Keɣa 103:1-22
Daviid hendu.
103 Mansaŋ* Yehowa;Mbʋ payɩ pɩwɛ man-taa yɔ, pɩsa ɛ-hɩɖɛ kiɖeɖeye.
2 Mansaŋ* Yehowa;Tɛtɛ nɛ mantaasɔɔ mbʋ payɩ ɛlaba yɔ pɩ-yɔɔ kpa.+
3 Ekpeɣu-ŋ ña-kɩdɛkɛdɩm kpeekpe+Nɛ ɛwaɣ ña-kʋdɔmɩŋ kpeekpe;+
4 Eholuu-ŋ pɩlaʋ taa*+Nɛ ɛpamɩ-ŋ ɛ-sɔɔlɩm siɣsiɣ ñɩmbʋ nɛ ɛ-pʋtɔdɩyɛ naʋ ɛzɩ awiya hulaɣ yɔ.+
5 Ɛhaɣzɩɣ-ŋ wondu kɩbandʋ+ ñe-wezuu caɣʋ kpeekpe taa,Se ño-ɖoŋ* ɛpɩsɩɣ kɩfaŋ ɛzɩ kpeluu* ñɩŋ yɔ.+
6 Mba payɩ panazɩɣ-wɛ yɔ,+Yehowa lakɩ-wɛ mbʋ pɩtʋʋzaa yɔ+ nɛ mbʋ pɩwɛ siɣsiɣ yɔ.
7 Eyeba nɛ Moyizi tɩlɩ ɛ-nʋmɔŋ,+Eyeba nɛ Izrayɛɛlɩ pɩyalaa tɩlɩ ɛ-lakasɩ.+
8 Yehowa naɣ ɛyaa pʋtɔdɩyɛ nɛ ɛnɩɣ ɛyaa wɩzasɩ,*+Ɛɛkɔʋ pana lɛɛ lɛɛ, nɛ ɛ-sɔɔlɩm siɣsiɣ ñɩmbʋ* ɖɔ pɩdɩɩfɛyɩ.+
9 Ɛɛñɩnɩɣ kɩdɛkɛdɩm ɛyʋ yɔɔ paa ɛzɩmtaa,+Nɛ ɛɛcakɩnɩ ɛyʋ tam.+
10 Ɛtɩlabɩnɩ-ɖʋ ɖa-kɩdɛkɛdɩm nɔɔ taa,+Nɛ ɛtɩkpa-ɖʋ kɩmɩyɛ ɛzɩ ɖa-kɩwɛɛkɩm pɔzʋʋ yɔ.+
11 Mbʋ pʋyɔɔ yɔ ɛzɩ ɛsɔdaa kʋyʋʋ nɛ pɩkɩlɩ tɛtʋ yɔ,Mbʋ ɖɔɖɔ sɔɔlɩm siɣsiɣ ñɩmbʋ mbʋ ɛwɩlɩɣ mba peseɣ-i sɔɔndʋ yɔ pɩpaɣlaa.+
12 Ɛzɩ wɩsɩ ɖɩlɩyɛ posuu kpem nɛ wɩsɩ ɖɩɖʋyɛ yɔ,Mbʋ ɖɔɖɔ eposini-ɖʋ ɖa-kɩdɛkɛdɩm.+
13 Ɛzɩ caja naɣʋ ɛ-pɩyalaa pʋtɔdɩyɛ yɔ,Mbʋ ɖɔɖɔ Yehowa naɣ mba peseɣ-i sɔɔndʋ yɔ pa-pʋtɔdɩyɛ.+
14 Mbʋ pʋyɔɔ yɔ ɛsɩm camɩyɛ mbʋ ɛmanɩ-ɖʋ yɔ,*+Ɛtɔzʋʋ se mʋzʋʋ ɖɩkɛnaa.+
15 Ɛlɛ ɛyʋ lɛ, ɛ-kɩyakɩŋ wɛ ɛzɩ ñɩyʋʋ kɩyakɩŋ yɔ;+Ɛwɛ ɛzɩ hayɩm taa hɛɖʋʋ yɔ.+
16 Ɛlɛ helim makɩ lɛ, kɩɩtasɩɣ wɛʋ,Pɩwɛɣ ɛzɩ kɩtaawɛɛ peeɖe wiɖiyi nɛ kɩna yɔ.*
17 Ɛlɛ Yehowa wɩlɩɣ mba peseɣ-i sɔɔndʋ yɔƐ-sɔɔlɩm siɣsiɣ ñɩmbʋ tam tam,*+Nɛ ɛwɩlɩɣ e-siɣsiɣ wɛtʋ pe-piya piya,+
18 Ɛwɩlɩɣ-tʋ mba pɔɖɔkʋʋ ɛ-ɛgbɛyɛ yɔ+Nɛ mba pɔɖɔŋ ɛ-paɣtʋ yɔɔ ɖeyi ɖeyi yɔ.
19 Yehowa caɣzɩ e-kewiyaɣ kpelaɣ camɩyɛ ɛsɔdaa;+Nɛ ɛtɔkɩ kewiyitu pɩtɩŋa pɩ-yɔɔ.+
20 Ɩsa Yehowa, mɩ e-tiyiyaa kpeekpe+ mba mɩ ɩwɛ ɖoŋ kpem yɔ,Mba mɩ ɩɖɔŋ ɛ-tɔm yɔɔ+ nɛ ɩñaŋ ɛ-nɔɔ taa tɔm yɔ.*
21 Ɩsa Yehowa, mɩ e-yoyaa kpeekpe,+Ɛ-lɩmɖʋyaa mba mɩ ɩlakɩ ɛ-sɔɔlɩm yɔ.+
22 Ɩsa Yehowa, mɩ ɛ-tʋma kpeekpe,Lona wena a-taa payɩ ɛtɔkɩ kewiyitu yɔ a-taa.
Mansaŋ Yehowa nɛ ma-laŋɩyɛ kpeekpe.*
Pɩ-tɛɛ tɔm
^ Yaa «Man-kalɩzaɣ ɛsa.»
^ Yaa «Man-kalɩzaɣ ɛsa.»
^ Yaa «Eholuu ñe-wezuu pɔʋ taa.»
^ Piye piye, «ñe-evebitu.»
^ Yaa «keziye.»
^ Yaa «nɛ ɛmaɣzɩɣ ɛyaa yɔɔ.»
^ Yaa «ɛ-kɩbandʋ labʋ sɔɔlɩm.»
^ Yaa «ɛsɩm camɩyɛ ɛzɩma ɛma-ɖʋ yɔ.»
^ Piye piye, «Nɛ ki-lone ɛɛtasɩɣ-kʋ tɩlʋʋ.»
^ Yaa «kpaɣnɩ tam tam nɛ piwolo tam tam.»
^ Piye piye, «nɛ ɩnɩɣ ɛ-tɔm taŋ yɔ.»
^ Yaa «Man-kalɩzaɣ ɛsa Yehowa.»
