“Saanka nga agsardeng nga agsao maipapan iti daytoy a libro ti Linteg, ket masapul a basaem dayta iti nakapsut a timek iti aldaw ken rabii tapno masurotmo a naimbag ti amin a naisurat iti dayta. Iti kasta, agballigika ken makapagtignayka a nainsiriban.”

Josue 1:8

“Intultuloyda nga imbasa iti napigsa ti libro, ti Linteg ti pudno a Dios, ken inlawlawagda a naimbag ti kaipapananna; isu a tinulonganda dagiti umili a mangtarus iti naibasa.”

Nehemias 8:8

“Naragsak ti tao a saan a sumursurot iti balakad dagiti managdakdakes . . . , ngem pagragsakanna ti linteg ni Jehova, ken basbasaenna dayta iti nakapsut a timek iti aldaw ken rabii. . . . Agballigi ti amin nga aramidenna.”

Salmo 1:1-3

“Nagtaray ni Felipe iti abay ti karuahe ket nangngegna a basbasaen ti lalaki ti libro ni propeta Isaias, ken insaludsodna: ‘Ammom kadi ti basbasaem?’ Insungbatna: ‘Kasanok a maammuan no awan ti mangisuro kaniak?’”

Aramid 8:30, 31

 “Dagiti di makita a kualidadna ket nalawag a makita manipud idi pinarsuana ti lubong ken agpatpatuloy, ta maawatan dagita babaen ti bambanag a naaramid, uray ti agnanayon a pannakabalin ken kina-Diosna, tapno awan ti pagpambarda.”

Roma 1:20

“Utobem dagitoy a banag; ipamaysam nga asikasuen dagitoy, tapno makita ti amin a tattao ti panagrang-aymo.”

1 Timoteo 4:15

“Agpipinnanunottayo tapno matignaytayo a mangipakita iti ayat ken nasayaat nga ar-aramid, a ditay baybay-an ti panaggigimongtayo.”

Hebreo 10:24, 25

“No agkurang iti sirib ti asinoman kadakayo, agtultuloy koma nga agdawat iti Dios, ta sipaparabur nga ikkanna ti amin ken saan a mangumsi, ket maitedto dayta kenkuana.”

Santiago 1:5