupa Akwatiwe a Etrama ya Mpiipiliya: Michaka Saphaama Mwawiiwanana ni Yesu
Achu ancipale annasuwela phaama yaweereya yootikhiniha ya oyariwa wa Yesu. Nyenya saweereya taani ikina sootikhiniha seiyo seeren’ye ahaakumve oyariwa ni amanle oyariwa?