SALUDSOD 7
Ania ti Impadto ti Biblia Maipapan iti Kaaldawantayo?
“Bumusorto ti nasion iti sabali a nasion ken ti pagarian iti sabali a pagarian . . . Amin dagitoy ti pangrugian dagiti rigat.”
“Adunto ti tumaud nga ulbod a propeta ket adunto met ti maallilawda; ket gapu iti ikakaro ti kinadakes, lumamiisto ti ayat ti ad-adu.”
“Inton makadamagkayo kadagiti gubat, dikay agdanag; masapul a mapasamak dagitoy, ngem saan pay a panungpalan.”
“Addanto napipigsa a ginggined, ken bisin ken makapapatay a saksakit iti nadumaduma a lugar; ket addanto dagiti nakabutbuteng a buya ken dadakkel a pagilasinan iti langit.”
“Iti maudi nga al-aldaw, dumtengto dagiti delikado ken narigat a tiempo. Ta ay-ayatento laeng dagiti tattao ti bagbagida, managayat iti kuarta, napangas, natangsit, agsasao maibusor iti Dios ken iti tao, nasukir kadagiti nagannak, saan a managyaman, saan a matalek, awanan iti ayat iti padada a tao, saanda a kayat ti makitulag, manangpadakes, awanan panagteppel, nauyong, kagurada ti kinaimbag, traidor, natangken ti uloda, napannakkel, ayatenda ti ragragsak imbes a ti Dios, a kasla relihiosoda ngem saanda nga agbibiag a kasta.”
