Salmo 103:1-22
Salmo ni David.
103 Idaydayawko ni Jehova;Ti intero a kinataok idaydayawna ti nasantuan a naganna.
2 Idaydayawko ni Jehova;Sapay koma ta diakto pulos malipatan ti amin nga inaramidna.+
3 Pakawanenna ti amin a kamalim+Ken paimbagenna ti amin a sakitmo;+
4 Ispalenna ti biagmo manipud iti abut*+Ken koronaannaka iti napudno nga ayat ken asi.+
5 Pennekenna ti intero a biagmo kadagiti nasayaat a bambanag,+Tapno agtalinaed ti kinaagtutubom ken ti pigsam a kas iti agila.+
6 Ipakat ni Jehova ti kinalinteg+ ken kinahustisiaPara iti amin a mailupitlupit.+
7 Impakaammona ti daldalanna ken Moises,+Impakitana dagiti aramidna kadagiti annak ti Israel.+
8 Naasi ken mannakipagrikna* ni Jehova,+Nabannayat nga agpungtot ken dakkel ti napudno nga ayatna.*+
9 Saanto a kanayon nga agbirok iti kamali,+Saan met nga agnanayon nga agsakit ti nakemna.+
10 Saannatayo a dusaen sigun kadagiti basoltayo,+Dinatay met supapakan sigun kadagiti kamalitayo.+
11 No kasano a nangatngato ti langit ngem ti daga,Kasta ti kadakkel ti napudno nga ayatna kadagiti agbuteng kenkuana.+
12 No kasano ti kaadayo ti pagsingisingan ti init iti paglennekanna,Kasta met ti kaadayo ti nangikabilanna kadagiti basoltayo.+
13 Kas iti maysa nga ama a maasian kadagiti annakna,Kaasian met ni Jehova dagiti agbuteng kenkuana.+
14 Ta talaga nga ammona ti pannakaaramidtayo,+Silalagip a tapoktayo.+
15 Kasla ruot dagiti aldaw ti tao;+Agukrad a kas iti sabong iti talon.+
16 Ngem no agangin, mapukawen,A kas man la saan a pulos a nagtubo.*
17 Ngem agnanayon* ti napudno nga ayat ni JehovaKadagidiay agbuteng kenkuana,+Ken agnanayon ti kinalintegna kadagiti annak dagiti annakda,+
18 Kadagidiay mangtungtungpal iti tulagna+Ken kadagidiay mangsursurot kadagiti bilinna.
19 Sititibker nga impasdek ni Jehova ti tronona idiay langit;+Ket ti kinaarina ti mangituray iti isuamin.+
20 Idaydayawyo ni Jehova, dakayo a mannakabalin nga anghelna+A mangtungtungpal iti saona+ ken agtultulnog iti timekna.*
21 Idaydayawyo ni Jehova, dakayo amin nga armadana,+Dakayo a ministrona nga agar-aramid iti pagayatanna.+
22 Idaydayawyo ni Jehova, dakayo amin a parsuanaIti amin a lugar nga iturturayanna.*
Ti intero a kinataok* idaydayawna koma ni Jehova.
Footnotes
^ Wenno “tanem.”
^ Wenno “nakonsiderar.”
^ Wenno “naayat a kinamanangngaasina.”
^ Lit., “Ket saanen nga ammo ti lugarna.”
^ Wenno “manipud iti awan inggana agingga iti awan inggana.”
^ Lit., “dumdumngeg iti timek (uni) ti saona.”
^ Wenno “Kadagiti lugar ti soberaniana.”
^ Wenno “kararuak.”
