တၢ်မၤလိ ၁၂
အဝဲဒိးန့ၢ်ဘၣ် တၢ်သူၣ်မံသးမုာ်လၢယွၤအအိၣ်
၁, ၂. တၢ်မၤအသးလၢဝံအ့ၤလံယၤ သးပ့ၤနီၣ်ဝဲတသ့ဘၣ်န့ၣ် မ့ၢ်မနုၤတဖၣ်လဲၣ်.
ဖဲဝံအ့ၤလံယၤ ဃ့ၢ်ဝဲလၢတၢ်စူၤကျါအခါ တၢ်ခံးလီၤ ဒံးယံာ်ဒံးဒိၣ်ထီၣ်ဝဲလီၤ. အဝဲဘၣ်ဃ့ၢ်ဝဲတၢ်ဒ့ၣ်စၢၤ အိၣ်ဒံးဝဲဖးယံၤညါ. ဝံအ့ၤလံယၤန့ၣ် အသးပှၢ်သနာ်က့ ဖဲအဝဲဃ့ၢ်ဝဲအခါ တလီၤဘှံးလီၤတီၤဝဲနီတစဲးဘၣ်. မ့ၢ်လၢ “ယွၤအစု” အိၣ်ဒီးအီၤအဃိလီၤ. တကးဒံးဘၣ် ဝံအ့ၤလံယၤ တတူၢ်ဘၣ်ဝဲလၢအဂံၢ်အဘါ အိၣ်အါထဲအံၤ နီတဘျီဘၣ်. အဂံၢ်အဘါအိၣ်အါဝဲတုၤဒၣ်လဲာ် အဝဲဃ့ၢ်တလၢကွံာ်ဝဲ စီၤအၤဃာ် အလ့ၣ်ကဟၣ်န့ၣ်လီၤ.—ဖး ၁ စီၤပၤ ၁၈:၄၆ တက့ၢ်.
၂ ခဲအံၤန့ၣ် ဝံအ့ၤလံယၤ ဃ့ၢ်တလၢကွံာ်ဝဲ စီၤအၤဃာ် ဒီးဘၣ်ဃ့ၢ်ဒံးဝဲ ထဲတဂၤဧိၤဖးယံၤညါ. ထံၣ်ကမှံကွၢ်လၢ ဖဲအဝဲဃ့ၢ်ဝဲအခါ တၢ်ဟဲစူၤဘၣ်အမဲာ်သၣ်အဃိ ကဘၣ်ဖျးဆံးဝဲအမဲာ်ထီဘိန့ၣ်လီၤ. ဒီးဖဲဝံအ့ၤလံယၤ ဃ့ၢ်ဝဲအဆၢကတီၢ်န့ၣ် ဘၣ်သ့ၣ်သ့ၣ် ကဆိကမိၣ်ထီၣ်က့ၤဝဲ တၢ်ဂ့ၢ်လၢအကဲထီၣ်အသး ဖဲနံၤအဝဲန့ၣ် လၢတၢ်သူၣ်မံသးမုာ်အပူၤလီၤ. ဖဲနံၤအဝဲန့ၣ်န့ၣ် ယဟိဝၤယွၤ မၤနၢၤတၢ်ဒီးတၢ်ဘူၣ်တၢ်ဘါလၢ အမ့ၢ်အတီဟဲဖျါထီၣ်ဝဲအဃိ ပှၤသးဒ့ဒီအလီၢ်တအိၣ်ဝဲလၢၤဘၣ်. ခီဖျိလၢ ဝံအ့ၤလံယၤ ဃ့ၢ်ဝဲတၢ်ဒ့ၣ်စၢၤစီၤစုၤဝဲဖးယံၤလံ ဒီးတၢ်အၢၣ်ခံးသူခံးလါဝဲအဃိ အဝဲမ့ၢ်ဃၣ်တရံးအသးဒီးကွၢ်စိဃီၤဝဲကစၢၢ်ကၢ်မ့ၤလး လၢအထီတဖျၢၣ်အံၤ သနာ်က့ ကွၢ်ဝဲတဖျါလၢၤဘၣ်. ဒ်ပသ့ၣ်ညါဘၣ်အသိး ယဟိဝၤယွၤ စံးဆၢက့ၤဝဲဝံအ့ၤလံယၤ အတၢ်ထုကဖၣ် လၢတၢ်လီၤလိၢ်လီၤလးအပူၤ ဖဲကစၢၢ်တဖျၢၣ်အံၤအလိၤန့ၣ်လီၤ. တကးဒံးဘၣ် ဘဧၤလးအတၢ်ဘူၣ်တၢ်ဘါန့ၣ် ဘၣ်တၢ်ပာ်ဖျါထီၣ်အီၤ ဒ်အမ့ၢ်တၢ်ဘူၣ်တၢ်ဘါ လၢအကမၣ်န့ၣ်လီၤ. ဒီးဘဧၤလးအဝံ လၢအကယၤတဖၣ်န့ၣ် ဒိးန့ၢ်ဘၣ်ဝဲတၢ်မဲာ်ဆှး ဒီးဘၣ်တၢ်မၤသံအဝဲသ့ၣ်လီၤ. ဖဲတၢ်မၤအသးတဖၣ်အံၤဝံၤအလီၢ်ခံ ဝံအ့ၤလံယၤ ဃ့ထုကဖၣ်ဝဲဒ်သိး တၢ်ယီၤဃ့လၢအအိၣ်ထီၣ်ဝဲ သၢနံၣ်ဒီးဃုလါအံၤကကတၢၢ်ကွံာ်ဝဲအဂီၢ်လီၤ. ဒီးတၢ်ဟဲစူၤလီၤဝဲဖးဒိၣ်လီၤ.—၁ စီၤပၤ. ၁၈:၁၈-၄၅.
၃, ၄. (က) ဘၣ်မနုၤအဃိ ဝံအ့ၤလံယၤ ဆိကမိၣ်ဝဲလၢ အတၢ်မုၢ်လၢ် ကဟဲလၢပှဲၤထီၣ်ဝဲလဲၣ်. (ခ) ပကသမံသမိး တၢ်သံကွၢ်မနုၤတဖၣ်လဲၣ်.
၃ ဝံအ့ၤလံယၤ လဲၤဃ့ၢ်ဝဲ ၁၉ မံးလာ်ဆူ ဝ့ၢ်ယံးစရ့လးလၢ မူခိၣ်စူၤထံကျါ ဒီးစံၣ်ယီၢ်ထံသီၣ်ဝဲပၠးပၠးပၠးန့ၣ်လီၤ. ခဲအံၤဒု ဝံအ့ၤလံယၤကဆိကမိၣ်လၢ အတၢ်မုၢ်လၢ် အသူအသၣ် သၣ်ထီၣ်ဝဲလံ. မ့ၢ်လၢအဝဲကဆိကမိၣ်လၢ တၢ်အိၣ်အသးတဖၣ် ကဂ့ၤထီၣ်က့ၤဝဲအဃိလီၤ. ဒီးကဆိကမိၣ်လီၤအသးလၢ တဘျီညါအံၤ စီၤအၤဃာ် ကဆီတလဲကွံာ်အတၢ်အိၣ်မူလီၤသၢၣ်. စီၤအၤဃာ် ထံၣ်ဘၣ်ဝဲတၢ်မၤအသးတဖၣ်လၢ ကစၢၢ်ကၢ်မ့ၤလးအလိၤအဃိ ဝံအ့ၤလံယၤ ကဆိကမိၣ်စ့ၢ်ကီးဝဲလၢ စီၤပၤအၤဃာ် ကပာ်တ့ၢ်ကွံာ်တၢ်ဘူၣ်ထီၣ်ဘါထီၣ် ဘဧၤလး, ဒီးကတြီဝဲအမါ နီၢ်ပၤမုၣ်အံၤစ့ဘ့ၤလး ဒ်သိးအသုတမၤနးမၤဖှီၣ် ယဟိဝၤယွၤ အခ့အပှၤလၢၤတဂ့ၤအဂီၢ်လီၤ.
“ဝံအ့ၤလံယၤ . . . ဃ့ၢ်ဝဲလၢစီၤအၤဃာ်အမဲာ်ညါ ဆူတၢ်လဲၤနုာ်လၢ ယံးစရ့လးလီၤ”
၄ ဒ်ပမုၢ်လၢ်ပာ်စၢၤအသိး မ့ၢ်ဟဲကဲထီၣ်အသးသပှၢ်ကတၢၢ်န့ၣ် ပကဆိကမိၣ်လၢ ခါဆူညါန့ၣ်ပတၢ်အိၣ်မူ ကဂ့ၤထီၣ်က့ၤ ဒီးပတၢ်ကီတၢ်ခဲတဖၣ် ကလီၤမၢ်ကွံာ်ဝဲကယီကယီလီၤ. ဝံအ့ၤလံယၤ မ့ၢ်ဆိကမိၣ်ယၤ. ၅:၁၇) ဘၣ်ဆၣ် ဝံအ့ၤလံယၤ အတၢ်ကီတၢ်ခဲန့ၣ် တကတၢၢ်ကွံာ်ဒံးဘၣ်. ဆူမဲာ်ညါ စှၤနၣ်ရံၣ်အတီၢ်ပူၤန့ၣ် အဝဲကကွၢ်ဆၢၣ်မဲာ်ဘၣ်ဝဲ တၢ်ပျံၤတၢ်ဖုးဖးဒိၣ် ဒီးအသးဂံၢ်ဘါကလီၤစၢ်ဝဲ တုၤလၢအဝဲကအဲၣ်ဒိးသံဝဲလီၤ. ဘၣ်မနုၤအဃိ အဝဲတူၢ်ဘၣ်ဝဲဒ်န့ၣ်လဲၣ်. ဒီးဒ်သိးဝံတဂၤအံၤ ကအိၣ်က့ၤဒီးတၢ်သးဒူ ဒီးအတၢ်နာ်ကဂၢၢ်ကျၢၤထီၣ်က့ၤအဂီၢ် ယဟိဝၤယွၤ ကမၤစၢၤအီၤလၢကျဲဒ်လဲၣ်န့ၣ် ပကသမံသမိးကွၢ်တၢ်ဂ့ၢ်တဖၣ်အံၤလီၤ.
ဝဲဒ်အံၤန့ၣ် တမ့ၢ်တၢ်လၢအလီၤတိၢ်လီၤဆီဘၣ်. မ့ၢ်လၢ “စီၤအ့ၤလံယၤမ့ၢ်ပှၤကညီ, ဒ်ပဝဲအသိး” လီၤ. (တၢ်ဟဲကဲထီၣ်အသးသတူၢ်ကလာ် လၢတၢ်တပာ်သူၣ်ပာ်သးအပူၤ
၅. တၢ်မၤအသးလၢ ကစၢၢ်ကၢ်မ့ၤလးအလိၤ ဝံၤအလီၢ်ခံ မ့ၢ်စီၤအၤဃာ်ဟံးန့ၢ်တၢ်မၤလိဒီး ပာ်ဖျါထီၣ် တၢ်ပာ်ကဲယဟိဝၤယွၤဧါ, ပသ့ၣ်ညါဘၣ်ဒ်လဲၣ်.
၅ ဖဲစီၤပၤအၤဃာ် က့ၤတုၤလၢ ဝ့ၢ်ယံးစရ့လးအနီပူၤအခါ မ့ၢ်အဝဲပီၢ်ယၢ်လီၤက့ၤအသးစ့ၢ်ကီးဧါ. ပဖးဘၣ်လၢ– “စီၤအၤဃာ်စံးဘၣ် နီၢ်အံၤစ့ဘ့ၤလးလၢ ကယဲၢ်တၢ်လၢစီၤအ့ၤလံယၤမၤဝဲ, ဒီးကယဲၢ်တၢ်ဘၣ်ဃးဒီး အမၤသံဝံခဲလၢာ်လၢနး” န့ၣ်လီၤ. (၁ စီၤ. ၁၉:၁) ပာ်သူၣ်ပာ်သးလၢ ဖဲအဝဲတဲဘၣ်အမါ နီၢ်အံၤစ့ဘ့ၤလး တၢ်ဂ့ၢ်လၢအဟဲကဲထီၣ်အသးအခါ အဝဲတတဲဖျါထီၣ်ဝဲ ယဟိဝၤယွၤအဂ့ၢ်နီတစဲးဘၣ်. တၢ်လီၤလးလၢအဟဲကဲထီၣ်ဝဲန့ၣ် စီၤအၤဃာ်တဲဝဲလၢ “စီၤအ့ၤလံယၤမၤ” အိၣ်ထီၣ်ဝဲလီၤ. လၢတၢ်န့ၣ်အဃိ ပသ့ၣ်ညါဘၣ်လီၤတံၢ်လီၤဆဲးလၢ စီၤအၤဃာ် တဟံးန့ၢ်တၢ်မၤလိဒီး တပာ်ဖျါထီၣ်တၢ်ပာ်ကဲ ယဟိဝၤယွၤဘၣ်. မ့မ့ၢ်အမါလၢအသူၣ်အၢသးသီတဂၤအံၤန့ၣ် ကမၤဝဲတၢ်မနုၤလဲၣ်.
၆. နီၢ်အံၤစ့ဘ့ၤလး ဆှၢလီၤတၢ်ကစီၣ်မနုၤလၢ ဝံအ့ၤလံယၤအအိၣ်လဲၣ်, ဒီးတၢ်ကစီၣ်အံၤန့ၣ် အဲၣ်ဒိးစံးဝဲတၢ်မနုၤလဲၣ်.
၆ နီၢ်အံၤစ့ဘ့ၤလး အသးပိၢ်မုၢ်ပိၢ်ဖးထီၣ်ဝဲနးမးလီၤ. ခီဖျိလၢအသးပှံၢ်ထီၣ်တၢ်အဃိ အဝဲမၢလီၤအခ့အပှၤ ဒ်သိးကလဲၤဆူဝံအ့ၤလံယၤအအိၣ် ဒီးတဲဘၣ်အီၤလၢ– “ယမ့ၢ်တမၤဘၣ်တၢ်တမံၤဃီဆူနၤ ဒ်နမၤတ့ၢ်ဘဧၤလးအဝံတဖၣ်အသိးန့ၣ်ဘၣ် ဒီးခဲမုၢ်ဆ့ၣ်တုၤတၢ်ဆၢကတီၢ်ဒ်အံၤန့ၣ်မ်ကစၢ်တဖၣ် မၤသံကွံာ်ယၤန့ၣ်တက့ၢ်.” (၁ စီၤပၤ. ၁၉:၂, ခ့ခါစှီၤကျိာ်) နီၢ်အံၤစ့ဘ့ၤလးအတၢ်ကတိၤအံၤ မ့ၢ်တၢ်လၢအလီၤပျံၤလီၤဖုး သပှၢ်ကတၢၢ်န့ၣ်လီၤ. မ့ၢ်လၢနီၢ်အံၤစ့ဘ့ၤလး ပာ်လီၤအသးဂၢၢ်ဂၢၢ်ကျၢၤကျၢၤ လၢကမၤသံ ဝံအ့ၤလံယၤအဃိလီၤ. နီၢ်အံၤစ့ဘ့ၤလး အၢၣ်လီၤဝဲလၢ ခဲမုၢ်ဆ့ၣ်ယမ့ၢ်တမၤသံဘၣ် ဝံအ့ၤလံယၤန့ၣ် ယကြၢးသံလီၤ. အဝဲမၤဝဲဒ်အံၤန့ၣ် မ့ၢ်လၢအဝဲအဲၣ်ဒိး ဟ့ၣ်ကၣ်က့ၤတၢ်လၢ ဘဧၤလးအဝံတဖၣ်အဂီၢ်လီၤ. ထံၣ်ကမှံကွၢ်, ဖဲတၢ်စူၤဒီးကလံၤဟဲအူတၢ်အနၤန့ၣ် ဝံအ့ၤလံယၤမံဝဲလၢ တၢ်လီၢ်တတီၤတီၤ လၢဝ့ၢ်ယံးစရ့လးအပူၤန့ၣ်တက့ၢ်. ဒီးလၢတၢ်တပာ်သူၣ်ပာ်သးအပူၤ နီၢ်အံၤစ့ဘ့ၤလး အခ့အပှၤဟဲကိးပၢၢ်ထီၣ်အီၤ ဒီးဖဲအဝဲတဲဘၣ်အီၤတၢ်ကတိၤလၢ အလီၤပျံၤလီၤဖုးအံၤအခါ ဝံအ့ၤလံယၤ အသးကမၤအသးဒ်လဲၣ်.
အိၣ်ဒီးတၢ်ပျံၤတၢ်ဖုး ဒီးအသးဂံၢ်ဘါလီၤစၢ်
၇. ဖဲဝံအ့ၤလံယၤ နၢ်ဟူဘၣ်ဝဲနီၢ်အံၤစ့ဘ့ၤလး အတၢ်ကတိၤလၢ အလီၤပျံၤလီၤဖုးအခါ အသးမၤအသးဒ်လဲၣ်, ဒီးဝံအ့ၤလံယၤ မၤဝဲဒ်လဲၣ်.
၇ ဝံအ့ၤလံယၤ မ့ၢ်မုၢ်လၢ်ပာ်စၢၤဝဲလၢ ဘဧၤလးအတၢ်ဘူၣ်တၢ်ဘါ ကလီၤမၢ်ကွံာ်ဝဲသနာ်က့ ခဲအံၤ အဝဲသ့ၣ်ညါဝဲလၢ အတၢ်မုၢ်လၢ်တပျာ်ဝဲလံ. နီၢ်အံၤစ့ဘ့ၤလး အခိၣ်ကိၤပှံၤလံကံ ဒီးတဟ့ၣ်ၡူအသးညီညီဘၣ်. အဝဲမၤသံဝဲ ကစၢ်ယွၤအဝံအါဂၤလံ ဒီးခဲအံၤန့ၣ် ကမၤသံဝဲဝံအ့ၤလံယၤန့ၣ်လီၤ. ခီဖျိလၢ နီၢ်အံၤစ့ဘ့ၤလး အတၢ်ကတိၤအံၤအဃိ ဝံအ့ၤလံယၤအသးကမၤအသးဒ်လဲၣ်. လံာ်စီဆှံစံးဝဲလၢ– “စီၤအ့ၤလံယၤပျံၤတၢ်” န့ၣ်လီၤ. ဒီးဘၣ်သ့ၣ်သ့ၣ် ဝံအ့ၤလံယၤ ကဆိကမိၣ်ဝဲလၢ နီၢ်အံၤစ့ဘ့ၤလး ကမၤသံအီၤဆှုၣ်မဲာ်ကဲၤမဲာ်လီၤ. ဝံအ့ၤလံယၤ မ့ၢ်ဆိကမိၣ်ဝဲထဲ တၢ်ဂ့ၢ်တခါအံၤန့ၣ် အတၢ်သးဒူကလီၤစၢ်ဝဲလီၤ. ဒ်လဲၣ်ဂ့ၤဒ်လဲၣ်ဂ့ၤ လံာ်စီဆှံတဲဝဲလၢ အဝဲ “ဃ့ၢ်ပူၤဖျဲးလၢ အသးသမူအဂီၢ်လီၤ.”—၁ စီၤပၤ. ၁၈:၄; ၁၉:၃, ခ့ခါစှီၤကျိာ်.
ပမ့ၢ်အဲၣ်ဒိးလၢ ပတၢ်သးဒူ ကဂၢၢ် ကျၢၤထီၣ်န့ၣ် ပတဘၣ်ဒုးလီၤထွံကွံာ် ပတၢ်ဆိကမိၣ်လၢ တၢ်ပျံၤတၢ်ဖုးဒီး တၢ်ဘၣ်ယိၣ်ဘၣ်ဘှီအပူၤဘၣ်
၈. (က) စီၤပ့းတရူး အတၢ်အိၣ်သးန့ၣ် လီၤဂာ်ဒီး ဝံအ့ၤလံယၤဒ်လဲၣ်. (ခ) ပမၤလိန့ၢ်တၢ်မၤလိလၢ ဝံအ့ၤလံယၤဒီးစီၤပ့းတရူးအအိၣ်ဒ်လဲၣ်.
မးသဲ ၁၄:၃၀ တက့ၢ်.) ပဟံးန့ၢ်တၢ်မၤလိလၢ ဝံအ့ၤလံယၤ ဒီးစီၤပ့းတရူးအဒိအတဲာ် သ့ဝဲလီၤ. ပမ့ၢ်အဲၣ်ဒိးပၢၤဃာ် ပတၢ်သးဒူန့ၣ် ပတဘၣ်ဆိကမိၣ် ထဲတၢ်ဘၣ်ယိၣ်ဘၣ်ဘှီတဖၣ် လၢအကဲထီၣ်တၢ်လီၤပျံၤလီၤဖုးလၢပဂီၢ်ဘၣ်. ထီဘိန့ၣ် ပကဘၣ်သ့ၣ်နီၣ်ထီၣ်လၢ ယဟိဝၤယွၤ မ့ၢ်ပတၢ်မုၢ်လၢ်ဒီး ပဂံၢ်ပဘါန့ၣ်လီၤ.
၈ လၢကစၢ်ယွၤ အခ့အပှၤအကျါ ပှၤလၢအတၢ်သးဒူလီၤမၢ်ကွံာ်ဝဲ ခီဖျိလၢတၢ်ပျံၤတၢ်ဖုးအဃိန့ၣ် တမ့ၢ်ထဲဝံအ့ၤလံယၤတဂၤဧိၤဘၣ်. လၢခံန့ၣ် တၢ်မၤအသးဒီး တၢ်မၢဖိပ့းတရူးဒ်န့ၣ်စ့ၢ်ကီးလီၤ. ဘၣ်တဘျီ ယ့ၣ်ၡူးမၤစၢၤ စီၤပ့းတရူးဒ်သိး ဟးဝဲလၢထံဖီခိၣ်ကသ့ဝဲအဂီၢ်လီၤ. ဘၣ်ဆၣ် ဖဲစီၤပ့းတရူး “ထံၣ်ကလံၤဆူၣ်ဆူၣ်ကလဲာ်” အခါအဝဲသူၣ်ပျံၤသးဖုးတၢ်လီၤ. ခီဖျိလၢအဝဲပျံၤတၢ်အဃိ အတၢ်သးဒူလီၤမၢ်ကွံာ်ဝဲ ဒီးစးထီၣ်လီၤဘျၢဝဲလၢ ထံဖီလာ်တဘျီဃီလီၤ. (ဖး“တၢ်အံၤနးဒိၣ်မး”
၉. ဖဲဝံအ့ၤလံယၤ ဃ့ၢ်ကွံာ်ဝဲလၢအယံၤအခါ အဝဲကတူၢ်ဘၣ်တၢ်ဒ်လဲၣ်န့ၣ် တဲဖျါထီၣ်တက့ၢ်.
၉ ဝံအ့ၤလံယၤ ပျံၤတၢ်ဒိၣ်မးအဃိ အဝဲဃ့ၢ်ယံၤဝဲဒီး ဝ့ၢ်ယံးစရ့လး ၉၅ မံးလာ်န့ၣ်လီၤ. အဝဲလဲၤဃ့ၢ်ဝဲတုၤလၢ ဝ့ၢ်ဘ့ၢ်ၡဘၤ လၢအိၣ်လၢမုၢ်နုာ်ကလံၤထံးတခီ ဒီးဝ့ၢ်အဝဲအံၤ အိၣ်ဘူးဝဲဒီးယူဒၤအကီၢ်ဆၢ လၢကလံၤထံးတခီန့ၣ်လီၤ. ဝံအ့ၤလံယၤ ပာ်တ့ၢ်ဝဲအခ့အပှၤ လၢဝ့ၢ်ဘ့ၢ်ၡဘၤအပူၤ ဒီးအဝဲလဲၤဝဲဆူ ပှၢ်မုၢ်ကနၢအပူၤထဲတဂၤဧိၤလီၤ. ဒီးလံာ်စီဆှံတဲဝဲလၢအဝဲဟးဝဲလၢ ပှၢ်မုၢ်ကနၢပူၤ “တနံၤကျဲ” န့ၣ်လီၤ. လၢတၢ်န့ၣ်အဃိ ပထံၣ်ကမှံကွၢ်သ့လၢ ဝံအ့ၤလံယၤ ကစးထီၣ်လဲၤတၢ်ဂီၤဂီၤ ဒီးတစိာ်ဝဲတၢ်အီၣ်တၢ်အီနီတမံၤဘၣ်. ဝံအ့ၤလံယၤ တကနၣ်ဃုာ်တၢ်နီတမံၤဘၣ်ဒီး ဃ့ၢ်မုၢ်ဃ့ၢ်ဖျိးကွံာ်ဝဲလၢအယံၤလီၤ. အဝဲလဲၤတၢ်လၢ တၢ်ကိၢ်ကျါဒီတနံၤကျၢၤလီၤ. တုၤလီၤလၢဟါလီၤခီန့ၣ် ဝံအ့ၤလံယၤအဂံၢ်အဘါ ထီၣ်တဲာ်ဝဲလီၤ. လၢတၢ်န့ၣ်အဃိ အဝဲဆ့ၣ်နီၤဝဲလၢ သ့ၣ်အဖီလာ် လၢပှၢ်မုၢ်ကနၢပူၤန့ၣ်လီၤ.—၁ စီၤပၤ. ၁၉:၄, ခ့ခါစှီၤကျိာ်.
၁၀, ၁၁. (က) ဝံအ့ၤလံယၤ အတၢ်ထုကဖၣ်န့ၣ် အခီပညီအိၣ်ဝဲဒ်လဲၣ်. (ခ) တဲဖျါထီၣ်လံာ်စီဆှံအဆၢလၢ အပာ်ဖျါထီၣ်ယွၤအခ့အပှၤ, ပိာ်မုၣ်ဒီးပိာ်ခွါတနီၤ လၢအသးဂံၢ်ဘါလီၤစၢ်ဝဲ အဂ့ၢ်တက့ၢ်.
၁၀ မ့ၢ်လၢဝံအ့ၤလံယၤ သူၣ်လီၤဘှံးသးလီၤဘှါလၢာ်လၢာ်ဆ့ဆ့အဃိ အဝဲဃ့ထုကဖၣ်ဝဲလၢ ကသံဝဲအဂီၢ်လီၤ. အဝဲတဲဝဲလၢ– “ယတဂ့ၤအါန့ၢ်စ့ၢ်ကီး ယမိၢ်ပၢ်ဖံဖုလၢပျၢၤတဖၣ်ဘၣ်.” ဝံအ့ၤလံယၤ သ့ၣ်ညါဝဲလၢအဖံအဖုတဖၣ် သံဒီးကဲထီၣ်ဝဲဟီၣ်ခိၣ်ကမူၣ်လံအဃိ အဝဲသ့ၣ်မၤစၢၤပှၤဂၤ တသ့နီတဂၤလၢၤဘၣ်. (စံၣ်. ၉:၁၀) ခဲအံၤဝံအ့ၤလံယၤ တူၢ်ဘၣ်ဝဲဒ်န့ၣ်အသိးလီၤ. အဝဲတူၢ်ဘၣ်လၢ အတၢ်အိၣ်မူန့ၣ် အဘျုးတအိၣ်လၢၤဘၣ်. လၢတၢ်န့ၣ်အဃိ အဝဲကိးပသူထီၣ်ဝဲလၢ– “တၢ်အံၤနးဒိၣ်မး” န့ၣ်လီၤ.
၁၁ ကစၢ်ယွၤအခ့အပှၤ လၢအတီအလိၤတဖၣ် အသးဂံၢ်ဘါမ့ၢ်လီၤစၢ်ဝဲထဲလဲၣ် ဘၣ်ဆၣ် တမ့ၢ်တၢ်လၢအလီၤကမၢကမၣ်ဝဲဘၣ်. လံာ်စီဆှံပာ်ဖျါထီၣ်န့ၢ်ပှၤ ပိာ်မုၣ်ပိာ်ခွါလၢအတီအလိၤအါဂၤလၢ အသးဂံၢ်ဘါလီၤစၢ် တုၤဒၣ်လဲာ်အဝဲသ့ၣ် အဲၣ်ဒိးသံဝဲလီၤ. လၢပှၤသ့ၣ်တဖၣ်အံၤအကျါန့ၣ် ပၣ်ဃုာ်ဒီး နီၢ်ရံးဘကၤ, စီၤယၤကိာ်, စီၤမိၤၡ့ဒီးစီၤယိၤဘးန့ၣ်လီၤ.—၁ မိၤ. ၂၅:၂၂; ၃၇:၃၅; ၄ မိၤ. ၁၁:၁၃-၁၅; ယိၤဘး ၁၄:၁၃.
၁၂. ဖဲနသးလီၤဘှံးလီၤဘှါအခါ နကွၢ်လိမၤဒိး ဝံအ့ၤလံယၤသ့ဝဲလၢကျဲဒ်လဲၣ်.
၁၂ မုၢ်မဆါတနံၤအံၤ ပအိၣ်မူဘၣ်လၢ “အဆၢအကတီၢ်လၢ အကီအခဲ” လီၤ. လၢတၢ်န့ၣ်အဃိ ပမ့ၢ်၂ တံၤ. ၃:၁) ဒီးနမ့ၢ်တူၢ်ဘၣ်လၢ နသးလီၤဘှံးလီၤဘှါန့ၣ် ပာ်ဖျါထီၣ်နတၢ်တူၢ်ဘၣ်လၢ ကစၢ်ယွၤအအိၣ် ဒ်ဝံအ့ၤလံယၤအသိးတက့ၢ်. ခီဖျိလၢ ယဟိဝၤယွၤမ့ၢ် “တၢ်မၤမုာ်ခဲလၢာ်အကစၢ်” အဃိလီၤ. (ဖး ၂ ကရံၣ်သူး ၁:၃, ၄ တက့ၢ်.) မ့ၢ်ယဟိဝၤယွၤ မၤမုာ်ထီၣ်က့ၤ ဝံအ့ၤလံယၤအသးဧါ.
ထံၣ်ဘၣ်လၢ ပှၤအါဂၤ ဃုာ်ဒီးယွၤအခ့အပှၤလၢအတီအလိၤတဖၣ်ဒၣ်လဲာ် အသးဂံၢ်ဘါလီၤစၢ်ဝဲန့ၣ် တမ့ၢ်တၢ်လၢအလီၤကမၢကမၣ်ဝဲဘၣ်. (ယဟိဝၤယွၤ ဒုးဆူၣ်ထီၣ် ဝံအ့ၤလံယၤအဂံၢ်အဘါ
၁၃, ၁၄. (က) ခီဖျိလၢ မူခိၣ်ကလူးန့ၣ် ယဟိဝၤယွၤ ပာ်ဖျါထီၣ်တၢ်အဲၣ်လၢ ဝံအ့ၤလံယၤ အဖီခိၣ်ဒ်လဲၣ်. (ခ) ယဟိဝၤယွၤ သ့ၣ်ညါပဂ့ၢ်ပကျိၤဂ့ၤဂ့ၤ ဒီးနၢ်ပၢၢ်ပတၢ်ဂံၢ်စၢ်ဘါစၢ်အဃိ ပဒိးန့ၢ်ဘၣ်တၢ်သူၣ်မံသးမုာ်ဒ်လဲၣ်.
၁၃ ဖဲဝံအ့ၤလံယၤ ဃ့ကညးဝဲယဟိဝၤယွၤလၢ အကသံဝဲအဂီၢ်န့ၣ် ယဟိဝၤယွၤ ကကွၢ်လီၤတၢ်လၢဟီၣ်ခိၣ်ချၢ ဒီးထံၣ်ဘၣ်ဝဲအဝံလၢ အအဲၣ်ဘၣ်ဝဲတဂၤ မံနီၤဝဲလၢသ့ၣ်အခီၣ်ထံး လၢပှၢ်မုၢ်ကနၢအပူၤလီၤ. ဖဲန့ၣ်အဆၢကတီၢ် နဆိကမိၣ်လၢ ကစၢ်ယွၤကတူၢ်ဘၣ်ဝဲဒ်လဲၣ်. ဖဲဝံအ့ၤလံယၤ မံဘၣ်အသးအခါ ယဟိဝၤယွၤ ဆှၢလီၤဝဲမူခိၣ်ကလူး ဒီးကလူးထိးဘၣ်ဝံအ့ၤလံယၤ ကယီကယီ, ကိးပၢၢ်ထီၣ်အီၤ ဒီးစံးဘၣ်အီၤလၢ– “ဂဲၤဆၢထၢၣ်အီၣ်တၢ်တက့ၢ်.” ဝံအ့ၤလံယၤ ဂဲၤဆၢထၢၣ်အီၣ်ဝဲ ကိၣ်လၢအကိၢ်ကိၢ်လၢၤလၢၤဒီးထံလၢ မူခိၣ်ကလူးကတဲာ်ကတီၤပာ်ဝဲန့ၣ်လီၤ. မ့ၢ်အဝဲစံးဘျုးဝဲ မူခိၣ်ကလူးတဂၤန့ၣ်စ့ၢ်ကီးဧါ. လံာ်စီဆှံပာ်ဖျါထီၣ်န့ၢ်ပှၤထဲလၢ ဝံအ့ၤလံယၤ ဂဲၤဆၢထၢၣ်အီၣ်တၢ် ဝံၤဒီးမံကဒါက့ၤဝဲလီၤ. ဘၣ်သ့ၣ်သ့ၣ် ခီဖျိလၢ အသးလီၤဘှံးလီၤဘှါဝဲဒိၣ်မးအဃိ အဝဲတဲတၢ်တကဲလၢၤဘၣ်. ဒ်လဲၣ်ဂ့ၤဒ်လဲၣ်ဂ့ၤ မူခိၣ်ကလူးတဂၤအံၤ ကိးပၢၢ်ထီၣ်ဝံအ့ၤလံယၤ လၢအသီတဘျီန့ၣ် ဘၣ်သ့ၣ်သ့ၣ်ကဘၣ်ဖဲ မုၢ်ဆ့ၣ်ဝါထီၣ်လီၤ. ဒီးတဲဘၣ်အီၤလၢ “ဂဲၤဆၢထၢၣ်အီၣ်တၢ်တက့ၢ်.” တဘျီအံၤန့ၣ် မူခိၣ်ကလူးတဲစ့ၢ်ကီးလၢ “ကျဲဧိၤကပူၤဧိၤ ယံၤကဲၣ်ဆိးလၢနဂီၢ်လီၤ.”—၁ စီၤပၤ. ၁၉:၅-၇.
၁၄ ကစၢ်ယွၤ ဒုးသ့ၣ်ညါမူခိၣ်ကလူးလၢ ဝံအ့ၤလံယၤ ကဘၣ်လဲၤဝဲလၢ တၢ်လီၢ်ဖဲလဲၣ်န့ၣ်လီၤ. ဒုးသ့ၣ်ညါစ့ၢ်ကီးအီၤလၢ ဝံအ့ၤလံယၤလဲၤတၢ်လၢ အနီၢ်ကစၢ်အဂံၢ်အဘါ တသ့ဝဲဘၣ်. ပကဲထီၣ်ယဟိဝၤယွၤ အခ့အပှၤန့ၣ် ကဲထီၣ်တၢ်သူၣ်မံသးမုာ် လၢပဂီၢ်ဒိၣ်မးလီၤ. ခီဖျိလၢ ကစၢ်ယွၤသ့ၣ်ညါပဖီတၢၣ်တဖၣ် ဒီးနၢ်ပၢၢ်ဝဲ ပတၢ်ဂံၢ်စၢ်ဘါစၢ်အါန့ၢ်ဒံးပှၤအဃိလီၤ. (ဖး စံးထီၣ်ပတြၢၤ ၁၀၃:၁၃, ၁၄ တက့ၢ်.) တၢ်အီၣ်လၢ ဝံအ့ၤလံယၤ အီၣ်ဝဲန့ၣ်မၤစၢၤအီၤဒ်လဲၣ်.
၁၅, ၁၆. (က) တၢ်အီၣ်တၢ်အီလၢ ယဟိဝၤယွၤ ဒုးအီၣ်ဝံအ့ၤလံယၤန့ၣ် မၤဆူၣ်ထီၣ်အဂံၢ်အဘါထဲလဲၣ်. (ခ) ဘၣ်မနုၤအဃိ ပကြၢးစံးဘျုး ယဟိဝၤယွၤလၢ အကတဲာ်ကတီၤန့ၢ်ပှၤ နီၢ်သးအတၢ်အီၣ်တၢ်အီလဲၣ်.
၁၅ ပဖးဘၣ်လၢ ဝံအ့ၤလံယၤ– “ဂဲၤဆၢထၢၣ်, ဒီးအီၣ်တၢ်ဒီးအီတၢ်, ဒီးလဲၤဝဲလၢတၢ်အီၣ်န့ၣ် အဂံၢ်အဘါအနံၤလွံၢ်ဆံဒီးအနၤလွံၢ်ဆံ ပၢၢ်လၢကစၢ်အကစၢၢ်ဃိၤရ့းန့ၣ်လီၤ.” (၁ စီၤပၤ. ၁၉:၈) ဒ်စီၤမိၤၡ့ ဒီးယ့ၣ်ၡူးခရံာ်အသိး ဝံအ့ၤလံယၤစ့ၢ်ကီး တအီၣ်ဘၣ်တၢ်အနံၤ ၄၀ အနၤ ၄၀ န့ၣ်လီၤ. (၂ မိၤ. ၃၄:၂၈; လူၤကၣ် ၄:၁, ၂) တၢ်အီၣ်လၢဝံအ့ၤလံယၤ အီၣ်ဝဲန့ၣ်တမၤလီၤမၢ်ကွံာ် အတၢ်ကီတၢ်ခဲခဲလၢာ်ဘၣ်. လၢတၢ်န့ၣ်အလီၢ် မၤဆူၣ်ထီၣ်ဝဲအဂံၢ်အဘါ ဒ်သိးအဝဲလဲၤတၢ်ဆူညါ ကကဲဝဲအဂီၢ်လီၤ. ဆိကမိၣ်ကွၢ်မီၣ် တနံၤဘၣ်တနံၤန့ၣ် ပိာ်ခွါလၢအသးပှၢ်တဂၤအံၤ ကဘၣ်လဲၤခီဂာ်ဝဲ ပှၢ်မုၢ်ကနၢလၢ အပှဲၤဝဲဒီးတၢ်ကီတၢ်ခဲ တုၤလၢအပှဲၤထီၣ်အနံၤလွံၢ်ဆံန့ၣ်လီၤ.
၁၆ ယဟိဝၤယွၤ တမၤတၢ်လီၤလးလၢ ကဒုးအီၣ်ဒုးအီဝဲအခ့အပှၤလၢ မုၢ်မဆါတနံၤအံၤ ဒ်ဝံအ့ၤလံယၤအသိးဘၣ်. ဘၣ်ဆၣ် ကစၢ်ယွၤ ကတဲာ်ကတီၤန့ၢ်ပှၤ တၢ်အီၣ်လၢအဂ့ၤန့ၢ်ဒံး နီၢ်ခိအတၢ်အီၣ်န့ၣ်လီၤ. ကစၢ်ယွၤ ဟ့ၣ်လီၤအခ့အပှၤ နီၢ်သးအတၢ်အီၣ်လၢလၢပှဲၤပှဲၤ ဒ်သိးပတၢ်ရ့လိာ်သးဒီးအီၤ ကဂၢၢ်ကျၢၤဝဲအဂီၢ်လီၤ. (မး. ၄:၄) ပမ့ၢ်ဃုသ့ၣ်ညါ ကစၢ်ယွၤအဂ့ၢ်အကျိၤ ခီဖျိလၢ လံာ်စီဆှံဒီးလံာ်လဲၢ်လၢ ဘၣ်တၢ်ထုးထီၣ်ရၤလီၤအီၤတဖၣ်န့ၣ် လီၤဂာ်လၢပအီၣ်တၢ်အီတၢ် ဒ်သိးပသးဂံၢ်ဘါကဆူၣ်ထီၣ် ဒီးပမၤကစၢ်ယွၤအ တၢ်မၤ ကကဲဝဲထီဘိအဂီၢ်လီၤ. ပမ့ၢ်အီၣ်နီၢ်သးအတၢ်အီၣ် သနာ်က့ ပတၢ်ကီတၢ်ခဲတလီၤမၢ်ကွံာ်ဝဲခဲလၢာ်ဘၣ်. ဘၣ်ဆၣ် ကမၤစၢၤပှၤဒ်သိး ပတူၢ်တၢ်ခီၣ်တၢ်ကကဲအဂီၢ်န့ၣ်လီၤ. တကးဒံးဘၣ် ပအီၣ်နီၢ်သးအတၢ်အီၣ်န့ၣ် ကမၤစၢၤပှၤဒ်သိး ပကဒိးန့ၢ်ဘၣ် “တၢ်မူအထူအယိာ်” အဂီၢ်လီၤ.—ယိၤဟၣ် ၁၇:၃.
၁၇. ဝံအ့ၤလံယၤ လဲၤဝဲဆူတၢ်လီၢ်ဖဲလဲၣ်, ဒီးဖဲတၢ်လီၢ်အဝဲန့ၣ် တၢ်မၤတ့ၢ်အသးဒ်လဲၣ်.
၁၇ ဝံအ့ၤလံယၤ ဟးဝဲတၢ်ဒ့ၣ်စၢၤယံၤဝဲ ၂၀၀ မံးလာ်ဒီးလဲၤတုၤဝဲဆူ ကစၢၢ်ဃိၤရ့းန့ၣ်လီၤ. ဖဲန့ၣ်န့ၣ် အဝဲလဲၤအိၣ်သဒၢဝဲလၢ လ့ကအိအပူၤန့ၣ်လီၤ. ပှၤအံၣ်စရ့လးဖိ အတၢ်စံၣ်စိၤတဲစိၤပာ်ဖျါထီၣ်ဝဲလၢ တၢ်မၤအသးလၢအရ့ဒိၣ် ကဲထီၣ်အသးလၢ ကစၢၢ်တဖျၢၣ်အံၤအလိၤန့ၣ်လီၤ. လၢပျၢၤန့ၣ် ယဟိဝၤယွၤ ဒုးကဲၤထီၣ်ဝဲမ့ၣ်အူ လၢသ့ၣ်တၤဆှုၣ်အလိၤ ဒီးလီၣ်ဖျါထီၣ်အသးလၢ စီၤမိၤၡ့အမဲာ်ညါ ခီဖျိလၢ မူခိၣ်ကလူးတဂၤန့ၣ်လီၤ. တကးဒံးဘၣ် လၢကစၢၢ်တဖျၢၣ်အံၤအလိၤန့ၣ် ကစၢ်ယွၤဒုးအိၣ်ထီၣ်ဝဲ တၢ်သိၣ်တၢ်သီလၢ ပှၤအံၣ်စရ့လးဖိအဂီၢ်စ့ၢ်ကီးလီၤ.
ယဟိဝၤယွၤ မၤမုာ်ထီၣ်အဝံအသးဒီး မၤဆူၣ်ထီၣ်အဂံၢ်ဘါဒ်လဲၣ်
၁၈, ၁၉. (က) ယဟိဝၤယွၤ အမူခိၣ်ကလူး သံကွၢ်ဝံအ့ၤလံယၤ လၢတၢ်သံကွၢ်မနုၤလဲၣ်, ဒီးအဝဲစံးဆၢက့ၤအီၤဒ်လဲၣ်. (ခ) တၢ်ဂ့ၢ်သၢမံၤလၢ အမၤစၢ်လီၤဝံအ့ၤလံယၤ အသးန့ၣ်မ့ၢ်မနုၤလဲၣ်.
၁၈ ဖဲဝံအ့ၤလံယၤ အိၣ်လၢကစၢၢ်ဃိၤရ့း အလ့ကအိပူၤအခါ “ယွၤအကလုၢ်” ဟဲဘၣ်အီၤလီၤ. ဖျါလၢယဟိဝၤယွၤ ဆှၢလီၤမူခိၣ်ကလူးတဂၤ ဆူအအိၣ်ဒီးစံးဘၣ်အီၤလၢ– “တၢ်ဘၣ်ဃးဒီးနၤဖဲအံၤ အိၣ်မနုၤလဲၣ်, စီၤအ့ၤလံယၤဧၢ.” ဘၣ်သ့ၣ်သ့ၣ် မူခိၣ်ကလူး ကသံကွၢ်အီၤတၢ်သံကွၢ် လၢအကလုၢ်ကပုာ်လုးကဖီလီအဃိ ကထိၣ်ဟူးထိၣ်ဂဲၤထီၣ် ဝံအ့ၤလံယၤအသးလၢ ကတဲဖျါထီၣ်ဝဲ အတၢ်တူၢ်ဘၣ်န့ၣ်လီၤ. ဖဲန့ၣ်အခါ ဝံအ့ၤလံယၤ တဲဖျါထီၣ်အတၢ်တူၢ်ဘၣ်ပျီပျီန့ၣ်လီၤ. အဝဲစံးဝဲလၢ– “ယသးဆူၣ်လၢယွၤ တၢ်သုးမုၢ်အကစၢ်အဂီၢ် ဆူၣ်ဆူၣ်ကလဲာ်လီၤ. အဂ့ၢ်ဒ်အံၤ, ပှၤအံၣ်စရ့လးဖိလဲၤသဒၣ် နတၢ်အၢၣ်လီၤအီလီၤ, မၤလီၤပှီၢ်ကွံာ်နတၢ်လုၢ်လီၢ်, ဒီးမၤသံနဝံတဖၣ်လၢနး, ဒီးအိၣ်လီၤတဲာ်ထဲယၤတဂၤဧိၤလီၤ. ဒီးအဝဲသ့ၣ်တဖၣ်န့ၣ် ဃုယသးသမူဒ်သိး အကဟံးထီၣ်ကွံာ်အီၤလီၤ.” (၁ စီၤပၤ. ၁၉:၉, ၁၀) ဝံအ့ၤလံယၤ အတၢ်ကတိၤအံၤန့ၣ် ပာ်ဖျါထီၣ်န့ၢ်ပှၤ တၢ်ဂ့ၢ်အစှၤကတၢၢ်သၢထံၣ်လၢ ဘၣ်မနုၤအဃိ အသးဂံၢ်ဘါလီၤစၢ်ဝဲလဲၣ်.
၁၉ အဆိကတၢၢ်တမံၤန့ၣ် ဝံအ့ၤလံယၤ တူၢ်ဘၣ်ဝဲလၢ အတၢ်ဖံးတၢ်မၤလၢအမၤတ့ၢ်ဝဲ လၢအပူၤကွံာ်န့ၣ် အဘျုးတအိၣ်ဝဲနီတမံၤဘၣ်. ဝံအ့ၤလံယၤ မၤယွၤအတၢ်မၤလၢတၢ် “သးဆူၣ်” အပူၤအိၣ်လံအနံၣ်အါမးလံ, တကးဒံးဘၣ် အဝဲပာ်ဒိၣ်ဝဲကစၢ်ယွၤ အမံၤလၢအစီဆှံ ဒီးတၢ်ဘူၣ်တၢ်ဘါလၢ အမ့ၢ်အတီအါန့ၢ်ဒံးတၢ်အဂၤခဲလၢာ်န့ၣ်လီၤ. ဘၣ်ဆၣ် တၢ်အိၣ်သးတဖၣ် တဂ့ၤထီၣ်ဝဲအမဲာ်ညါ နးဒိၣ်န့ၢ်ဒံးအလီၢ်န့ၣ်လီၤ. ပှၤအံၣ်စရ့လးဖိတဖၣ် အတၢ်နာ်တအိၣ်ဒံးဘၣ်, ပူထီၣ်တၢ် ဒီးတကတီၢ်ဃီန့ၣ် တၢ်ဘူၣ်တၢ်ဘါလၢအကမၣ် ရၤလီၤအသးအါန့ၢ်ဒံးလၢညါလီၤ. ခံမံၤတမံၤန့ၣ် ဝံအ့ၤလံယၤ တဲဝဲလၢယ “အိၣ်လီၤတဲာ်ထဲယၤတဂၤဧိၤလီၤ.” ဝံအ့ၤလံယၤအတၢ်ကတိၤအံၤ ပာ်ဖျါထီၣ်ဝဲလၢ အဝဲတူၢ်ဘၣ်ဝဲလၢ အမ့ၢ်ပှၤထဲတဂၤဧိၤလၢအမၤဝဲ ယဟိဝၤယွၤအတၢ်မၤလၢ ပှၤအံၣ်စရ့လးဖိအကျါန့ၣ်လီၤ. သၢမံၤတမံၤန့ၣ် ဝံအ့ၤလံယၤ ပှဲၤဒီးတၢ်ပျံၤတၢ်ဖုးလီၤ. မ့ၢ်လၢဝံအဂၤတဖၣ် ဘၣ်တၢ်မၤသံ အဝဲသ့ၣ်အါဂၤလံအဃိ အဝဲဆိကမိၣ်ဝဲလၢ ခဲအံၤဒုကဘၣ်က့ၤယၤလီၤဧါသၢၣ်. ဘၣ်သ့ၣ်သ့ၣ် အဝဲကတဲဖျါထီၣ် အတၢ်တူၢ်ဘၣ်ဒ်အံၤ ဆူကစၢ်ယွၤအအိၣ်န့ၣ် တညီဝဲလၢအဂီၢ်နီတစဲးဘၣ်. ဘၣ်ဆၣ်သနာ်က့ အဝဲတပာ်ခူသူၣ် အတၢ်တူၢ်ဘၣ်လၢ အတၢ်ပာ်ထီၣ်ထီအသးဒီး အတၢ်မဲာ်ဆှးအဃိဘၣ်. ခီဖျိလၢဝံအ့ၤလံယၤ ပာ်ဖျါထီၣ်အတၢ်တူၢ်ဘၣ်ဆူ ကစၢ်ယွၤအအိၣ် လၢာ်လၢာ်ဆ့ဆ့အဃိ ကဲထီၣ်တၢ်ဒိဂ့ၤတဲာ်ဘၣ်လၢ ပဝဲကိးဂၤဒဲးအဂီၢ်လီၤ.—စံး. ၆၂:၈.
၂၀, ၂၁. (က) ဖဲဝံအ့ၤလံယၤ ဆၢထၢၣ်လၢ လ့ကအိအခိၣ်ထိးအခါ အဝဲထံၣ်ဘၣ်ဝဲတၢ်မနုၤလဲၣ်န့ၣ် တဲဖျါထီၣ်တက့ၢ်. (ခ) ယဟိဝၤယွၤ ဒုးထံၣ်ဝံအ့ၤလံယၤလၢ န့ဆၢၣ်အတၢ်စိကမီၤတဖၣ်အဃိ အဝဲသ့ၣ်ညါထီၣ်ဝဲတၢ်မနုၤလဲၣ်.
၂၀ ခီဖျိလၢ ဝံအ့ၤလံယၤ သူၣ်ကိၢ်သးဂီၤဒီးပျံၤတၢ်အဃိ ယဟိဝၤယွၤမၤစၢၤအီၤဒ်လဲၣ်. မူခိၣ်က၁ စီၤပၤ. ၁၉:၁၁, ၁၂.
လူး တဲဘၣ်ဝံအ့ၤလံယၤလၢ လဲၤဂဲၤဆၢထၢၣ်လၢလ့ကအိအခိၣ်ထိးတက့ၢ်. တၢ်ကမၤအသးဒ်လဲၣ်န့ၣ် အဝဲမ့ၢ်တသ့ၣ်ညါ တၢ်ခိၣ်တၢ်ခံနီတမံၤဘၣ် သနာ်က့ အဝဲဒိကနၣ်ဝဲလီၤ. တကတီၢ်ဃီန့ၣ် ကလံၤမုၢ်ဖးဒိၣ်ဟဲအူထီၣ် သတူၢ်ကလာ်ဒီး သီၣ်လီၤသထြူးဝဲသကုၤဆးဒးန့ၣ်လီၤ. ဒီးခီဖျိလၢ ကလံၤမုၢ်အဂံၢ်ဆူၣ်ဝဲအဃိ ကစၢၢ်ဒီးလၢၢ်တဖၣ် ပိၢ်မုၢ်ပိၢ်ဖးထီၣ်ဝဲလီၤ. ထံၣ်ကမှံကွၢ်လၢ ဝံအ့ၤလံယၤ ယၤထီၣ်အစု, ဒီသဒၢအမဲာ်, ဒီးဖီၣ်ဃာ်အဆ့ကၤဖးထီ ဒ်သိးအသုတဒံပိာ်ထွဲကလံၤမုၢ်အခံတဂ့ၤအဂီၢ်တက့ၢ်. ဖဲတၢ်မၤအသးအံၤဝံၤအလီၢ်ခံ ဟီၣ်ခိၣ်ဟူးဝးထီၣ်ဝဲဆူၣ်ဆူၣ် လၢတၢ်လီၢ်သကုၤဆးဒးန့ၣ်လီၤ. လၢတၢ်န့ၣ်အဃိ အဝဲကဂုာ်ကျဲးစၢး ကၢၤဃာ်အသးဒ်သိး အသုတလီၤဃံၤတဂ့ၤအဂီၢ်လီၤ. လၢတၢ်တပာ်သူၣ်ပာ်သးအပူၤန့ၣ် မ့ၣ်အူဟဲဖျိးထီၣ်ဝဲ ဒီဒူၣ်ဒီထၢအဃိ ဝံအ့ၤလံယၤ သုးလီၤအသးဆူအလီၢ်ခံ ဒ်သိးမ့ၣ်အူတဟဲဘၣ်အီၤတဂ့ၤအဂီၢ်လီၤ.—ယဟိဝၤယွၤ သူဝဲအစိအကမီၤ လၢအဒိၣ်အယိာ် ဒ်သိးကဒုးဆူၣ်ထီၣ် ဝံအ့ၤလံယၤအဂံၢ်အဘါ ဒီးမၤမုာ်ထီၣ်က့ၤအသးအဂီၢ်လီၤ
၂၁ ဖဲတၢ်မၤအသးတဖၣ်အံၤ တခါစုာ်စုာ်ဝံၤအလီၢ်ခံ လံာ်စီဆှံဒုးသ့ၣ်နီၣ်ထီၣ်ပှၤလၢ ယဟိဝၤယွၤတအိၣ်လၢ န့ဆၢၣ်အတၢ်စိတၢ်ကမီၤသ့ၣ်တဖၣ်အံၤအကျါဘၣ်. ဝံအ့ၤလံယၤ သ့ၣ်ညါဝဲလၢ ယဟိဝၤယွၤ တလီၤဂာ်ဒ်သိးန့ဆၢၣ်အယွၤ လၢအမ့ၢ်ဘဧၤလးဘၣ်. ပှၤအါဂၤနာ်ဝဲလၢဘဧၤလး “ဒိးဝဲတၢ်အၢၣ်” ဒီးဒုးစူၤလီၤဝဲမူခိၣ်ထံလီၤ. ဘၣ်ဆၣ်သနာ်က့ န့ဆၢၣ် အတၢ်စိတၢ်ကမီၤခဲလၢာ် အဂံၢ်ခိၣ်သ့ၣ် မ့ၢ်ဝဲဒၣ်ယဟိဝၤယွၤလီၤ. ဒီးကစၢ်ယွၤအစိကမီၤဒိၣ်န့ၢ် အတၢ်ဘၣ်တ့စၢၢ်တလၢၢ်လီၤ. (၁ စီၤပၤ. ၈:၂၇) တၢ်မၤအသးလၢ ဝံအ့ၤလံယၤ ထံၣ်ဘၣ်ဝဲန့ၣ် ကဲထီၣ်တၢ်မၤစၢၤလၢအဂီၢ်ဒ်လဲၣ်. သ့ၣ်နီၣ်ထီၣ်က့ၤလၢ ဝံအ့ၤလံယၤ လဲၤဃ့ၢ်အိၣ်ခူသူၣ်အသးလၢ လ့ကအိပူၤမ့ၢ်လၢ အသူၣ်ပျံၤသးဖုးတၢ်ဒိၣ်မးအဃိလီၤ. ဘၣ်ဆၣ် ဒ်ယဟိဝၤယွၤ ပာ်ဖျါထီၣ်ဝဲအသိး အဝဲမ့ၢ်ကစၢ်လၢ အပၢၤဃာ်ဝဲန့ဆၢၣ်အတၢ်စိတၢ်ကမီၤသ့ဝဲလီၤ. လၢတၢ်န့ၣ်အဃိ ယဟိဝၤယွၤမ့ၢ်အိၣ်လၢဝံအ့ၤလံယၤ အအိၣ်တခီန့ၣ် တလိၣ်လၢ အဝဲပျံၤဝဲစီၤအၤဃာ် ဒီးနီၢ်အံၤစ့ဘ့ၤလးဘၣ်.—ဖး စံးထီၣ်ပတြၢၤ ၁၁၈:၆ တက့ၢ်.
၂၂. (က) “တၢ်ကလုၢ်ကပုာ်လုးတထံၣ်” လၢဝံအ့ၤလံယၤ နၢ်ဟူဝဲန့ၣ် ဒုးနာ်န့ၢ်အီၤလၢ ယဟိဝၤယွၤပာ်လုၢ်ပာ်ပှ့ၤအီၤလၢကျဲဒ်လဲၣ်. (ခ) “တၢ်ကလုၢ်ကပုာ်လုး” အံၤဘၣ်သ့ၣ်သ့ၣ် ကမ့ၢ်မတၤတဂၤ အကလုၢ်လဲၣ်. (ကွၢ်တၢ်ဂ့ၢ်အဘျဲၣ်တက့ၢ်.)
၂၂ ဖဲမ့ၣ်အူဟဲဖျိးထီၣ် ဝံၤအလီၢ်ခံန့ၣ် တၢ်ခဲလၢာ်ဘှ့ၣ်ဘှီၣ်ဝဲလီၤ. ဒီးဝံအ့ၤလံယၤ နၢ်ဟူဝဲ “တၢ်ကလုၢ်ကပုာ်လုးတထံၣ် သီၣ်ထီၣ်ဝဲဒၣ်န့ၣ်လီၤ.” ခီဖျိလၢ တၢ်ကလုၢ်အံၤအဃိ အဝဲအိၣ်ဒီးတၢ်ခွဲးတၢ်ယာ်လၢ ကတဲဖျါထီၣ်ဝဲ အတၢ်တူၢ်ဘၣ် လၢအသီတဘျီလီၤ. * လၢတၢ်န့ၣ်အဃိ ဝံအ့ၤလံယၤ အတၢ်တူၢ်ဘၣ်ကကိညၢ်ထီၣ်ဝဲတစဲးဖိလီၤ. ဒီး “တၢ်ကလုၢ်ကပုာ်လုး” ဒုးနာ်န့ၢ်ဝံအ့ၤလံယၤလၢ ယဟိဝၤယွၤပာ်လုၢ်ပာ်ပှ့ၤအီၤအဃိ ကဲထီၣ်တၢ်ဟ့ၣ်ဂံၢ်ဟ့ၣ်ဘါ လၢအဂီၢ်ဒိၣ်မးလီၤ. ကစၢ်ယွၤ ဒုးနာ်န့ၢ်ဝံအ့ၤလံယၤလၢ ကျဲဒ်လဲၣ်. ကစၢ်ယွၤပာ်ဖျါထီၣ် အတၢ်တိာ်ပာ်လၢကမၤဟးဂီၤကွံာ်ဝဲ ဘဧၤလး အတၢ်ဘူၣ်တၢ်ဘါလၢ အံၣ်စရ့လးအထံလီၢ်ကီၢ်ပူၤလီၤ. လၢတၢ်န့ၣ်အဃိ တၢ်လၢဝံအ့ၤလံယၤ မၤတ့ၢ်ဝဲလၢအပူၤကွံာ်န့ၣ် တကဲထီၣ် တၢ်ကလီကလီဘၣ်. တကးဒံးဘၣ် ကစၢ်ယွၤပာ်ဖျါထီၣ်ဝဲလၢ ကဆဲးသူဝဲဝံအ့ၤလံယၤလီၤ. ကစၢ်ယွၤ ဆှၢလီၤက့ၤအီၤလၢအသီတဘျီဒီး တဲဘၣ်အီၤတၢ်လၢ အဝဲကဘၣ်မၤဝဲ လီၤတံၢ်လီၤဆဲးန့ၣ်လီၤ.—၁ စီၤပၤ. ၁၉:၁၂-၁၇, ခ့ခါစှီၤကျိာ်.
၂၃. ဖဲဝံအ့ၤလံယၤ တူၢ်ဘၣ်ဝဲလၢအဝဲဘၣ်အိၣ်သယုၢ်သညိဝဲ ထဲတဂၤဧိၤအခါန့ၣ် ယဟိဝၤယွၤ မၤစၢၤအီၤဒ်လဲၣ်.
၂၃ ဝံအ့ၤလံယၤ တူၢ်ဘၣ်ဝဲလၢအဝဲဘၣ် အိၣ်သယုၢ်သညိဝဲ ထဲတဂၤဧိၤအဃိ ယဟိဝၤယွၤ မၤစၢၤအီၤဒ်လဲၣ်. အဆိကတၢၢ်န့ၣ် ကစၢ်ယွၤမၢဝံအ့ၤလံယၤ လဲၤဒိးဖှူဝဲ စီၤအလံၤၡါ ဒ်သိးအကကဲထီၣ်က့ၤဝံလၢအလီၢ်လၢ ခါဆူညါအဂီၢ်လီၤ. ပှၤသးစၢ်လၢအမ့ၢ် စီၤအလံၤၡါတဂၤအံၤ ကဲထီၣ်ဝဲဝံအ့ၤလံယၤ အတံၤသကိး ဒီးအပှၤမၤစၢၤတၢ် တဘျုးနံၣ်ညါ. ခီဖျိလၢ ကစၢ်ယွၤဒုးအိၣ်ထီၣ် တၢ်ရဲၣ်တၢ်ကျဲၤဒ်အံၤအဃိ ကမၤမုာ်ထီၣ်ဝဲ ဝံအ့ၤလံယၤ အသူၣ်အသးဒိၣ်မးလီၤ. ခံခါတခါန့ၣ် ယဟိဝၤယွၤ ဒုးသ့ၣ်ညါအီၤတၢ်ကစီၣ်လၢ အလီၤသးခုတခါလၢ– “ယပာ်လီၤတဲာ်ပှၤနွံကထိ လၢအံၣ်စရ့လးအကျါလီၤ. ကယဲၢ်အခီၣ်လ့ၣ်ခိၣ်ခဲလၢာ် တချံးလီၤဘၣ်အသးလၢ ဘဧၤလးအမဲာ်ညါ, ဒီးကယဲၢ်အထးခိၣ်ခဲလၢာ် တနၢမူဘၣ်အီၤဘၣ်လီၤ.” (၁ စီၤပၤ. ၁၉:၁၈) ဝံအ့ၤလံယၤ တအိၣ်တ့ၢ်သယုၢ်သညိဝဲထဲတဂၤဧိၤ ဒ်အဆိကမိၣ်ဝဲအသိးဘၣ်. ဒီးအဝဲကဒိးန့ၢ်ဘၣ်တၢ်သူၣ်မံသးမုာ် မ့ၢ်လၢအနၢ်ဟူဘၣ်ဝဲလၢ ယွၤအခ့အပှၤလၢ အတဘူၣ်ထီၣ်ဘါထီၣ်ဝဲ ဘဧၤလးန့ၣ် အိၣ်ဒံးလၢအကထိလီၤ. ဖဲန့ၣ်အဆၢကတီၢ် တၢ်ဘူၣ်ထီၣ်ဘါထီၣ် လၢအကမၣ်အိၣ်ဝးတရံး အဝဲသ့ၣ်အဃိ ဝံအ့ၤလံယၤကဘၣ် ပာ်လီၤတၢ်ဒိဂ့ၤတဲာ်ဘၣ်လၢ အဝဲသ့ၣ်အဂီၢ်လီၤ. ဖဲဝံအ့ၤလံယၤ နၢ်ဟူဘၣ်ဝဲ “တၢ်ကလုၢ်ကပုာ်လုး” လၢအမ့ၢ်မူခိၣ်ကလူးတဂၤ တဲဘၣ်အီၤတၢ်ဂ့ၢ်တဖၣ်အံၤအခါ ကဲထီၣ်တၢ်ဂံၢ်တၢ်ဘါ လၢအဂီၢ်ဒိၣ်မးလီၤ.
မုၢ်မဆါတနံၤအံၤ ပမ့ၢ်ပျဲ ကစၢ်ယွၤ အကလုၢ်ကထါ ဟံးစုနဲၣ်ကျဲပှၤန့ၣ် လံာ်စီဆှံကကဲထီၣ်ဒ် “တၢ်ကလုၢ်ကပုာ်လုး” လၢပဂီၢ်လီၤ
၂၄, ၂၅. (က) မုၢ်မဆါတနံၤအံၤ ပဒိကနၣ်ယဟိဝၤယွၤ အကလုၢ်လၢအမ့ၢ် “တၢ်ကလုၢ်ကပုာ်လုး” န့ၣ်ကသ့လၢကျဲဒ်လဲၣ်. (ခ) ဘၣ်မနုၤအဃိ ပနာ်သ့လၢဝံအ့ၤလံယၤ တူၢ်လိာ်ဝဲယဟိဝၤယွၤ အတၢ်မၤမုာ်ထီၣ်က့ၤအီၤလဲၣ်.
၂၄ ဒ်ဝံအ့ၤလံယၤအသိး ဖဲပထံၣ်ဘၣ်န့ဆၢၣ် အတၢ်မၤအသးတဖၣ်အခါ ပကမၢကမၣ်ဒိၣ်မးလီၤ. တၢ်ဘၣ်တ့တဖၣ် ပာ်ဖျါထီၣ်က့ၤဝဲ ကစၢ်ယွၤအစိကမီၤန့ၣ်လီၤ. (ရိ. ၁:၂၀) ယဟိဝၤယွၤ သးအိၣ်သူဝဲအစိကမီၤ ဒ်သိးကမၤစၢၤအခ့အပှၤ လၢအတီဒီးအီၤအဂီၢ်န့ၣ်လီၤ. (၂ ကွဲး. ၁၆:၉) ဒ်လဲၣ်ဂ့ၤဒ်လဲၣ်ဂ့ၤ မုၢ်မဆါတနံၤအံၤ ကစၢ်ယွၤကတိၤတၢ်ဒီးပှၤ ခီဖျိလၢအကလုၢ်ကထါ ဒ်သိးပကသ့ၣ်ညါအဂ့ၢ်ဂ့ၤဂ့ၤအဂီၢ်လီၤ. (ဖး ယၡါယၤ ၃၀:၂၁ တက့ၢ်.) လံာ်စီဆှံန့ၣ်လီၤဂာ်ဒ် “တၢ်ကလုၢ်ကပုာ်လုး” လၢအတဲတၢ်ဒီးပှၤ ဒီးကစၢ်ယွၤသူဝဲလၢ အကဟံးစုနဲၣ်ကျဲပှၤ လၢမုၢ်မဆါတနံၤအံၤန့ၣ်လီၤ. ယဟိဝၤယွၤ သိၣ်က့ၤသီက့ၤပှၤ, ဒုးဆူၣ်ထီၣ်ပဂံၢ်ပဘါ, ဒီးပာ်ဖျါထီၣ်တၢ်အဲၣ် လၢပဖီခိၣ်ခီဖျိလၢ အကလုၢ်ကထါ လံာ်စီဆှံန့ၣ်လီၤ.
၂၅ ဖဲယဟိဝၤယွၤ မၤမုာ်ထီၣ်က့ၤ ဝံအ့ၤလံယၤအသး လၢကစၢၢ်ဃိၤရ့းအလိၤအခါန့ၣ် မ့ၢ်အသးဂံၢ်ဘါဆူၣ်ထီၣ်က့ၤဧါ. အသးဂံၢ်ဘါ ဆူၣ်ထီၣ်က့ၤဝဲ သပှၢ်ကတၢၢ်လီၤ. တယံာ်တမီၢ်န့ၣ် ဝံအ့ၤလံယၤ က့ၤမၤကဒါက့ၤ ယွၤအတၢ်မၤလၢ တၢ်သူၣ်ဒူသးဒူအပူၤ ဒီးဟ့ၣ်ပလီၢ်ဝဲပှၤဂီၢ်မုၢ်တဖၣ် ဒ်သိးအသု တဘူၣ်ထီၣ်ဘါထီၣ်ဝဲ ယွၤလၢအကမၣ်တဖၣ်လၢၤတဂ့ၤအဂီၢ်လီၤ. ပမ့ၢ်တူၢ်လိာ် “တၢ်မၤမုာ်ဘၣ်ဃးဒီး တၢ်ကွဲးအသးတဖၣ်” လၢကစၢ်ယွၤအကလုၢ်ကထါ လံာ်စီဆှံအပူၤန့ၣ် မ့ၢ်ဒၣ်ပကွၢ်လိမၤဒိး ဝံအ့ၤလံယၤအတၢ်နာ်န့ၣ်လီၤ.—ရိ. ၁၅:၄.
^ လံာ်အဆၢ. 22 ပှၤလၢအကတိၤတၢ်ဒီး ဝံအ့ၤလံယၤလၢ “တၢ်ကလုၢ်ကပုာ်လုး” အံၤန့ၣ် ဘၣ်သ့ၣ်သ့ၣ်ကမ့ၢ်ဝဲ မူခိၣ်ကလူးလၢ ဟဲစိာ်ဝဲ “ယွၤအကလုၢ်” ဖဲ ၁ စီၤပၤ ၁၉:၉ အပူၤန့ၣ်လီၤ. ဖဲအဆၢဖိ ၁၅ န့ၣ် မူခိၣ်ကလူးတဂၤအံၤ ဘၣ်တၢ်ကိးအီၤယိယိဖိလၢ “ယွၤ” န့ၣ်လီၤ. ဘၣ်သ့ၣ်သ့ၣ် မူခိၣ်ကလူးတဂၤအံၤ ကမ့ၢ်မူခိၣ်ကလူးလၢ ကစၢ်ယွၤသူဝဲ လၢကလဲၤတၢ်လၢပှၤအံၣ်စရ့လးဖိအမဲာ်ညါ လၢပှၢ်မုၢ်ကနၢအပူၤန့ၣ်လီၤ. ဘၣ်ဃးဒီးမူခိၣ်ကလူးတဂၤအံၤ ယွၤစံးဝဲလၢ– “ယမံၤအိၣ်လၢအပူၤလီၤ.” (၂ မိၤ. ၂၃:၂၁) ပတသ့ၣ်ညါလီၤတံၢ်လီၤဆဲးဘၣ်, ဘၣ်ဆၣ် မူခိၣ်ကလူးတဂၤအံၤန့ၣ် ဘၣ်သ့ၣ်သ့ၣ် ကမ့ၢ်ဝဲယ့ၣ်ၡူးန့ၣ်လီၤ. ပသ့ၣ်ညါဘၣ်လၢ တချုးလၢယ့ၣ်ၡူး ဟဲလီၤလၢဟီၣ်ခိၣ်ချၢဒံးဘၣ်န့ၣ် အဝဲမ့ၢ် “တၢ်ကလုၢ်” မ့တမ့ၢ် ပှၤလၢအကတိၤခၢၣ်စးတၢ်လၢ ယဟိၤဝၤယွၤအဂီၢ်လီၤ.—ယိၤဟၣ် ၁:၁.