Amalumbo 77:1-20
Ku ng’omba nkalamba pali Yedutuni. Ulwa kwa Asafi.+ Ulwimbo.
77 Nkakuuta kuli Lesa kwi shiwi lyandi,+Ilyo nkakuuta kuli Lesa kwi shiwi lyandi, akankutika.+
2 Mu bushiku bwa kucula kwandi nafwayafwaya Yehova.+Kwatambululwa ukuboko kwandi ubushiku ukwabula no kuti kunake;Umutima wandi wakaana ukusansamuka.+
3 Nkebukisha Lesa kabili nkailishanya;+Nkabikako amano kabili umutima wandi ukafwa umutombo.+ Seʹlah.
4 Mwaikata inkopyo sha menso yandi;+Nasakamikwa, kabili nafilwa ukulanda.+
5 Natontonkanya pa nshiku sha ku kale,+Pa myaka iya kale na kale.
6 Nkebukisha ulwimbo lwandi ulwa pa cilimba ca nsale ubushiku;+Nkabikako umutima wandi,+No mutima wandi ukafwayafwaya.
7 Bushe Yehova akatwalilila ukundekelesha umuyayaya,+Kabili bushe takatale ateemunwa na kabili?+
8 Bushe capwililila pe icikuuku cakwe?+Bushe ukulanda kwakwe kwaba ukwa fye+ ku nkulo ne nkulo?
9 Bushe Lesa alilaba ukumbelela uluse,+Nelyo bushe ku bukali bwakwe alicilikila inkumbu shakwe?+ Seʹlah.
10 Kabili bushe nkonkanyepo fye ukusosa ati: “Nacula nga nshi,+Pa mulandu wa kuti Uwapulamo aleka ukungafwa ku kuboko kwakwe ukwa ku kulyo”?+
11 Nkebukisha imicitile ya kwa Jah;+Pantu nkebukisha ifipesha amano fyenu ifya ku kale.+
12 Kabili nkatontonkanyapo sana pa milimo yenu yonse,+Kabili nkabika amano ku mibombele yenu.+
13 Mwe Lesa, inshila shenu shaba umwa mushilo.+Ni Lesa nshi uwakula nga imwe, mwe Lesa wesu?+
14 Ni mwe Lesa wa cine, uucita fipesha amano.+Mwalenga amaka yenu ukwishibikwa mu nko.+
15 Mwalubula abantu benu ku kuboko kwenu,+Abana ba kwa Yakobo na ba kwa Yosefe. Seʹlah.
16 Amenshi yamumona, mwe Lesa,Amenshi yamumona; yatendeka ukututuma.+Kabili, bemba atendeka ukululunkana.+
17 Amakumbi yabulukuta pa kupongolola amenshi;+Umuulu wa makumbi wafumya ishiwi.Kabili, imifwi yenu yaya uku no ku.+
18 Iciunda ca cibulukutu cenu cili nge mipeto ye celeta;+Inkuba shasanika pano nse;+Isonde lyatenkana kabili lyatendeka ukutenta.+
19 Muli bemba e mwali inshila yenu,+Kabili inshila yenu yapitile mu menshi ayengi;Ne nkasa shenu tashaishibikwa.
20 Mwatungulwile abantu benu ngo mukuni,+Ku kuboko kwa kwa Mose na Aarone.+
