Tá daoine ar fud an domhain ag déileáil le fadhbanna a bhfuil brón, imní agus pian ag baint leo. B’fhéidir go bhfuil tú féin ag fulaingt mar gheall ar thinneas nó go bhfuair duine a raibh cion agat air bás. B’fhéidir go bhfuil tú ag fiafraí duit féin, ‘an dtiocfaidh feabhas ar an saol go deo?’ Tugann an Bíobla freagra sásúil ar an gceist sin.

1. Cén t-údar dóchais atá sa mBíobla?

Ní amháin go míníonn an Bíobla an chúis go bhfuil an domhan lán le fadhbanna ach geallann sé go gearr go mbeidh deireadh leo. Tugann gealltanais an Bhíobla “sólás síoraí agus dóchas daingean” dúinn. (Léigh 2 Teasalónaigh 2:16.) Tugann na gealltanais seo cúnamh dúinn le déileáil leis na fadhbanna atá againn faoi láthair, agus dóchas go mbeidh sonas buan againn amach anseo.

2. Cén cineál saoil a bheidh ann amach anseo de réir an Bhíobla?

Déanann an Bíobla cur síos ar an am nach mbeidh “an bás ann feasta, ná ní bheidh caoineadh ná olagón ná pian ann a thuilleadh.” (Léigh Apacailipsis 21:4.) Ní bheidh caint ná trácht ar na fadhbanna atá ag cur drochmhisnigh orainn inniu—rudaí ar nós bochtaineacht, éagóir, tinneas agus bás—ní bheidh siad ann níos mó. Geallann an Bíobla go mbeidh an cine daonna in ann taitneamh a bhaint as an saol go deo anseo ar an talamh.

3. Cén fáth ar féidir leat a bheith cinnte go gcomhlíonfar gealltanais an Bhíobla?

Bíonn go leor daoine ag súil go dtarlóidh rudaí maithe dóibh ach níl cinnteacht ar bith ag baint leis. Ach tá gealltanais an Bhíobla difriúil. Is féidir linn ár muinín a chur sa méid atá ráite sa mBíobla trína bheith “ag cíoradh [nó ag scrúdú] na scrioptúr.” (Gníomhartha 17:11) De réir mar a dhéanann tú staidéar ar an mBíobla beidh tú in ann d’intinn féin a dhéanamh suas maidir leis na rudaí atá geallta ann.

 DÉAN TAIGHDE

4. Geallann an Bíobla go mbeidh muid in ann maireachtáil go deo i bparthas

Tabhair suntas de na gealltanais seo a leanas atá le fáil sa mBíobla. Cé acu is mó a thaitníonn leat? Cén fáth?

Léigh na scrioptúir atá luaite leis na gealltanais agus déan machnamh ar na ceisteanna seo:

• An gceapann tú go dtugann na scrioptúir seo dóchas duit? Meas tú an mbeidís in ann dóchas a thabhairt do do chlann agus do chairde?

Samhlaigh maireachtáil anseo ar an talamh

 5. Tá dóchas an Bhíobla in ann difríocht a dhéanamh

 ACHOIMRE

Tugann an Bíobla dóchas dúinn agus cabhraíonn sé linn déileáil le dúshláin an tsaoil anois, mar go bhfuil a fhios againn go bhfuil saol maith amach romhainn.

Súil Siar

• Cén fáth a dteastaíonn dóchas ó dhaoine?

• Céard atá ráite sa mBíobla faoin todhchaí?

• Cén chaoi a gcabhróidh dóchas don todhchaí leatsa anois?