Ora. Bumi ora bakal dihancurké, diobong, utawa diganti karo planèt liyané. Ing Alkitab disebutké nèk Gusti Allah nyiptakké bumi bèn isa dienggoni saklawasé.

•   ”Wong sing bener bakal manggon ing bumi lan bakal manggon ing kono saklawasé.”​—Mazmur 37:29.

•   ”[Gusti Allah] nggawé bumi tetep ana ing panggonané lan saklawasé ora bakal pindhah saka panggonané.”​—Mazmur 104:5.

•   ”Bumi tetep ana saklawasé.”​—Pengkhotbah 1:4.

•   ”Sing Mbentuk bumi, lan sing nggawé bumi bèn ana sakterusé . . . nyiptakké bumi merga ana tujuané, yaiku bèn dienggoni manungsa.”​—Yésaya 45:18.

 Yéhuwah ora bakal meneng waé nèk bumi dihancurké merga polusi, perang, utawa liyané. Dhèwèké bakal ”nyingkirké wong-wong sing lagi ngrusak bumi”. (Wahyu 11:18) Piyé carané?

 Gusti Allah bakal ngganti pamréntahané manungsa karo pamréntahané Gusti Allah sing ana ing swarga, merga pamréntahané manungsa malah ngrusak bumi. (Danièl 2:​44; Matius 6:​9, 10) Pamréntahané Gusti Allah bakal dipimpin karo Yésus Kristus. (Yésaya 9:​6, 7) Wektu ing bumi, Yésus nduwé kekuwatan sing luar biasa kanggo ngendhalèni alam. (Markus 4:​35-​41) Sukmbèn, Yésus bakal nggawé bumi iki dadi Firdaus.​—Matius 19:28; Lukas 23:43.

 Ora. Ana wong-wong sing mikir kaya ngono merga maca 2 Pétrus 3:7. Ing ayat kuwi disebutké, ”Langit lan bumi sing saiki ana bakal dihancurké nganggo geni.” Tapi, sakjané sing dimaksud ing ayat kuwi dudu kaya ngono. Alesané ana loro:

1.   Ing Alkitab kata ”langit”, ”bumi”, lan ”geni” nduwé beberapa arti. Contoné, ing Mazmur 96:13 disebutké, ”Merga dhèwèké teka kanggo ngadili bumi.” Kata ”bumi” ing ayat kuwi maksudé wong-wong sing ana ing bumi.

2.   Saka 2 Pétrus 3:5,6 awaké dhéwé isa ngerti arti kata langit, bumi, lan geni. Ing ayat-ayat kuwi dicritakké soal Banjir Gedhé pas jamané Nuh. Wektu kuwi sing dihancurké dudu buminé, tapi wong-wong jahat sing ana ing ”bumi”. (Purwaning Dumadi 6:​11) Sing dihancurké ya termasuk ”langit”, yaiku wong-wong sing mréntah pas jaman kuwi. Tapi, Nuh lan keluargané slamet lan tetep manggon ing bumi sakwisé banjir kuwi. Dadi sing dihancurké kuwi dudu buminé, tapi wong-wong sing jahat.​—Purwaning Dumadi 8:​15-​18.

 Berarti sing bakal dihancurké nganggo ”geni”, kaya sing disebutké ing 2 Pétrus 3:7, kuwi dudu buminé tapi wong-wong sing jahat. Bar kuwi bakal ana ”langit anyar lan bumi anyar” kaya janjiné Gusti Allah. Wektu kuwi ”wong-wong bakal terus nindakké apa sing bener”. (2 Pétrus 3:​13) Sing dimaksud ”bumi anyar” yaiku wong-wong sing bakal manggon ing bumi. Terus, sing dimaksud ”langit anyar” yaiku Kerajaané Gusti Allah. Kerajaané Gusti Allah bakal nggawé bumi dadi firdaus.​—Wahyu 21:​1-4.