Salmo 46:1-11
Iti direktor. Salmo ti annak ni Kore.+ Maitunos iti estilo ti Alamot.* Kanta.
46 Ti Dios ti kamang ken pigsatayo,+Nakasagana a tumulong kadagiti tiempo ti rigat.+
2 Isu a ditay agbuteng, uray agbalbaliw ti daga,Uray no magunggon dagiti bantay ken marsuodda iti adalem a baybay,+
3 Uray no agdaranudor ken aglabutab dagiti danumna,+Ken magunggon dagiti bantay gapu iti panagkiburna. (Selah)
4 Adda karayan nga agay-ayus a mangparparagsak iti siudad ti Dios,+Ti nasantuan ken naindaklan a tabernakulo ti Kangatuan.
5 Adda ti Dios iti siudad+ isu a saan a marpuog.
Iti panaglawag ti agsapa, tumulongto ti Dios.+
6 Nariribuk dagiti nasion, narpuog dagiti pagarian;Impigsana ti timekna ket nagunggon ti daga.+
7 Ni Jehova a panguluen dagiti armada ket adda kadatayo;+Ti Dios ni Jacob ti natalged a pagkamangantayo. (Selah)
8 Umaykayo ket kitaenyo dagiti aramid ni Jehova,No kasano nga inaramidna dagiti nakaskasdaaw a banag ditoy daga.
9 Pagsarsardengenna dagiti gubat iti intero a daga.+
Tukkolenna dagiti pana ken putdenna dagiti pika;Puoranna dagiti lugan ti militar.*
10 “Sumukokayo ket bigbigenyo a siak ti Dios.
Maitan-okakto iti tengnga dagiti nasion;+Maitan-okakto iti intero a daga.”+
11 Ni Jehova a panguluen dagiti armada ket adda kadatayo;+Ti Dios ni Jacob ti natalged a pagkamangantayo.+ (Selah)