“COVID-19 adimakɛlɛ kodiawu mɔɔ ihunhunli mmenii sʋ̃maa mɔɔ sikalɛ yɩ íni kɛnɩ nɩ iáhile kɛɛ ɩlɔ́kʋla ɩkɛɣa dɔkʋ̃ . . . Meti yɛkɔhʋla yekeziyeziye yɛ nwʋ yekediã kɛnɩ yɛkɛma adimakɛlɛ tanɩ bela mɔɔ ɩkɔhʋla ikezi eɣile be nɩ.”—Dr. Tedros Adhanom Ghebreyesus, ebani be mɔɔ ɩwɔ World Health Organization, May 22, 2023.

 Iluwa COVID-19 adimakɛlɛ kodiawu yɩ ti, ɩma mmenii sʋ̃maa nyia adwɩnɩ nu adimakɛlɛ azʋlɔtʋ. Asʋ̃ aɣanɩ nɩɩ pɔkɔdɩlɛ azʋkɔlɩyɛ azʋlɔtʋ nɩ ziyeziye bɔ nwʋ ma adimakɛlɛ mɔɔ ɩpɩndɩ ndɛndɛ, na bɔkɔhʋla po bɔkɔwʋwa yɛ wɔ nnɛ mmɩlɩ nu adimakɛlɛ azʋlɔtʋ mɔɔ ɩba yɛ zʋ nɩ a?

 Bayɩbʋlʋ yɩ kã aɣanɩ be mɔɔ ɩkɛva pɔkɔdɩlɛ mɔɔ yehyinyia nɩ kɛɣɩlɛ yɛ. Ɩkã kɛɛ “sʋlɔ Nyamɩnlɩ nɩ kebigyia bulombunlililɛ be,” anzɛnyɩɩ aɣanɩ be sʋlɔ. (Danɩyɛlɩ 2:44) Wɔ ɔzɔ aɣanɩ yɩ tumililɛ tʋ nɩ, “abiyela lɛ́kã kɛɛ: ‘Mʋ nwʋ ɩba mɩ.’” (Ayɩzaya 33:24) Abiyela kenyia pɔkɔdɩlɛ baaba dɩkɛɛ mmɩlantɩyɛ nɩɩ nɣɛdɛkɛ mmɩlɩ nu anwʋzɩzɩbɛ.—Dwoobu 33:25.