TƆM PƆZƲƲ 16
Ɛzɩma ŋpɩzɩɣ nɛ ŋlʋbɩnɩ nɩɣzɛ?
«Pɛɖɩ ña-sʋʋtʋ Yehowa yɔɔ, nɛ ɛkaɣ-ŋ sɩnʋʋ. Ɛɛkaɣ yebu kpa se siɣsiɣ tʋ ɛtɔlɩ.»
«Ɛyʋ kpekpeka tʋ ɖʋtʋ ɖɔŋnɩ-ɩ camɩyɛ, ɛlɛ mba payɩ pekpedisiɣ yɔ, paa pɩɩlabɩ ɛzɩma yɔ pakaɣ sʋʋ kʋñɔndʋtʋ taa.»
«Sɔɔndʋ ɛtaakpa-ŋ, mbʋ pʋyɔɔ yɔ mɛwɛ ñɔ-cɔlɔ. Taanɩɣzɩ, mbʋ pʋyɔɔ yɔ mɛnkɛ ñɛ-Ɛsɔ. Mankaɣ-ŋ kpazʋʋ ɖoŋ, ɛɛɛ, mankaɣ-ŋ sɩnʋʋ, toovenim taa lɛ, mankaɣ-ŋ ɖɔkʋʋ nɛ men-siɣsiɣ wɛtʋ nɩwaŋ nesi.»
«Mɩ-taa anɩ ye ɛnɩɣzɩɣ yɔ, ɛpɩzɩɣ nɛ ɛsɔzɩ e-wezuu ɖaɣlɩkɩŋ yɔɔ pazɩ?»
«Pʋyɔɔ lɛ, ɩtaanɩɣzɩ cee yɔɔ kpa, mbʋ pʋyɔɔ yɔ cee kaɣ wɛnʋʋ kɩ-maɣmaɣ kɩ-nɩɣzɛ. Paa evemiye nɖɩ lɛ, ɖɩ nɛ ɖɩ-maɣmaɣ ɖɩ-kʋñɔmɩŋ.»
«Ɩtɩlɩ mbʋ pɩ-tɔm kɩlɩ cɛyʋʋ yɔ.»
«Ɩtaanɩɣzɩ nabʋyʋ yɔɔ, ɛlɛ paa mbʋ pɩ-taa lɛ, ɩtɩŋnɩ adɩma nɛ tenduu yɔɔ, pɩkpɛndɩnɩ sɛtʋ nɛ iyele nɛ Ɛsɔ tɩlɩ mbʋ ɩpɔzʋʋ yɔ; nɛ Ɛsɔ tɛ laŋhɛzɩyɛ nɖɩ ɖɩcɛzɩ tɔm taa nɩʋ lɛɣtʋ tɩŋa yɔ, ɖɩkaɣ tɩŋnʋʋ Krɩstʋ Yesu yɔɔ nɛ ɖɩɖaŋ mɩ-laŋa yɔɔ nɛ mɩ-maɣzɩm yɔɔ.»
