Isaías 43:1-28
43 Jacob, Jehová ningo nde Apohare,Israel, haʼe hína pe ndeapo vaʼekue.+
Ha haʼe heʼi ndéve:
“Ani rekyhyje, pórke che apagáma rogueru jey hag̃ua.+
Che rohenóima nde rérarupi. Nde ningo chembaʼéma.
2 Nde rehasa vove oĩhárupi y, che aĩta nendive.+
Ha rehasa vove umi rríore, nderejahogamoʼãi.+
Rehasa vove tata mbytérupi, nde nderekaimoʼãi,pe tata nanderapymoʼãi ni michĩmi.
3 Pórke che hína Jehová, nde Jára.
Che ningo Israel Jára,* nde Salvadór.
Che ameʼẽma Egipto, Etiopía ha Sebá nderehehápe,péicha apaga rogueru jey hag̃ua.
4 Nde ningo neporãiterei chéve g̃uarã,+che romombaʼe ha rohayhueterei.+
Upévare, rosalva hag̃ua*
antregáta heta hénte ha tetã nderehehápe.
5 Ani rekyhyje, che aime nendive.+
Aguerúta ne familiarépe pe ésteguio,ha ambyatýta chupekuéra pe oésteguio.+
6 Che haʼéta pe nórtepe: ‘Eheja chupekuéra tou jey’.+
Ha pe súrpe haʼéta: ‘Anive ejoko chupekuéra.
Pegueru jey koʼápe che raʼykuéra oĩvape mombyry, pegueru jey che rajykuérape umi lugár oĩvagui mombyryete.+
7 Tou jey enterove umi ogueraháva che réra,*+
umi che ajapo vaʼekue chemombaʼeguasu hag̃ua.
Che akrea ha ajapo chupekuéra’.+
8 Che puévlo ningo hesa péro ndohechái, ijapysa péro nohendúi.
Pehejána chupekuéra tou.+
9 Toñembyaty entéro umi tetã peteĩ lugárpe,ha toñembyaty oñondivepa umi puévlo.+
¿Máva piko idioskuéra apytégui ikatúta heʼi koʼã mbaʼe?
¿Máva piko ikatu omombeʼu umi mbaʼe oikótava amo gotyove?+
Topresentána itestigokuéra ohechauka hag̃ua haʼekuéra ihustoha.
Osino ótro tohendu heʼi hag̃ua, ‘Siertoite la heʼíva’”.+
10 Jehová heʼi: “Peẽ hína che testígo,+peẽ ningo che siérvo che aiporavo vaʼekue.+
Ajapo upéva ikatu hag̃uáicha chekuaa ha pejerovia cherehe,ha pentende hag̃ua che núnka nakambiaiha, che siémpre el mísmo.+
Che mboyve ndaipóri vaʼekue ni peteĩ dios,ha che rire, ndaipóri avei.+
11 Che hína Jehová,+ ha che añoite pende salvadór”.+
12 Jehová heʼi: “Che amombeʼu vaʼekue la ajapótava, che posalva ha aikuaauka vaʼekue ajapotaha upéva.
Upérõ ndapeguerekói vaʼekue ótro dios.+ Upévare peẽ hína che testígo.
Che hína pe Dios verdadéro.+
13 Che ningo siémpre el mísmo, núnka nakambiái,+avave ndaikatúi oipeʼa che pógui mbaʼeve.+
Ajapo jave álgo, ¿máva piko ikatu chejoko?”.+
14 Jehová, Israel Jára,*+ opaga vaʼekue pendegueru jey hag̃ua,+ ha heʼi péicha:
“Penderehehápe che hetápe amondóta Babilonia kóntrape, aitypáta umi tránka orekóva pe siuda rokẽ.+
Aganáta umi caldeo oĩvape umi várkope, ha opytáta oñelamenta hikuái upépe.+
15 Che hína Jehová, pe Dios Sánto,+ Israel Apohare,+ che hína pende Rréi”.+
16 Jehová ojapo peteĩ tapemar mbytépe,umi y pochy paʼũme.+
17 Haʼe omomýi umi ehérsitope, umi kárro de gérra,kavaju ha umi gerréro poderósope osẽ hag̃ua oñorairõ.+
Ha haʼe heʼi: “Hoʼapáta hikuái ha ndaikatumoʼãvéima opuʼã,+hekovekuéra opa reíta, umi lámpara rendy ogue ha opa reiháicha”.
18 “Ani penemanduʼa umi mbaʼe yma guarére.
Anive pesegínte pepensa umi mbaʼe ohasáma vaʼekuére.
19 Pemañami, che ajapóta hína álgo ipyahúva,+koʼág̃a voi oñepyrũma oiko.
Peẽ katuete pehecháta.
Che ajapóta peteĩ tape pe desiértope,+ha rrío osyrýta pe desiértore.+
20 Umi animál salváhe oikóva pe ñúre, chemombaʼeguasúta.
Umi jagua salváhe* ha ñandu guasu chemombaʼeguasúta,pórke che rupive pe desiértope oĩta y.+
Che puévlo aiporavo+ vaʼekuépeche ameʼẽ y hoyʼu hag̃ua.
21 Che aforma pe puévlo chembaʼerã,oikuaauka hag̃ua umi mbaʼe porãita che ajapóva.+
22 Péro nde Jacob nderejeruréi chéve ajúda,+Israel, nde nekaneʼõ chehegui.+
23 Ndereguerúi ovecha rejapo hag̃ua chéve ofrénda ojehapypaitéva.
Nde nderejapói sakrifísio chemombaʼeguasu hag̃ua.
Che ndoroovligái regueru hag̃ua chéve rregálo,¿che piko tódo el tiémpo aikóva ajerure ndéve olívano nekaneʼõ meve?+
24 Ndereipurúi nde pláta rejogua hag̃ua chéve takuarílla hyakuã asýva,ha rehapýramo jepe chéve umi animál kyrakue, che ndaguerohorýi umíva.+
Umi nde pekádo haʼete peteĩ kárga chéve g̃uarã.
Chemokaneʼõma umi ne rembiapo vaikue.+
25 Upéicharõ jepe, che réra rehehápe+ avorra umi ne rembiapo vai,+ha cheresaráita nde pekadokuéragui.+
26 Ñapresenta káda uno ñande káso.
Chemomanduʼána, emombeʼúna ndehaitéma la oiko vaʼekue ehechauka hag̃ua nde erekoha la rrasón.
27 Upe nde túa ypykue primeroitegua, opeka kuri,ha umi nemboʼe* vaʼekue oñemoĩ cherehe.+
28 Upévare umi prínsipe oservíva pe lugár sagrádope ikyʼáta che renondépe.
Che antregáta Jacóbpe oñehundi hag̃ua,ahejáta oñeñeʼẽ vai Israel rehe”.+
Nóta
^ Térã: “asalva hag̃ua ne álma”.
^ Hebréope: “oñehenóiva che rérarupi”.
^ Térã: “chakál”.
^ Amalisia koʼápe oñeñeʼẽ hína umi omboʼévare pe léi.
