Abɛi 16:1-33
16 Gbɔmɔ toɔ etsui mli susumɔi ahe gbɛjianɔ,*Shi hetoo ni ehãa* lɛ, Yehowa ŋɔɔ ejɛɔ.+
2 Gbɔmɔ gbɛi fɛɛ ja* yɛ ehiɛ,+Shi Yehowa ji mɔ ni taoɔ susumɔi amli.* +
3 Okɛ nɔ fɛɛ nɔ ni ofeɔ lɛ awo Yehowa dɛŋ,*+Ni ogbɛjianɔtoi baaye omanye.
4 Yehowa hãa nɔ fɛɛ nɔ tsuɔ eyiŋtoo* he nii,Mɔ fɔŋ lɛ po yɛ kɛhã hiɛkpatamɔ gbi lɛ.+
5 Yehowa miihi mɔ fɛɛ mɔ ni wóɔ ehe nɔ yɛ etsui mli.+
Ná ole akɛ,* eyeŋ ehe kɔkɔɔkɔ.
6 Suɔmɔ ni tsakeee kɛ anɔkwayeli akɛkpãtãa ahãa esha,+Ni Yehowa gbeyeishemɔ hãa mɔ tsiɔ ehe kɛjeɔ efɔŋ he.+
7 Kɛ́ gbɔmɔ gbɛ sa Yehowa hiɛ lɛ,Ehãa mɔ lɛ henyɛlɔi po kɛ lɛ hiɔ shi yɛ toiŋjɔlɛ mli.+
8 Nii fioo ni jalɛ nifeemɔ fata he lɛ,+Ehi fe nii babaoo ni aná ni jalɛsaneyeli fataaa he.+
9 Gbɔmɔ baanyɛ ato egbɛ he gbɛjianɔ yɛ etsui mli,Shi Yehowa ji mɔ ni kudɔɔ mɔ lɛ najifaamɔi.+
10 Esa akɛ yiŋkpɛɛ ni jɛ Nyɔŋmɔ ŋɔɔ akã maŋtsɛ naa;+Esaaa akɛ ekojoɔ yɛ gbɛ ni ejaaa nɔ.+
11 Susumɔnii kɛ nsɛnii ni ja lɛ, fɛɛ jɛ Yehowa ŋɔɔ;Nsɛni tɛi lɛ fɛɛ ni yɔɔ kotoku lɛ mli lɛ, eninenaa nitsumɔ ni.+
12 Nɔ ni maŋtsɛmɛi hiɔ ji efɔŋfeemɔ,+Ejaakɛ jalɛ nifeemɔi ji nɔ ni hãa maŋtsɛ sɛi maa shi shiŋŋ.+
13 Jalɛ wiemɔi hãa maŋtsɛmɛi náa miishɛɛ.
Amɛsumɔɔ mɔ ni wieɔ anɔkwale.+
14 Maŋtsɛ mlifu lɛ, etamɔ tsulɔ ni yaagbe mɔ ko,+Shi hiɛshikalɔ kpãtãa lɛ.* +
15 Maŋtsɛ hiɛ ni etseɔ ehãa mɔ lɛ, no mli wala yɔɔ;Ehiɛ dromɔ tamɔ nugbɔ ni ewo yɛ gbo beiaŋ.*+
16 Kɛ́ oná hiɛshikamɔ lɛ, ehi kwraa fe shika tsuru!+
Ni kɛ́ oná niiashishinumɔ lɛ, ehi fe jwiɛtɛi.+
17 Jalɔi agbɛjegbɛ lɛ, efɔŋ bɛ nɔ.
Mɔ fɛɛ mɔ ni hãa ehiɛ hiɔ egbɛ nɔ lɛ, ebaa ewala* yi.+
18 Henɔwomɔ nyiɛɔ shigbeemɔ hiɛ,Ni henɔwomɔ mumɔ nyiɛɔ nanetɔ̃tɔmɔ hiɛ.+
19 Ehi akɛ obaaba ohe shi* yɛ mɛi ni he jɔ ateŋ+Moŋ fe nɔ ni okɛ mɛi ni wóɔ amɛhe nɔ baaja ta mli nii.
20 Mɔ ni kɛ sɛɛyoomɔ tsuɔ sane he nii lɛ, ebaaye omanye,*Ni mɔ ni kɛ ehiɛ fɔ̃ɔ Yehowa nɔ lɛ, eyɛ miishɛɛ.
21 Mɔ ni hiɛ kã shi yɛ etsui mli lɛ, abaatsɛ lɛ niiashishinulɔ,+Ni mɔ ni kɛ mlihilɛ wieɔ lɛ,* ekɔneɔ mɛi ayiŋ.+
22 Mɛi ni yɔɔ sɛɛyoomɔ lɛ, eji wala nuhiŋmɛi kɛhã amɛ,Shi buului lɛ, amɛ diɛŋtsɛ amɛbuulufeemɔ lɛ ni baatsɔse amɛ.
23 Hiɛshikalɔ tsui hãa enaabu sɛɛyoomɔ+Ni ehãa ewiemɔ kɔneɔ mɛi ayiŋ.
24 Wiemɔi ni ŋɔɔ lɛ, amɛtamɔ wo ni miitsere,*Amɛŋɔɔ susuma lɛ naa,* ni amɛtsaa wui lɛ hu.+
25 Gbɛ ko yɛ ni ja yɛ gbɔmɔ hiɛ,Shi yɛ naagbee lɛ ekɛ mɔ yaa gbele mli.+
26 Nitsulɔ lɛ, bɔ ni eshweɔ ni ená nɔ ko eye lɛ,* ji nɔ ni hãa etsuɔ nii waaEjaakɛ hɔmɔ ni yeɔ lɛ lɛ* ji nɔ ni kanyaa lɛ.+
27 Yaka gbɔmɔ tsaa nɔ gbonyo kɛjeɔ kpo;+Ewiemɔ shãa mɔ tamɔ la.+
28 Sanetsɛ* kɛ mligbalamɔ baa,+Ni mɔ ni wieɔ mɔ he efɔŋ lɛ, etserɛɔ nanemɛi kpaakpa teŋ.+
29 Mɔ ni yi wa lɛ, elakaa ehe gbɔmɔNi enyiɛɔ ehiɛ kɛyaa gbɛ ni ejaaa nɔ.
30 Ebɛɔ mɔ hiŋmɛi be ni etoɔ ŋaa fɔŋ lɛ.
Ekɔ̃ɔ enaabu be ni efeɔ efɔŋ lɛ.
31 Waŋ lɛ, akekere fɛfɛo* ni,+Kɛ́ aná yɛ jalɛ gbɛ nɔ.+
32 Mɔ ni mli fuuu mra lɛ,+ ehi fe nuu kãkãlɔ,Ni mɔ ni yeɔ emlifu nɔ lɛ,* ehi fe mɔ ni yeɔ maŋ nɔ kunim.+
33 Oshiki lɛ, shuɔ nɔ afɔ̃ɔ yɛ,+Shi bɔ ni enaa baayakpa ahã lɛ, Yehowa ŋɔɔ ejɛɔ.+
Shishigbɛ Niŋmaa
^ Loo “hetoo ni ja.” Hebri sht. ŋm., “lilɛi hetoo.”
^ Hebri sht. ŋm., “Tsui lɛ gbɛjianɔtoi lɛ, gbɔmɔ nɔ ni.”
^ Hebri sht. ŋm., “yɛ krɔŋŋ; he tse.”
^ Hebri sht. ŋm., “ŋmɛɔ mumɔi ekwɛɔ.”
^ Hebri. sht. ŋm., “Koklomɔ onitsumɔi lɛ ohã Yehowa.”
^ Ni ji, Yehowa.
^ Hebri sht. ŋm., “Nine ta nine dɛŋ.”
^ Loo “joɔ enaa foi.”
^ Yɛ Israel lɛ, be nɛɛ bafeɔ April teŋgbɛ be ni eshwɛ fioo ni nugbɔnɛmɔ sɛɛ baafo.
^ Loo “esusuma.”
^ Hebri sht. ŋm., “obaahã omumɔ aba shi.”
^ Hebri sht. ŋm., “ebaaná nɔ kpakpa.”
^ Loo “Ni wiemɔ ni ŋɔɔ lɛ.” Hebri sht. ŋm., “Ni naabu ni ŋɔɔ lɛ.”
^ Loo “wo ni afutuko mli.”
^ Loo “Amɛŋɔɔ lilɛi lɛ naa.”
^ Hebri sht. ŋm., “Ejaakɛ enaabu.”
^ Loo “Nitsulɔ lɛ, esusuma.”
^ Loo “Ŋaatsɔlɔ.”
^ Loo “anunyam akekere.”
^ Hebri sht. ŋm., “mɔ ni yeɔ emumɔ nɔ lɛ.”
