ماتاي 10:1—42
10 سوسىن يسا 12 شاكىرتىن شاقىرىپ الىپ، ولارعا جىنداردى قۋىپ شىعاراتىن جانە ٴتۇرلى اۋرۋ-سىرقاۋلاردى ساۋىقتىراتىن بيلىك بەردى+.
2 سول 12 ەلشىنىڭ ەسىمدەرى مىناداي+: پەتىر* دەپ اتالعان شيمون+، ونىڭ باۋىرى ٵندىر+، زەبەدەي ۇلدارى جاقىپ+ پەن جوحان،
3 ٴفىلىپ پەن بارتالاماي*+، توما+ جانە سالىقشى ماتاي*+، الپەي ۇلى جاقىپ جانە تادەي*،
4 كانانەي* شيمون جانە كەيىنىرەك يساعا وپاسىزدىق جاساعان ياھۋدا يسقاريوت+.
5 يسا وسى 12 ەلشىسىن ۋاعىزداۋعا جىبەرىپ جاتىپ، مىناداي نۇسقاۋ بەردى+: «باسقا ۇلتتاردىڭ جەرىنە بارماڭدار، ساماريالىقتاردىڭ ەشبىر قالاسىنا كىرمەڭدەر+،
6 تەك يسرايل ٷيىنىڭ جوعالعان قويلارىنا بارىڭدار+.
7 جول-جونەكەي «كوك پاتشالىعى* تاياپ قالدى!» دەپ ۋاعىزداڭدار+.
8 اۋرۋلاردى ساۋىقتىرىپ+، ولگەندەردى قايتا ٴتىرىلتىپ، الاپەستەردى تازارتىڭدار جانە جىنداردى قۋىپ شىعارىڭدار. تەگىن الدىڭدار،— تەگىن بەرىڭدەر.
9 بەل قالتالارىڭا التىن، كۇمىس نە مىس اقشا سالماڭدار+،
10 جولعا تاماق سالاتىن دوربا دا، قوسىمشا* كيىم دە، ساندال دا، تاياق تا الماڭدار+، ويتكەنى ەڭبەك ەتكەن ادام ٸشىپ-جەۋگە لايىق+.
11 قاي قالاعا، قاي اۋىلعا كىرسەڭدەر دە، وزدەرىڭدى جانە اكەلگەن حابارلارىڭدى قابىلداۋعا لايىق ادامدى ىزدەپ تاۋىپ، قايتا جولعا شىققانشا، سوندا قالىڭدار+.
12 ۇيگە كىرگەندە، ونداعىلارمەن امانداسىپ، تاتۋلىق تىلەڭدەر.
13 ەگەر سول ٷي لايىق بولسا، وعان تىلەگەندەرىڭ ورىندالسىن+، ال لايىق بولماسا، وزدەرىڭە قايتسىن.
14 كىم سەندەردى قابىلداماسا نە ايتقاندارىڭدى تىڭداماسا، سول ۇيدەن نەمەسە قالادان شىعاردا اياقتارىڭداعى شاڭدى قاعىپ تاستاڭدار*+.
15 سەندەرگە شىندىعىن ايتامىن، سوت كۇنى سول قالانىڭ جازاسىنان گورى سودوم مەن عومورا ەلىنىڭ جازاسى+ جەڭىلىرەك بولادى.
16 مەن سەندەردى قاسقىرلار اراسىنا جىبەرىلگەن قويلارداي جىبەرىپ وتىرمىن. سوندىقتان جىلانداي ساق، كوگەرشىندەي اقپەيىل بولىڭدار+.
17 ادامداردان اباي بولىپ جۇرىڭدەر، سەبەبى ولار سەندەردى جەرگىلىكتى سوتتارعا ۇستاپ بەرەدى+ جانە ٴماجىلىسحانالارىندا+ دۇرە سوعادى+.
18 مەنىڭ شاكىرتىم بولعاندارىڭ ٷشىن سەندەردى بيلەۋشىلەر مەن پاتشالاردىڭ الدىنا سۇيرەپ اپارادى+. سوندا ولارعا دا، باسقا ۇلتتارعا دا كۋالىك ەتە الاسىڭدار+.
19 ال سەندەردى ۇستاپ بەرگەندە، قالاي جانە نە ايتاتىندارىڭدى ويلاپ، ۋايىمداماڭدار. ويتكەنى نە ايتۋلارىڭ كەرەكتىگى سول ساتتە بەرىلەدى+.
20 وسىلاي وزدەرىڭ عانا ەمەس، سەندەر ارقىلى اكەلەرىڭنىڭ كيەلى رۋحى سويلەيدى+.
21 باۋىرى ٶز باۋىرىن، اكەسى بالاسىن ولىمگە دۋشار ەتەدى، ال بالالارى اتا-اناسىنا قارسى شىعىپ، ولاردى ولىمگە دۋشار ەتەدى+.
22 مەنىڭ اتىما بولا جۇرتتىڭ ٴبارى سەندەردى جەك كورەتىن بولادى+. ٴبىراق سوڭىنا دەيىن تاباندىلىق تانىتقان ادام قۇتقارىلادى+.
23 ٴبىر قالادا قۋدالاسا، باسقاسىنا قاشىڭدار+. سەندەرگە شىندىعىن ايتامىن، ادام ۇلى كەلگەنشە، يسرايلدىڭ بارلىق قالالارىن ارالاپ ۇلگەرمەيسىڭدەر.
24 شاكىرتى ۇستازىنان، قۇلى قوجايىنىنان جوعارى ەمەس+.
25 شاكىرتى ٶز ۇستازىنا، ال قۇل ٶز قوجايىنىنا ۇقساسا، سونى قاناعات تۇتادى+. جۇرت ٷي يەسىن بەلزەبۇل*+ دەپ اتاسا، ونىڭ ٷي ٸشىن دە سولاي اتايدى ەمەس پە؟!
26 سوندىقتان ولاردان قورىقپاڭدار. سەبەبى جاسىرىن نارسەنىڭ ٴبارى اشىلادى، ال قۇپيا نارسەنىڭ ٴبارى ايان بولادى+.
27 سەندەرگە قاراڭعىدا ايتقاندارىمدى جارىقتا ايتىڭدار، سىبىرلاپ ايتقاندارىمدى ٷي توبەسىنەن جاريالاڭدار+.
28 ٴتاندى ولتىرسە دە، جاندى* ولتىرە المايتىنداردان قورىقپاڭدار+. قايتا، جاندى دا، ٴتاندى دە جاھاننامدا* قۇرتا الاتىن قۇدايدان قورقىڭدار+.
29 ەكى تورعاي ٴبىر تيىنعا* ساتىلادى ەمەس پە؟ دەسە دە ولاردىڭ بىردە-بىرەۋىنىڭ قۇلاعانى كوكتەگى اكەلەرىڭنىڭ نازارىنان تىس قالمايدى+.
30 ٴتىپتى باستارىڭداعى شاشتارىڭنىڭ سانى دا وعان بەلگىلى!
31 سوندىقتان قورىقپاڭدار، سەندەر كوپ تورعايدان الدەقايدا قىمباتسىڭدار+!
32 مەنى ادامدار الدىندا مويىنداعان اركىمدى+ مەن دە كوكتەگى اكەمنىڭ الدىندا مويىندايمىن+.
33 ال ادامدار الدىندا مەنەن تانعان اركىمنەن كوكتەگى اكەمنىڭ الدىندا مەن دە تانامىن+.
34 مەنى جەر بەتىنە تاتۋلىق اكەلۋگە كەلدى دەپ ويلاماڭدار. مەن تاتۋلىق ەمەس، سەمسەر اكەلۋگە كەلدىم+.
35 ويتكەنى مەن ۇلىن اكەسىنەن، قىزىن شەشەسىنەن، ال كەلىنىن ەنەسىنەن اجىراتۋعا كەلدىم+.
36 ٴيا، ادامعا ٶز ٷي ىشىندەگىلەرى دۇشپان بولادى.
37 كىمدە-كىم اكەسىن نە شەشەسىن مەنەن ارتىق كورسە، سول شاكىرتىم بولۋعا لايىق ەمەس؛ ۇلىن نە قىزىن مەنەن ارتىق كورگەن ادام دا شاكىرتىم بولۋعا لايىق ەمەس+.
38 سونداي-اق كىم ازاپ باعاناسىن* الىپ، سوڭىمنان ەرمەسە، سول شاكىرتىم بولۋعا لايىق ەمەس+.
39 جانىن ساقتاپ قالعىسى كەلەتىن ادام ودان ايىرىلادى، ال كىم مەن ٷشىن جانىنان ايىرىلسا، ونى ساقتاپ قالادى+.
40 كىمدە-كىم سەندەردى قابىلداسا، مەنى دە قابىلداعانى. ال مەنى قابىلداعان ادامنىڭ مەنى جىبەرگەندى دە قابىلداعانى+.
41 الدەبىرەۋدى پايعامبار بولعانى ٷشىن قابىلداعان ادام پايعامبار الاتىن سيعا يە بولادى+، ال الدەبىرەۋدى ٵدىل بولعانى ٷشىن قابىلداعان ادام ٵدىل كىسى الاتىن سيعا يە بولادى.
42 كىمدە-كىم وسى كىشىلەردىڭ بىرەۋىنە مەنىڭ شاكىرتىم بولعانى ٷشىن، ەڭ بولماعاندا، ٴبىر توستاعان سالقىن سۋ بەرسە، سەندەرگە شىندىعىن ايتامىن، ول مىندەتتى تۇردە ٶز سيىن الادى+».
سىلتەمەلەر
^ وسى تارماقتا: «پەتىر دەپ اتالعان شيمون»، مت 16:16 دا: «شيمون پەتىر»، ە.ٴى 15:14 تە: «شيمەون»، جح 1:42 دە: «كەفا». ٴبىراق كوپ جاعدايدا مت 14:28 دەگىدەي «پەتىر».
^ ناتانايىل دەپ تە اتالادى (جح 1:46؛ 21:2).
^ «جاقىپ ۇلى ياھۋدا» دەپ تە بەلگىلى (لق 6:16؛ جح 14:22؛ ە.ٴى 1:13).
^ نەمەسە «قۇلشىنعان».
^ نەمەسە «قۇداي پاتشالىعى». تۇسىندىرمەنى قاراڭىز.
^ سوزبە-ٴسوز «ەكى».
^ اياقتىڭ شاڭىن قاعۋ ادامنىڭ ٶز موينىنان جاۋاپكەرشىلىكتى الىپ تاستاۋىن بىلدىرەدى.
^ جىن-پەرىلەردىڭ بيلەۋشىسى شايتانعا قاتىستى قولدانىلعان ەسىم.
^ تۇسىندىرمەنى قاراڭىز.
^ نەمەسە «ٶمىردى»، ياعني قايتا ٶمىر سۇرۋگە دەگەن ٷمىتتى.
^ سوزبە-ٴسوز «اسساريون». B14 قوسىمشاسىن قاراڭىز.
^ تۇسىندىرمەنى قاراڭىز.
