Job 1:1-22
1 Úzpe oiko vaʼekue peteĩ kuimbaʼe hérava Job.*+ Haʼe ningo ijerovia mbarete ha siémpre ojapo iporãva.+ Job orrespeta Ñandejárape ha okyhyje chugui ha ni mbaʼevéicharõ ndojapói ivaíva.+
2 Job 7 itaʼýra ha mbohapy itajýra.
3 Haʼe heta hymba, oreko 7.000 ovecha, 3.000 kaméllo, 1.000 vaka ha 500 vúrro. Oreko avei hetaiterei hénte ombaʼapóva chupe g̃uarã. Upéicha rupi, Job haʼe vaʼekue pe karai iplatavéva oikóva Oriéntepe.
4 Job raʼykuéra ojepokuaa vaʼekue oñembyaty okaru hag̃ua oñondivepa. Káda uno oreko voi peteĩ día otokáva chupe ojapo hag̃ua hógape. Haʼekuéra oinvita umi mbohapy iñermánape ou hag̃ua okaru oñondivepa ha hoʼu víno hendivekuéra.
5 Job katu opensa: “Ikatu oime che familiakuéra opeka térã omaldesi mbaʼe raʼe Ñandejárape ipyʼapýpe”. Upévare, enterovéva ojapopa rire pe karu guasu, Job ohenoika jepi chupekuéra ha opuʼã pyharevete omeʼẽ hag̃ua sakrifísio ojehapýva+ káda únore, ikatu hag̃uáicha ipotĩ hikuái Ñandejára renondépe. Péicha Job ojepokuaa vaʼekue ojapo.+
6 Upéi og̃uahẽ pe día oñembyatyhápe umi ánhel*+ yvágape. Haʼekuéra oñepresenta Jehová+ renondépe ha Satanás+ oike avei ijapytepekuéra.+
7 Upémarõ Jehová oporandu Satanáspe: “¿Moõgui piko reju?”. Ha Satanás heʼi Jehovápe: “Akorre ha amaña aikóvo pe yvy ape ári”.+
8 Ha Jehová heʼi Satanáspe: “¿Remaña piko reikóvo che siérvo Job rehe? Ndaipóri haʼeichagua pe yvy ape ári. Haʼe ningo ijerovia mbarete ha siémpre ojapo iporãva.+ Haʼe orrespeta Ñandejárape, okyhyje chugui ha omboykete umi mbaʼe ivaíva”.
9 Ha Satanás heʼi Jehovápe: “Ndareíri ningo Job okyhyje ndehegui.+
10 Nde ningo haʼete voi remoĩva ijerére peteĩ murálla,+ péicha rekuida hese, ifamiliakuérare ha opa mbaʼe orekóvare. Nde revendesi opa mbaʼe ojapóva+ ha umi animál orekóva heta hetave ohóvo.
11 Péro eipyso nde jyva ha eipeʼami chugui entéro mbaʼe orekóva ha aasegura ndéve nemaldesitaha nde rovaitépe”.
12 Upéi Jehová heʼi Satanáspe: “Opaite mbaʼe orekóva opyta nde pópe, péro hesénte ani repoko”. Upémarõ Satanás osẽ oho Jehová renondégui.+
13 Upéi peteĩ díape oñembyaty Job familiakuéra okaru ha hoʼu hag̃ua víno iñermáno majór rógape.+
14 Upe aja og̃uahẽ ohóvo Job rendápe peteĩ ipersonál ha heʼi: “Karai Job, ore roara hína kuri umi guéi reheve ha umi ne rymba vúrro katu opastea hína upérupi.
15 Upeichaháguinte umi sabeokuéra ou ha omondapa umi animál ha ojukapaite espádape umi ótro ne personálpe. Che añoite ajesalva ha aju amombeʼu ndéve la oikóva”.
16 Péva oñeʼẽ aja gueteri, og̃uahẽ ótro ha heʼi: “Karai Job, Ñandejára ombou tata yvágagui ha ojukapaite nde ovechakuérape ha umi oñatendévape hesekuéra. Che añoite ajesalva ha aju amombeʼu ndéve la oikóva”.
17 Péva oñeʼẽ aja gueteri og̃uahẽ ótro ha heʼi: “Karai Job, umi caldeo+ ojedividi en 3 grúpo ha ou omondapaite umi kaméllo ha ojukapaite espádape umi ótro ne personálpe. Che añoite ajesalva ha aju amombeʼu ndéve la oikóva”.
18 Péva oñeʼẽ aja gueteri ou ótro ha heʼi: “Karai Job, umi nde raʼy ha nde rajykuéra okaru kuri ha hoʼu víno oñondivepa iñermáno majór rógape.
19 Upeichaháguinte ou pe desiérto ládogui peteĩ yvytu atã ha ombokacha vaipaite pe óga, ha hoʼa ne familiakuéra ári ha omanombaite hikuái. Che añoite ajesalva ha aju amombeʼu ndéve la oikóva”.
20 Upepete Job opuʼã, omondoro ijao ha oikytĩmbaite iñakãrangue. Upéi ojeity yvýpe, oñesũ
21 ha heʼi:
“Mbaʼeveʼỹre asẽ vaʼekue che sy retepýgui,ha mbaʼeveʼỹre aháne yvyguýpe.+
Jehová voínte omeʼẽ+ ha Jehová jeýnte oipeʼapa.
Siémpre toñembotuicha Jehová réra”.
22 Ohasáramo jepe koʼã mbaʼe, Job ndopekái ni ndeʼíri Ñandejára káusare oikoha umi mbaʼe vai.
