Amalumbo 127:1-5
Ulwimbo lwa pa Kuninika. Ulwa kwa Solomone.
127 Yehova nga takuulile ing’anda,+Ninshi abakuula baicusha fye.+Yehova nga talindile umusumba,+Ninshi malonda aicusha fye ukulonda.+
2 Muicusha fye mwe bacelela ukwima,+No kwinuka ubushiku,+No kulya ifya kulya mu bucushi.+Lelo apeela utulo ku watemwikwa wakwe.+
3 Moneni! Abana bupyani ubufuma kuli Yehova;+Ubufyashi bwa mwi fumo cilambu.+
4 Ifyaba imifwi mu minwe ya mpalume,+E fyaba na bana aba ku bulumendo.+
5 Alipaalwa umuntu uwaisusha+ imifwi mu mufuko wakwe uwa mifwi.Tabakabe ne nsoni,+Pantu bakalanda na balwani mu mpongolo.