ماتاي 24:1—51
-
ٴماسىحتىڭ وسىندا بولۋىنىڭ بەلگىسى (1—51)
-
سوعىستار، اشارشىلىق پەن جەر سىلكىنىستەرى (7)
-
ىزگى حابار بۇكىل جەر بەتىندە ۋاعىزدالادى (14)
-
زور الاپات (21، 22)
-
ادام ۇلىنىڭ بەلگىسى (330)
-
ٸنجىر اعاشى (32—34)
-
نۇح پايعامباردىڭ زامانىنا ۇقساس (37—39)
-
سەرگەك بولىڭدار (42—44)
-
ادال جانە زۇلىم قۇل (45—51)
-
24 يسا عيباداتحانادان شىعىپ كەتىپ بارا جاتقاندا، شاكىرتتەرى عيباداتحانا عيماراتتارىن كورسەتپەك بولىپ جانىنا كەلدى.
2 سوندا يسا ولارعا: «مىنالاردىڭ ٴبارىن كورىپ تۇرسىڭدار عوي؟ سەندەرگە شىندىعىن ايتامىن، بۇلاردىڭ بىردە-ٴبىر تاسى قالماي كۇل-تالقان بولىپ قيرايدى+!»— دەدى.
3 ول ٴزايتۇن تاۋىندا وتىرعاندا، شاكىرتتەرى وڭاشادا قاسىنا كەلىپ: «ايتىڭىزشى، بۇل قاشان بولادى؟ ٴسىزدىڭ وسىندا بولۋىڭىز*+ بەن وسى زاماننىڭ* اياقتالىپ قالعانىن قانداي بەلگى بىلدىرمەك+؟»— دەپ سۇرادى.
4 يسا بىلاي دەپ جاۋاپ قاتتى: «ساق بولىڭدار! ەشكىم سەندەردى اداستىرىپ جۇرمەسىن+.
5 سەبەبى كوپ ادام «مەن ٴماسىحپىن» دەپ، مەنىڭ اتىمنان كەلىپ، كوپشىلىكتى اداستىرادى+.
6 سونداي-اق جاقىن ماڭداعى جانە الىستاعى سوعىستار تۋرالى ەستيسىڭدەر. الايدا ۇرەيلەنبەڭدەر، ويتكەنى ولار بولۋعا ٴتيىستى، ٴبىراق بۇل — ٵلى زاماننىڭ سوڭى ەمەس+.
7 ۇلت ۇلتقا قارسى، مەملەكەت مەملەكەتكە قارسى اتتانادى+، ٴتۇرلى جەرلەردە اشارشىلىق+ پەن جەر سىلكىنىستەرى بولادى+.
8 بۇلاردىڭ بارلىعى — تولعاق سياقتى ازاپتىڭ باستاماسى.
9 سول كەزدە جۇرت سەندەردى جابىرلەپ+، ولتىرەدى+. بارلىق ۇلتتار مەنىڭ اتىما بولا سەندەردى جەك كورەتىن بولادى+.
10 سوندا كوپ ادام سەنىمىنەن تايادى، ٴبىر-بىرىنە وپاسىزدىق جاسايدى جانە ٴبىر-ٴبىرىن جەك كورەتىن بولادى.
11 كوپتەگەن جالعان پايعامبارلار شىعىپ، تالايلاردى اداستىرادى+.
12 زاڭسىزدىق كوبەيىپ كەتكەندىكتەن، كوپشىلىكتىڭ سۇيىسپەنشىلىگى سۋىپ كەتەدى.
13 ٴبىراق سوڭىنا دەيىن تاباندىلىق تانىتقان ادام قۇتقارىلادى+.
14 پاتشالىق جايلى وسى ىزگى حابار بارلىق حالىقتار ەستۋ ٷشىن* بۇكىل جەر بەتىندە ۋاعىزدالادى+. سودان كەيىن وسى زاماننىڭ سوڭى كەلەدى.
15 سوندىقتان دانيال پايعامباردىڭ ايتقانىنا ساي، قاڭىراتىپ بوس قالدىراتىن جەركەنىشتى نارسەنىڭ قاسيەتتى ورىندا تۇرعانىن+ كورگەندە (وقىعان ادامعا مۇنى ٴتۇسىنۋ ٷشىن قىراعىلىق قاجەت)،
16 ياھۋدەياداعىلار تاۋلارعا قاشسىن+.
17 كىم ٷي توبەسىندە بولسا، قانداي دا ٴبىر زات الۋ ٷشىن ۇيىنە كىرمەسىن.
18 ال كىم تاناپتا جۇرسە، كيىمىن الۋ ٷشىن كەرى قايتپاسىن.
19 سول كۇندەرى جۇكتى جانە بالا ەمىزىپ جۇرگەن ايەلدەر قاسىرەتكە قالادى!
20 قاشاتىن كەزدەرىڭ قىس مەزگىلىنە نە دەمالىس كۇنىنە تۋرا كەلمەسىن دەپ دۇعا ەتىپ جۇرىڭدەر.
21 ويتكەنى سول ۋاقىتتا دۇنيە جاراتىلعاننان بەرى وسى ۋاقىتقا دەيىن بولماعان جانە قايتىپ قايتالانبايتىن+ زور الاپات*+ بولادى.
22 ەگەر سول كۇندەر قىسقارتىلماعاندا، ەشكىم امان قالماس ەدى. ٴبىراق تاڭداپ الىنعاندار ٷشىن سول كۇندەر قىسقارتىلادى+.
23 سول كەزدە بىرەۋ سەندەرگە «مىنە، ٴماسىح مۇندا!»+ نەمەسە «ول اندا!» دەسە، بۇعان سەنبەڭدەر+.
24 سەبەبى جالعان ماسىحتەر مەن جالعان پايعامبارلار+ شىعىپ، مۇمكىن بولسا، ٴتىپتى قۇداي تاڭداپ العانداردى اداستىرۋ ٷشىن عالامات بەلگىلەر مەن كەرەمەتتەر كورسەتەدى+.
25 مىنە، مەن سەندەردى الدىن الا ەسكەرتىپ تۇرمىن.
26 سوندىقتان ەگەر جۇرت «انە، ول ٴشول دالادا ٴجۇر» دەسە، شىقپاڭدار. ال «مىنە، ول ىشكى بولمەدە» دەسە، بۇعان دا سەنبەڭدەر+.
27 سەبەبى نايزاعايدىڭ شىعىستا ويناپ، باتىسقا دەيىن جارقىرايتىنىنداي، ادام ۇلىنىڭ وسىندا بولاتىن كەزى* دە سونداي بولادى+.
28 ولەكسە قايدا بولسا، بۇركىتتەر دە سوندا جينالادى+.
29 سول كۇندەردەگى الاپاتتان كەيىن ىلە-شالا كۇندى قاراڭعىلىق باسادى+، اي دا جارقىرامايدى، جۇلدىزدار اسپاننان قۇلاپ، اسپان كۇشتەرى شايقالادى+.
30 سوندا اسپاندا ادام ۇلىنىڭ بەلگىسى پايدا بولادى جانە جەر بەتىندەگى بارلىق ۇلتتار* وزدەرىن ۇرعىلاپ زار ەڭىرەيدى+. ولار ادام ۇلىنىڭ+ قۇدىرەتپەن جانە سالتاناتتى ۇلىلىقپەن بۇلتتاردا كەلە جاتقانىن كورەدى+.
31 ول كەرنەيدىڭ زور ۇنىمەن پەرىشتەلەرىن جىبەرىپ، ولار دۇنيەنىڭ ٴتورت بۇرىشىنان* — اسپان مەن جەردىڭ و شەتى مەن بۇ شەتىنەن — ونىڭ تاڭداپ الىنعاندارىن جيناپ الادى+.
32 مىسال رەتىندە ٸنجىر اعاشىنا نازار اۋدارىڭدار: ونىڭ جاس بۇتاقتارى جۇمسارىپ، جاپىراقتارى شىعا باستاعاندا، جازدىڭ جاقىنداپ قالعانىن بىلەسىڭدەر+.
33 سول سياقتى، سەندەر دە وسىلاردىڭ ٴبارىن كورگەندە، ادام ۇلىنىڭ جاقىن، ەسىك الدىندا، ەكەنىن بىلىڭدەر+.
34 سەندەرگە شىندىعىن ايتامىن، وسى ۇرپاق ولمەي تۇرىپ-اق، بۇلاردىڭ ٴبارى ورىندالادى.
35 كوك پەن جەر قۇرىپ جوق بولىپ كەتسە دە، مەنىڭ سوزدەرىم ەش قۇرىمايدى+.
36 سول كۇن مەن ساعاتتى ەشكىم — كوكتەگى پەرىشتەلەر دە، ۇل دا — بىلمەيدى+، تەك اكەم عانا بىلەدى+.
37 نۇح پايعامباردىڭ زامانىندا جاعداي قانداي بولعان بولسا+، ادام ۇلى وسىندا بولعان كەزدە* دە سونداي بولادى+.
38 توپان سۋدان بۇرىن، نۇح كەمەگە* كىرگەن كۇنگە دەيىن+، ادامدار ٸشىپ-جەپ، ايەل الىپ، قىز ۇزاتىپ ٶمىر كەشىپ جاتتى.
39 توپان سۋ باسىپ، ٴبارىن الىپ كەتكەنشە، ولار ەش ويلانبادى+. ادام ۇلى وسىندا بولعان كەزدە دە سولاي بولادى.
40 سوندا ەگىندىكتە جۇرگەن ەكى كىسىنىڭ ٴبىرى الىنىپ، ەكىنشىسى قالدىرىلىپ كەتەدى؛
41 قولديىرمەن تارتىپ وتىرعان ەكى ايەلدىڭ ٴبىرى الىنىپ، ەكىنشىسى قالدىرىلىپ كەتەدى+.
42 سوندىقتان سەرگەك بولىڭدار! سەبەبى يەلەرىڭ قاي كۇنى كەلەتىنىن بىلمەيسىڭدەر+.
43 ٴبىراق مىنانى ٴبىلىپ الىڭدار: ەگەر ٷي يەسى ۇرىنىڭ ٴتۇننىڭ قاي مەزگىلىندە كەلەتىنىن بىلسە+، سەرگەك بولىپ، ۇيىنە ۇرى تۇسۋىنە جول بەرمەس ەدى+.
44 سوندىقتان سەندەر دە دايىن بولىڭدار+، ويتكەنى ادام ۇلى وزدەرىڭ ويلاماعان ساعاتتا كەلەدى.
45 قوجايىنى ۇيىندەگى باسقا قۇلدارعا اس-سۋىن ۋاقتىلى بەرىپ تۇرۋعا تاعايىنداعان ادال دا اقىلدى قۇل كىم+؟
46 قوجايىنى كەلگەندە، ونىڭ سولاي ىستەپ جۇرگەنىن كورسە، سول قۇل باقىتتى+!
47 سەندەرگە شىندىعىن ايتامىن، ول ونى بۇكىل مەنشىگىنە قاراۋشى ەتىپ تاعايىندايدى.
48 الايدا قۇل زۇلىم بولىپ، ىشتەي «قوجايىنىم كەشىگىپ جاتىر»+ دەپ،
49 باسقا قۇلداردى ۇرىپ-سوعىپ، ماسكۇنەمدەرمەن بىرگە ٸشىپ-جەي باستاسا،
50 وندا قوجايىنى ول كۇتپەگەن كۇنى، بىلمەگەن ساعاتتا كەلىپ+،
51 ونى اياۋسىز جازالاپ، ەكىجۇزدىلەردىڭ كەبىن كيگىزەدى. سول جەردە ول زار ەڭىرەپ، قينالا تىستەنەتىن بولادى+.
سىلتەمەلەر
^ تۇسىندىرمەدەگى «يسانىڭ وسىندا بولۋىن» قاراڭىز.
^ تۇسىندىرمەنى قاراڭىز.
^ سوزبە-ٴسوز «حالىقتارعا كۋالىك بولۋ ٷشىن».
^ تۇسىندىرمەنى قاراڭىز.
^ تۇسىندىرمەدەگى «يسانىڭ وسىندا بولۋىن» قاراڭىز.
^ سوزبە-ٴسوز «رۋلار».
^ سوزبە-ٴسوز «ٴتورت جەلدەن».
^ تۇسىندىرمەدەگى «يسانىڭ وسىندا بولۋىن» قاراڭىز.
^ بۇل كەمە جاشىك ٴپىشىندى بولعان.
