Amalumbo 146:1-10
146 Lumbanyeni Jah!+Lumbanya Yehova we mutima wandi.+
2 Nkalumbanya Yehova ilyo ndi no mweo.+Nkalalumbanya Lesa wandi pa filimba ilyo ndipo.+
3 Mwitetekela bakankaala,+Nangu muntunse, uushingamupususha.+
4 Wafuma umupashi wakwe,+ abwelela ku mushili;+Ubushiku bulya bwine amatontonkanyo yakwe yaloba.+
5 Alipaalwa uo Lesa wa kwa Yakobo e kaafwa wakwe,+Uwaba ne subilo muli Yehova Lesa wakwe,+
6 Uwapangile umuulu ne sonde,+Bemba, na fyonse ifyabamo,+Uwa cishinka umuyayaya,+
7 Uupingwila abafyengwa,+Uupeela aba nsala ifya kulya.+Yehova akakula abakakwa.+
8 Yehova e ulenga impofu ukumona;+Yehova emya abawa;+Yehova atemwa abalungama.+
9 Yehova alinda abalebeshi;+Umwana wa nshiwa na mukamfwilwa alabapuupuutula,+Lelo inshila+ ya babifi alailufyanya.+
10 Yehova akaba imfumu umuyayaya,+Lesa obe, we Sione, akaba imfumu ku nkulo ne nkulo.+Lumbanyeni Jah!+
