ઈશ્વરે આપણને બનાવ્યા છે, એટલે તે સારી રીતે જાણે છે કે આપણે કેવું જીવન જીવવું જોઈએ. તે ચાહે છે કે નિર્ણય લેતી વખતે આપણે તેમની સલાહ માનીએ. કેમ કે એનાથી આપણું જ ભલું થશે. જો આપણે તેમની સલાહ માનીશું તો આપણને ચિંતા નહિ રહે કે આગળ શું થશે. યહોવાની સલાહ માનીને આપણે હંમેશાં સારા નિર્ણયો લઈ શકીશું. એના લીધે, આપણે ખુશ રહીશું અને આપણા જીવનમાં શાંતિ હશે.

 ઈશ્વરની સલાહ માનવા માટે કદાચ આપણાં વિચારો અને જીવનઢબ બદલવી પડે, પણ એ એટલું અઘરું નથી કે આપણે ન કરી શકીએ. યહોવાએ આપણને બનાવ્યા છે, એટલે તે જાણે છે કે આપણે શું કરી શકીએ છીએ અને શું નહિ. આપણે યહોવાને ઓળખતા જઈશું તેમ સમજી શકીશું કે “તેમની આજ્ઞાઓ ભારે નથી.”—૧ યોહાન ૫:૩.

સાચા-ખોટા વિશે ઈશ્વરની સલાહ આપણે પાળી શકીએ છીએ. કેમ કે તેમણે વચન આપ્યું છે કે તે આપણને મદદ કરશે. યહોવા બાઇબલ દ્વારા આપણને મદદ કરે છે. એનાથી તે આપણને સારાં કામ કરવા હિંમત આપે છે અને એક સારા ભાવિની આશા આપે છે.

આખી દુનિયામાં લાખો લોકોને અનુભવ થયો છે કે બાઇબલની સલાહ પાળવાથી તેઓ પહેલાં કરતાં સારું જીવન જીવે છે. બાઇબલમાં અલગ અલગ વિષય પર સલાહ આપવામાં આવી છે. શું તમારે એ વિશે વધારે જાણવું છે? તમે ચાહો તો jw.org પરથી દુઃખ જશે, સુખ આવશે ચોપડી વાંચી શકો છો. એ એકદમ મફત છે. એમાં નીચે આપેલા વિષયો પર માહિતી આપવામાં આવી છે:

• ઈશ્વરનો સંદેશો કઈ રીતે ખુશીઓ લાવે છે?

• ઈશ્વર સારા ભાવિનું વચન આપે છે

• શું બાઇબલની વાતો પર ભરોસો મૂકી શકીએ?

બાઇબલમાંથી શીખતા જશો તેમ, તમે જોઈ શકશો કે એમાં આપેલી સલાહ આજે પણ એટલી જ કામની છે, જેટલી પહેલાંના સમયમાં હતી. એ સલાહ ‘વિશ્વાસપાત્ર હતી, આજે છે અને હંમેશા રહેશે.’ (ગીતશાસ્ત્ર ૧૧૧:૮) જીવન જીવવાની સૌથી સારી રીત છે, સાચા-ખોટા વિશે બાઇબલમાં આપેલી સલાહ પાળવી. પણ એ પાળવી કે નહિ એ આપણા હાથમાં છે. એ માટે ઈશ્વર આપણને જબરજસ્તી નથી કરતા.—પુનર્નિયમ ૩૦:૧૯, ૨૦; યહોશુઆ ૨૪:૧૫.