Keɣa 83:1-18
Hendu. Azaafʋ+ keɣa.
83 Oo Ɛsɔ, taasu ɖiɣ ɖiɣ;+Oo Ɛsɔ, taasu tamɩyɛ,* taacaɣ ɖiɣ ɖiɣ.
2 Mbʋ pʋyɔɔ yɔ na, ño-koyindinaa wɛɛ nɛ papɩɣyɩɣ;+Mba papaɖɩɣ-ŋ yɔ, pakpazɩɣ pa-tɩ.*
3 Pɛkpɛyɩɣ ña-samaɣ tɔm nɛ ajitu mɛsaɣ tɛɛ;Pɛkpɛyɩɣ mba pamʋ ñɩm ñɛ-ɛsɩndaa yɔ* pɔ-tɔm.
4 Pɔtɔŋ se: «Ɩkɔɔ nɛ ɖɩɖɩzɩ pɛ-ɛjaɖɛ+Nɛ nɔɔyʋ ɛtaatasɩ tɔzʋʋ Izrayɛɛlɩ hɩɖɛ yɔɔ.»
5 Pañɩnɩɣ nʋmɔʋ ŋgʋ kɩ-yɔɔ patɩŋna yɔ nɔɔ kʋɖʋmaɣ taa;*Paɖʋ ɛgbɛyɛ se pakaɖɩnɩ-ŋ:+
6 Edom kizinzikiŋ nɛ Isimayɛɛlɩ mba, Mowaabʋ+ nɛ Hagrɩ mba,+
7 Gebal, Amooni,+ Amalɛɛkɩ,Filistii+ nɛ pɩkpɛndɩnɩ Tiirɩ mba.+
8 Asiirii+ ɖɔɖɔ kpɛndɩ pɔ-yɔɔ;Paɖʋ nesi* Lɔɔtɩ pɩyalaa.+ (Sɛɛla)
9 Labɩ-wɛ ɛzɩ ŋlabʋ Madiyaŋ yɔ,+Ɛzɩ ŋlabʋ Sisera nɛ Yabiini, Kisoŋ lemeɣa nɔɔ yɔ.+
10 Ŋŋɖɩzɩ-wɛ Ɛn-Dɔɔr;+Papɩsɩ huɖe tɛtʋ.
11 La nɛ pɔ-sɔsaa wɛɛ ɛzɩ Orɛɛbʋ nɛ Zeyɛɛbʋ yɔ+Nɛ pa-awumbiya* wɛɛ ɛzɩ Zeba nɛ Zalɩmuna yɔ,+
12 Mbʋ pʋyɔɔ yɔ pɔyɔɔdaa se: «Iyele nɛ ɖɩmʋ ɛjaɖɛ nɖɩ Ɛsɔ wɛ ɖɩ-taa yɔ.»
13 Hayɩ mɛ-Ɛsɔ, la nɛ pɛwɛɛ ɛzɩ sɔɔ ñɩtʋ ndʋ helim cɔzʋʋ yɔ,+Ɛzɩ ñɩtʋ kɩwɩtʋ ndʋ helim kpakɩɣ nɛ pɩɖɛɣna yɔ.
14 Ɛzɩ miŋ weyi ɛñakɩ laʋ yɔ,Ɛzɩ miŋ nzʋlʋmɩyɛ nɖɩ ɖikou pʋŋ yɔ,+
15 Mbʋ ɖɔɖɔ pɩwɛɛ se ŋkpaɣ ñɛ-tɛʋ ŋgʋ kɩnɩɣnɩ helim sɔsɔm yɔ nɛ ŋɖʋnɩ pa-wayɩ+Nɛ ŋkpaɣ ñe-helim sɔsɔm nɛ ŋñazɩnɩ-wɛ.+
16 La nɛ fɛyɛ kpa-wɛ*Nɛ pañɩnɩ ña-hɩɖɛ, Oo Yehowa.
17 Fɛyɛ ɛkpa-wɛ, nɛ sɔɔndʋ ɛkpa-wɛ tam;Fɛyɛ ɛkpa-wɛ nɛ pɛtɛŋɩlɩ;
18 Ɛyaa ɩtɩlɩ se ña weyi ña-hɩɖɛ lɛ Yehowa yɔ,+Ñe-ɖeke ñɛkɛnɩ Kɩlɩm tɛtʋ kpeekpe yɔɔ.+
Pɩ-tɛɛ tɔm
^ Yaa «taasu nɛ ŋŋyɔɔdʋʋ natʋyʋ.»
^ Yaa «pakʋsʋʋ pa-ñʋŋ.»
^ Piye piye, «mba ŋmɛsɩ-wɛ yɔ.»
^ Yaa «Panɩɣnɩ ɖama nɛ laŋɩyɛ kʋɖʋmɖɩyɛ.»
^ Piye piye, «Papɩsɩ nɩŋgbɛɛŋa.»
^ Yaa «pe-ɖiyiyaa.»
^ Piye piye, «La nɛ fɛyɛ su pɛ-ɛsɩndaa.»
