Salmo 98:1-9
-
Ni Jehova, Manangisalakan ken nalinteg nga Ukom
-
Naipakaammo ti panangisalakan ni Jehova (2, 3)
-
Kanta.
98 Kantaanyo ni Jehova iti baro a kanta,+Ta nakaskasdaaw dagiti inaramidna.+
Nangisalakan* ti kannawan nga imana, ti nasantuan a takiagna.+
2 Impakaammo ni Jehova ti panangisalakanna;+Impalgakna kadagiti nasion ti kinalintegna.+
3 Linagipna ti napudno nga ayat ken kinamatalekna iti sangakabbalayan ti Israel.+
Nakita ti intero a daga ti panangisalakan ti Diostayo.*+
4 Dakayo amin iti daga, agriawkayo a siraragsak ken idaydayawyo ni Jehova.
Agrag-okayo, ken agriawkayo gapu iti ragsak, ken agkantakayo iti panangidaydayaw* kenkuana.+
5 Agkantakayo iti panangidaydayaw* ken Jehova,A madanggayan iti arpa ken musika.
6 Puyotenyo dagiti trumpeta ken tangguyob,+Agriawkayo a siraragsak iti sanguanan ti Ari a ni Jehova.
7 Agdaranudor koma ti baybay ken ti amin nga adda iti dayta,Ti daga* ken dagiti agnanaed iti dayta.
8 Agpalakpak koma dagiti karayan;Agriaw koma a siraragsak dagiti bantay+
9 Gapu ken Jehova, ta um-umayen* tapno ukomenna ti daga.
Nalintegto ti panangukomna iti mapagnaedan a daga*+Ken patasto ti panangukomna kadagiti tattao.+
Footnotes
^ Wenno “Nangipangabak.”
^ Wenno “panagballigi ti Diostayo.”
^ Wenno “agputarkayo iti musika.”
^ Wenno “Agputarkayo iti musika.”
^ Wenno “nabunga a daga.”
^ Wenno “dimtengen.”
^ Wenno “nabunga a daga.”
