“Mulebila Imbila Nsuma!”
Ukulongana kwa Citungu Ukwa Nte sha kwa Yehova Ukwa mu 2024
Tatulipilisha • Tatusonkesha indalama
Ifikaba pa Kulongana
Ubushiku bwa Kubalilapo: Tukasambilila pa fishinka ifilanga ukuti imbila nsuma pali Yesu iyaba mu mabuuku ya Mbila Nsuma ya cine. Tukasambilila na pa fyo twingabomfya ifyaba muli aya amabuuku ya mu Baibo pali ino nshita.
Ubushiku Bwalenga Shibili: Finshi baseseme pa kufyalwa kwa kwa Yesu na pa fyali no kucitika ilyo ali umwaice, kabili fyafikilishiwe shani?
Ubushiku Bwalenga Shitatu: Mu lyashi lya mu Baibo ilileti, “Umulandu Tushitiinina Imbila Yabipa,” tukasambilila pa calenga abantu abengi nga nshi belatiina nangu ca kuti ifintu mu calo filebipilako fye.
Icangalo ca mu Baibo
Imbila Nsuma ya kwa Yesu: Vidio Na. 1
Ulubuuto lwa Calo
Yesu afyelwe mu cipesha amano kabili kwaliba na fimbi ifingi ifipapusha ifyacitike ilyo ali umwaice. Imfumu yalemufwaya pa kuti ingamwipaya kabili balimubutushishe ku Egupti. Mu kuya kwa nshita alipeseshe amano bakasambilisha abaishibishe ukusambilisha pali ilya nshita. Mukatamba ifi twalandapo e lyo na fimbi, muli vidio ya mbali shibili iyo tukatamba pa Bushiku bwa Kubalilapo no Bwalenga Shibili.
Tambeni amavidio yali pe samba pa kuti mwishibe ifyo ukulongana kwa uno mwaka kukaba
Finshi Ficitika pa Kulongana kwa Citungu?
Moneni ifyo ukulongana kwa citungu ukwa Nte sha kwa Yehova kuba.
Ukulongana kwa Citungu Ukwa Nte sha kwa Yehova Ukwa mu 2024 Ukuleti ‘Mulebila Imbila Nsuma!’
Ilelanda pa fikaba pa kulongana kwa uno mwaka.
Fimo Ifyo Tukatamba mu Cangalo ca mu Baibo Icileti: Ilyashi Pali Yesu no Mulimo Abombele
Abengi balishiba icipesha mano icacitike pa kuti Yesu afyalwe. Nomba finshi fyacitike ilyo ashilafyalwa na pa numa ya kufyalwa kwakwe?