Nanao tatitra momba ny fahasalamana ara-tsain’ny tanora amerikanina ny Foibe Miady Amin’ny Aretina, any Etazonia, tamin’ny alatsinainy 13 Febroary 2023. Milaza ilay tatitra fa efa maherin’ny 40 isan-jaton’ny mpianatra eny amin’ny lise no malahelo mandritra ny fotoana ela be ary mieritreritra hoe tsy misy mangirana intsony ny fiainany.

 Izao no nolazain’i Pr. Kathleen Ethier, talen’ilay sampan-draharaha misahana ny fahasalaman’ny tanora sy ny mpianatra any an-tsekoly ao amin’io foibe io: “Hitanay hoe niharatsy ny fahasalamana ara-tsain’ny tanora tato anatin’ny folo taona. Niharatsy kokoa noho ny hatramin’izay anefa ny an’ny ankizivavy. Mihabetsaka ny ankizivavy mieritreritra ny hamono tena ary misy aza manandrana manao an’izany mihitsy.”

 Izao no nolazain’ilay tatitra:

•   Ankizivavy 1 ao anatin’ny 10 na mihoatra an’izany (14 isan-jato) no noterena hanao firaisana. Izao no nolazain’i Pr. Ethier: “Mampatahotra be ny mieritreritra an’izany satria raha mahafantatra ankizivavy folo ianao, dia mety hoe iray amin-dry zareo, fara fahakeliny, no efa nisy nanolana.”

•   Efa ho ankizivavy 1 ao anatin’ny 3 (30 isan-jato) no tapa-kevitra ny hamono tena.

•   Efa ho ankizivavy 3 ao anatin’ny 5 (57 isan-jato) no malahelo mandritra ny fotoana ela be ary mieritreritra hoe tsy misy mangirana intsony ny fiainany.

 Mampalahelo be ireo tatitra ireo satria tokony ho fotoana hahafaly sy hahafinaritra ny fahatanorana. Inona no hanampy ny tanora hiatrika ny olana mahazo an-dry zareo? Inona no lazain’ny Baiboly?

Afaka manampy ny tanora ny Baiboly

 Marina ny lazain’ny Baiboly hoe “fotoan-tsarotra tsy mora atrehina” izao andro iainantsika izao. (2 Timoty 3:1-5) Misy torohevitra azo ampiharina tsara anefa ao anatin’izy io, ary afaka manampy tanora an-tapitrisany maneran-tany mba ho faly na dia eo aza ny olana atrehin’izy ireo. Diniho ireto lahatsoratra ireto fa ahitana torohevitra avy ao amin’ny Baiboly:

•   Ahoana no Hataoko fa Izaho Te ho Faty?

•   Te Hamono Tena Aho! Afaka Manampy Ahy Tsy Hieritreritra An’izany ve ny Baiboly?

•   Aza Mamoy Fo!

•   Inona no Hataoko Raha Kivy Be Aho?

•   Inona no Azoko Atao mba Tsy Hieritreretako Zavatra Mahakivy?

•   Inona no Hataoko mba Tsy Hanahy Be Loatra Aho?

•   Ahoana no Ahaizako Mifehy ny Fihetseham-poko?

•   Inona no Hataoko mba Tsy Halahelo Be Intsony Aho? (kisarisary)

•   Inona no Ataoko fa Ampijalin’ny Ankizy Aho?

•   Ahoana Raha Misy Olona Ratsy Fanahy Amiko ao Amin’ny Internet?

•   Tsy Mila Miady Nefa Mandresy! (kisarisary)

•   Inona no Azoko Atao Raha Misy Manadala Ahy?

•   Inona no Tokony ho Fantatro Momba ny Fametavetana? Fizarana 1: Inona ny Fitandremana Tokony Hatao?

•   Inona no Tokony ho Fantatro Momba ny Fametavetana? Fizarana 2: Ahoana Raha Efa Niharan’izany Aho?

Afaka manampy ny ray aman-dreny ny Baiboly

 Misy torohevitra ho an’ny ray aman-dreny koa ao amin’ny Baiboly mba hahavitany manampy ny zanany hiatrika olana eo amin’ny fiainana. Diniho ireto lahatsoratra ireto:

•   Inona no Hanampy An’ireo Tanora Kivy Be?

•   Mba Tsapanao ve ny Mahazo ny Zanakao Vavy?

•   Ahoana Raha Misy Mampijaly ny Zanako?

•   Ampio ny Zanakao Raha Mampijaly ny Tenany

•   Ny Ankizy sy ny Tambazotran-tserasera: Fizarana 1: Tokony Hampiasa Tambazotran-tserasera ve ny Zanako?

•   Ny Ankizy sy ny Tambazotran-tserasera: Fizarana 2: Ampianaro ny Zanakao mba ho Voaro Rehefa Mampiasa Tambazotran-tserasera

•   Ny ankizy sy ny Telefaonina​—Fizarana 1: Tokony Havelako Hanana Telefaonina Raitra ve ny Zanako?

•   Ny Ankizy sy ny Telefaonina​—Fizarana 2: Ampio ny Zanakao Mba Hahay Hisaina Tsara Rehefa Mampiasa Telefaonina Raitra

•   Ampitandremo ny Zanakao Amin’ny Hafatra Vetaveta