Amalumbo 104:1-35
104 We mweo wandi,+ cindika Yehova.Mwe Yehova Lesa wandi, muli bakulu icine cine.+Ubucindami na bukatebebe e fyo mwafwala,+
2 Mwafimbana ulubuuto kwati ca kufwala,+Mwayansa imyulu kwati litenti,+
3 Mwe bakuula imiputule yenu iya pa muulu mu menshi+ ukubomfya imilando,Mwe balenga amakumbi ukuba iceleta lyenu,+Mwe bendela pa mapindo ya mwela,+
4 Mulenga bamalaika benu ukuba aba maka,*+Na babomfi benu ukuba umulilo uoca.+
5 Mwashimpile isonde pa cifulo ca liko icapampamikwa;+Talyakatelentenshiwe umuyayaya, umuyayaya.+
6 Mwafimbile isonde ku menshi ayengi nge ca kufwala.+Amenshi yaiminine pa muulu wa mpili.+
7 Ilyo mwakalipe yalifulumwike;+Kwi shiwi lya kubulukuta kwenu yalibutawike—
8 Impili shalimine,+Impanga iyabatama yaile pa nshi—Mu ncende mwafipekanishishe.
9 Mwabikile no mupaka, umo amenshi yafwile ukupeleela,+Pa kuti tayeswile pano isonde na kabili,+
10 Mutuma utumfukumfuku twa menshi ukuya mu mipokapoka;+Na to tupita pa kati ka mpili.
11 Tatuleka ukupeela amenshi ya tuko ku nama sha mu mpanga shonse;+Bacolwa+ lyonse bapwishisha icilaka ku menshi ya tuko.
12 Pa muulu wa tuko e paikala ifipupuka mu muulu;+Mu kati ka misambo yafunda e mo fililila.+
13 Mutapilisha impili ku menshi ya mu miputule yenu iya pa muulu.+Ififuma mu milimo yenu e fyo isonde liikuta.+
14 Mulenga umulemfwe wa nama ukumena,+E lyo ne fimenwa fya kuti abantu balebomfya,+Mulenga ne fya kulya ukufuma mu mushili,+
15 No mwangashi uulenga umutima wa muntunse umwina kufwa ukusekelela,+Ku kulenga icinso ukubeeka ku mafuta,+No kulenga kube ifya kulya ifiikusha umutima wa muntunse umwina kufwa.+
16 Imiti ya kwa Yehova yaikuta,Imikedari ya mu Lebanone iyo alimbile,+
17 Umo ifyuni fipanga ifisansala.+Lelo kabaso, mu miti ya mikupri e mwaba ing’anda yakwe.+
18 Na mu mpili ishitali+ e mwikala ifibushi mabwe;+E lyo mu fimabwe e mwaba icubo ca bapati.+
19 Mwalenga umweshi ukuba ica kwishibilako inshita;+Akasuba na ko kalishiba bwino uko kawila.+
20 Ni mwe mulenga imfifi, ukuti kube ubushiku;+E mo inama mpanga shonse isha mu mutengo shenda.
21 Imisepela ya nkalamo ilebulumina ica kutakaanya+No kufwaya ifya kulya fya iko kuli Lesa.+
22 Ilyo akasuba katula+—shilabelamaNo kusendama umo shifisama.
23 Umuntunse aya ku mulimo+No kubomba umulimo wakwe mpaka icungulo.+
24 Imilimo yenu, mwe Yehova, ingi icine cine!+Mu mano yenu e mo yonse mwaibombeele.+Pano isonde ponse paba ifyo mwapanga.+
25 Na muli uyu bemba umukulu kabili uwapabuka,+Mwaba ifyenda ifishingapendwa,+Mwaba ifya mweo, ifinono ne fikalamba.+
26 E mupita amato;+Ing’wena+ na yo, mwaipangile ukuti ileangalamo.+
27 Fyonse ifi—ni mwe filolela+Ukuti mufipeele ifya kulya fya fiko mu nshita ya fiko.+
28 Ifyo mufipeela e fyo fitoola+—Ilyo mwafumbatula iminwe yenu—filalya ifisuma no kwikuta.+
29 Nga mwafisa icinso cenu, filasakamikwa.+Nga mwafumyapo umupashi wa fiko, filafwa,+Fyabwelela na ku lukungu.+
30 Nga mwatuma umupashi wenu, filapangwa;+Musangula no mushili ukuba cipya cipya.
31 Ubukata bwa kwa Yehova bwa muyayaya.+Yehova akasekelela mu milimo yakwe.+
32 Alolesha pe sonde, na lyo lyatutuma;+Akumya impili, na sho shafutumuna icushi.+
33 Nkembila Yehova inshita yonse iya mweo wandi;+Nkalalumbanya Lesa wandi pa filimba ilyo ndipo.+
34 Lekeni ifyo ntontonkanya pali ena fibe ifya kumusekesha.+Na ine, nkasekelela muli Yehova.+
35 Ababembu bonse bakafumishiwa pe sonde;+Na babifi, tabakabepo na kabili.+Cindika Yehova, we mweo wandi. Lumbanyeni Jah!+
Amafutunoti
^ Nangu, “ukuba ngo mwela.”
