Keɣa 10:1-18
ל [Lamɛd]
10 Hayɩ Yehowa, ɛbɛ yɔɔ ŋsɩŋ poliŋ taa?
Ɛbɛ yɔɔ ŋmɛlɩɣ kʋñɔŋ alɩwaatʋ taa?+
2 Kañatʋ tʋ ɖʋʋ weyi ɛfɛyɩnɩ ɖoŋ nɩɩyɩ yɔ ɛ-wayɩ nɛ tɩ kpazʋʋ,+Ɛlɛ tamasɩ kɩdɛkɛdɩsɩ nzɩ ɛtaŋ yɔ, sɩkaɣ kpaʋ ɛ-maɣmaɣ.+
3 Mbʋ pʋyɔɔ yɔ kañatʋ tʋ kʋndʋʋ ɛ-maɣmaɣ e-liu sɔɔlɩm yɔɔ*+Nɛ ɛwazɩɣ ɛsa naɣ naɣ tʋ;*נ [Nuuni]
Ɛɛñaŋ Yehowa.
4 Tɩ kpazʋʋ yɔɔ lɛ, kañatʋ tʋ ɛɛtazɩɣ se ɛna;Ɛ-lɩmaɣza tɩŋa lɛ se: «Ɛsɔ fɛyɩ.»+
5 Pɩɖɔŋnɩ-ɩ camɩyɛ ɛ-nʋmɔŋ taa,+Ɛlɛ ɛɛpɩzɩɣ nɛ ɛnɩɩ ñɔ-tɔm hʋʋ taa;+Ewoŋuu mba pakaɖɩɣnɩ-ɩ yɔ pa-tɩŋa.*
6 Ɛyɔɔdʋʋ ɛ-laŋɩyɛ taa se: «Pɩɩkaɣ-m ñamsʋʋ* kpa;Asɛyʋʋ ɛɛkaɣ-m talʋʋ kpa,+Kpaɣ kpaɖʋʋ nɛ piwolo kpaɖʋʋ.»
פ [Pe]
7 Nɔɔ kɩdɛkɛdaɣ lɔʋ, cɛtɩm nɛ sɔɔndʋ ɖʋʋ tɔm su ɛ-nɔɔ taa;+Ɛ-nzʋlʋmɩyɛ tɛɛ nɛ kʋñɔŋ nɛ tɔm ndʋ tɩɖʋʋ heŋ yɔ.+
8 Ɛpabɩɣ tɛtʋ cikpetu cɔlɔ nɛ ɛɖaŋ;Ɛwɛɣ ɛ-ɖɩmɛlɩyɛ taa nɛ ɛkʋ weyi ɛtɩɖɔɔ wɛɛ yɔ.+
ע [Ayin]Ɛ-ɛsa cɔŋʋʋ weyi ɛ-ñʋʋ sɩba yɔ.+
9 Ɛɖaŋɩɣ ɛ-ɖɩmɛlɩyɛ taa ɛzɩ mʋʋzʋʋ ɖaŋʋʋ kɩ-ɖɩmɛlɩyɛ taa* yɔ.+
Ɛɖaŋɩɣ se ɛkpa weyi ɛfɛyɩnɩ ɖoŋ nɩɩyɩ yɔ.
Ɛkpaɣ weyi ɛfɛyɩnɩ ɖoŋ nɩɩyɩ yɔ alɩwaatʋ ndʋ ɛhɔŋ e-piyuu nɛ ekpiyiɣ-kʋ yɔ.+
10 Ɛkpaɣ weyi yɔ, ɛtɔyɩtʋʋ-ɩ nɛ ɛpɛɖɩ-ɩ tataa;Mba pa-ñʋʋ sɩba yɔ, pɔtɔlʋʋ ɛ-cɩkpaŋ* tɛɛ.
11 Ɛyɔɔdʋʋ ɛ-laŋɩyɛ taa se: «Ɛsɔ sɔwa.+
Ɛkɛzɩ ɛ-ɛsa nɛ hɔɔlʋʋ.
Ɛɛnaɣ nabʋyʋ kpa.»+
ק [Kof]
12 Hayɩ Yehowa, kʋyɩ.+ Hayɩ Ɛsɔ, kpazɩ ñe-nesi.+
Taasɔɔ mba pɛfɛyɩnɩ ɖoŋ nɩɩyɩ yɔ pɔ-yɔɔ.+
13 Ɛbɛ yɔɔ kañatʋ tʋ ɛɛñaŋ Ɛsɔ?
Ɛyɔɔdʋʋ ɛ-laŋɩyɛ taa se: «Ŋŋkaɣ-m pɔzʋʋ akɔnta.»
ר [Resɩ]
14 Ɛlɛ ña lɛ, ŋnaɣ kʋñɔŋ nɛ siziŋ nɩʋ kpayɩ kpayɩ.
Ŋnaɣ nɛ ŋcɔŋnɩ pi-ɖeɖe.+
Weyi ɛ-ñʋʋ sɩba yɔ, ñɔ-yɔɔ ɛpɩsɩɣna;+Ñɛkɛnɩ pɩɣa ŋga kɛfɛyɩ caa yɔ* ka-sɩnɩyʋ.+
ש [Sin]
15 Pɛlɩ ɛyʋ weyi ɛkɛ kañatʋ tʋ nɛ kɩdɛkɛdʋ yɔ e-nesi,+Se pɩsa nɛ alɩwaatʋ ndʋ ŋñɩnɩɣ ɛ-kañatʋ lakasɩ yɔ,Ŋtaatasɩ-sɩ naʋ.
16 Yehowa kɛ Wiyaʋ tam.+
Ajɛɛ ɖɩm tɛtʋ yɔɔ.+
ת [Tav]
17 Ɛlɛ, hayɩ Yehowa, ŋkaɣ welisuu hɛɛɛ tɩnaa adɩma.+
Ŋkaɣ-wɛ kpazʋʋ ɖoŋ+ nɛ ŋkemni-wɛ camɩyɛ.+
18 Ŋkaɣ hʋʋ weyi ɛfɛyɩ caa yɔ nɛ mba pɔtɔyɩtʋʋ-wɛ yɔ pɔ-tɔm siɣsiɣ,+Se pɩsa nɛ tɛtʋ yɔɔ ɛyʋ nɔɔyʋ ɛtaatasɩ-wɛ ɖʋʋ sɔɔndʋ.+
Pɩ-tɛɛ tɔm
^ Yaa «kʋndʋʋ ɛ-tɛ piɖeni men-ɖeke kɔɖɛyɩ yɔɔ; kʋndʋʋ ɛ-kalɩzaɣ kɔɖɛyɩ yɔɔ.»
^ Pɩpɩzɩɣ pɩkɛ, «Ɛsa naɣ naɣ tʋ wazɩɣ ɛ-tɩ.»
^ Yaa «Ehosuu mba pakaɖɩɣnɩ-ɩ yɔ pa-tɩŋa pɔ-yɔɔ.»
^ Yaa «cɛŋɛsʋʋ.»
^ Yaa «cɔka tɛɛ.»
^ Yaa «ɛ-cɩkpaŋ ɖoŋ ñɩŋ.»
^ Yaa «soliɣa.»
