جاستاردىڭ ساۋالدارى
اشۋىمدى قالاي جەڭسەم بولادى؟
تەست
قانشالىقتى ٴجيى اشۋلاناسىڭ؟
مۇلدەم
اندا-ساندا
كۇندە
اشۋىڭ قانشالىقتى جامان؟
ونشالىقتى ەمەس
ىزام كەلەدى
قانىم قايناپ كەتەدى
كوبىنەسە كىمدەرگە اشۋلاناسىڭ؟
اتا-اناما
باۋىرلارىما
دوستارىما
ٶز-ٶزىڭدى ۇستاۋ قيىن ەكەنىن بايقاساڭ، وندا بۇل ماقالا ساعان ارنالادى. الدىمەن، بىرەۋ سەنى اشۋلاندىرعاندا، نەگە سابىر ساقتاۋ كەرەكتىگىنىڭ بىرنەشە سەبەبىن قاراستىرايىق.
نە ٷشىن ماڭىزدى؟
دەنساۋلىعىڭ. قۇداي سوزىندە: «جۇرەكتەگى تىنىشتىق تانگە شيپا بولار»،— دەلىنگەن (ناقىل سوزدەر 14:30). ال اشۋ-ىزا جايىندا مەديسينالىق ٴبىر جۋرنالدا: «اشۋشاڭدىق جۇرەك-قانتامىر جۇيەسىنىڭ اۋرۋلارىنا الىپ كەلەدى»،— دەپ ايتىلعان («Journal of Medicine and Life»).
دوستارىڭ. كيەلى كىتاپتا: «قىزبا مىنەزدىمەن جولداس بولما، اشۋشاڭمەن بايلانىسپا»،— دەپ جازىلعان (ناقىل سوزدەر 22:24). سوندىقتان تەز اشۋلاناتىن ادام بولساڭ، وندا ادامدار سەنەن قاشقاقتاپ جۇرەدى. «اشۋىڭدى جۇگەندەي بىلمەسەڭ، جاقسى دوستارىڭنان ايىرىلاسىڭ»،— دەيدى جاسمين.
ابىرويىڭ. 17 جاسار يتان بىلاي دەيدى: «تەز اشۋلاناتىن بولساڭ، بۇنى ٴبارى ٴبىلىپ قويادى جانە ولاردىڭ سەن تۋرالى ويىنا اسەر ەتپەي قويمايدى». ەندەشە، ويلانىپ كورشى: وزگەلەر سەنى قانداي ادام دەپ بىلگەنىن قالايسىڭ: سابىرلى ادام دەپ پە، الدە جارىلعالى تۇرعان بومبا دەپ پە؟ قۇداي سوزىندە: «اشۋعا باياۋ ٵر نارسەنىڭ پارقىن ايىرادى، شىدامسىز اقىماقتىعىن پاش ەتەدى»،— دەلىنگەن (ناقىل سوزدەر 14:29).
اشۋىن ۇستاي الماي، جارىلعالى تۇرعان ادامنىڭ قاسىندا ەشكىم تۇرعىسى كەلمەيدى
نە ىستەۋگە بولادى؟
تومەندە كورسەتىلگەن كەڭەستەردى جانە قۇرداستارىڭنىڭ پىكىرىن وقىپ، بەرىلگەن سۇراقتارعا جاۋاپ بەر.
ناقىل سوزدەر 29:22. «اشۋشاڭ داۋ-جانجال تۋعىزار، ىزاقور كوپ كۇنا جاسار».
«جاسوسپىرىم كەزىمدە اشۋىمدى تىيۋ ماعان وتە قيىن بولاتىن. اكەمنىڭ تۋىستارىنىڭ ٴبارى وسىنداي اشۋشاڭ. بۇل ٴبىزدىڭ قانىمىزدا بار دەپ قويامىز» (كەرري).
مەن اشۋلانىپ شىعا كەلەمىن بە؟ جاقسى قاسيەتتەردى دامىتۋ قولىمنان كەلسە، جامانىنان سوندا ارىلا المايمىن با؟ ولار قانىمدا بار، وزگەرتە المايمىن دەپ وتىرا بەرەمىن بە؟
ناقىل سوزدەر 15:1. «بيازى جاۋاپ اشۋدى باسار، اۋىر ٴسوز ىزا تۋدىرار».
«سابىرلى بولۋدىڭ سىرى — سەزىمدەرىڭە ەرىك بەرمەي، ۇستاي ٴبىلۋ. ەگەر جۇمساق مىنەزدى بولىپ، جاقسى نارسەگە كوڭىل اۋدارۋعا تىرىسساڭ، سەنى اشۋ قىسپايدى» (دارەل).
بىرەۋ اشۋىما تيسە، بىردەن قانداي جاۋاپ قايتارامىن؟ نەگە بۇعان ٴمان بەرۋىم كەرەك؟
ناقىل سوزدەر 26:20. «وتىن جوق جەردە وت وشەر».
«ماعان قاتتى سويلەگەن كىسىگە جۇمساق جاۋاپ بەرسەم، ول دا باسىلادى. ٴسۇيتىپ، ٴبىز ٴبىر-بىرىمىزگە داۋىس كوتەرمەي، جايمەن سويلەسە الامىز» (جاسمين).
سوزىممەن يا ىسىممەن قالاي وتقا ماي قۇيىپ جىبەرۋىم مۇمكىن؟
ناقىل سوزدەر 22:3. «پاراساتتى قاتەردى كورىپ، باس ساۋعالار، اڭعال العا ٴجۇرىپ، جاپا شەگەر».
«كەيدە مەن بولعان جايت تۋرالى اسىقپاي ويلانۋ ٷشىن سول جەردەن كەتىپ قالۋىم كەرەك. اشۋىم تارقاعان سوڭ، ماسەلەنى شەشە الامىن» (گەري).
قانداي جاعدايلاردا كەتىپ قالعانىڭ دۇرىس جانە نەگە مىنەزىڭدى كورسەتىپ جاتقانداي اسەر قالدىرماۋىڭ كەرەك؟
جاقىپ 3:2. «ٴبارىمىز دە كوپ سۇرىنەمىز».
«قاتەلەسكەن كەزدە ىسىمىزگە وكىنگەنىمىز جاقسى. ٴبىراق ساباق تا العان دۇرىس. مۇندايدا كوڭىلىڭدى تۇسىرمەي، كەلەسى جولى دۇرىس ىستەۋگە تىرىس» (كەرري).
كەڭەس. الدىڭا مىناداي ماقسات قوي: ٴبىراز ۋاقىت بويى، مىسالى ٴبىر اي، اشۋ-ىزاعا بوي الدىرماۋعا تىرىس. كۇن سايىن جەتىستىگىڭدى جازىپ وتىر.
قىزىقتى بولار مالىمەتتەر
جاستاردىڭ ساۋالدارى
كوڭىل كۇيىمدى قالاي قاداعالاسام بولادى؟
جاستىق شاقتا كوڭىل كۇيدىڭ قۇبىلۋى كادىمگى جايت بولسا دا، سەن بۇل ٷشىن قاپالاناتىن شىعارسىڭ. ٴبىراق كوڭىلىڭ تۇسپەسىن، ٶز-ٶزىڭدى ٴتۇسىنىپ، ەموسيالارىڭدى قاداعالاۋ قولىڭنان كەلەدى.
جاستاردىڭ ساۋالدارى
تەرىس ويلاردى قالاي تەجەۋگە بولادى؟
مۇنداعى كەڭەستەر ساعان تۇڭىلمەي، جارقىن ويلار ويلاۋعا كومەك بولماق.
