‘Bɔ Odwokɔba Nɩ Ɛlawulo!’
2024 Gyehova Dasɩvʋlɔmaa Bɛ Manlɩ-Avinli Ayiyialɩyɛ
Abiyela kʋla ba ebiye • Belédide kɔlɛhyɩnɩ
Egyimalilɛ Yɩ Abɔkɔ Abɔkɔ Zʋ
Yalɛ: Ɔkɔnwʋ dasɩlɛ mɔɔ ikile kɛɛ odwokɔ mɔɔ ɩfalɩ Gyisɛsɩ yɩ ɛbɩlawɔlɛ nwʋ mɔɔ Odwokɔba anla yɩ hanlɩ nɩ dɩ nɔhʋanlɛ. Ɔkɔnwʋ kezimɔ yekenyia ɔzɔ Bayɩbʋlʋ nu ndwokɔ yɩ zʋ mfasʋ wɔ nnɛ.
Fʋlɔ: Mɩnla yɛ bɛhyɛlɩ nwʋmɔ nkɔmɩ bɛvalɩlɩ Gyisɛsɩ yɩ awʋbɔ nɩɩ yɩ nnwuakula nu nwʋ a, na ɩɣalɩ numɔ amba a?
Bɔɔlɔ: Wɔ ndɛnɩ mɔɔ igyĩ Bayɩbʋlʋ zʋ mɔɔ ise “Sianti Mɔɔ Ye Kunlu Iáduli Odwokɔ Tanɩ Nwʋ” nu nɩ, ɔkɔnwʋ sianti mɔɔ mmenii abʋmɩ abʋmɩ sʋ̃maa zɛ tɩ nɣanlɩ kɛɛ bɛ ahʋnlɩnɩ dɔ bo kunlu na bɛlɛ anwʋlazʋ ɩávalɩ nwʋmɔ kɛɛ oyuwadɩ eyi idee salɛ nu nɩ.
Dɩlama Mɔɔ Ayiyialɩyɛ Nɩ Igyĩ Zʋ
Odwokɔba Mɔɔ Ɩfalɩ Gyisɛsɩ Nwʋ: Vidiyo 1
Oyuwadɩ Yɩ Hanyɩɩ Ankasa Nɩ
Nnwʋánlɩ ɔhʋanɩ mɔɔ boluwalɩ zʋ bɔwʋlɩ Gyisɛsɩ nɩ kɩnla ndwokɔ mɔɔ ɩyɛ asibɔnwʋ na ɩyɛ ɛyɛlɛ mɔɔ izizili wɔ yɩ nnwuakula nu nɩ nwʋ. Nɩ bulombunli wudivʋlɔ be pɛ kɛɛ ikũ yi, meti bɛ nɩɩ yɩ hɔlɩ Igyibiti. Aɣinzi nɩ, kezimɔ ihilehileli nɩ zili mmɛla ahilehilelɛmaa nɩ bɔ nwʋ. Yekehila vidiyo eyimmɔ nɩɩ vidiyo mɔɔ bɛhyɩhyɛ numɔ anwɩ̃ wɔ Yalɛ nɩɩ Fʋlɔ.
Kila vidiyo eyimmɔ mɔɔ ɩfalɩ ɔlʋbɔ eyi manlɩ-avinli ayiyialɩyɛ yɩ nwʋ nɩ
Mɩnla Yɛ Ɩkɔlɩ Ɔzʋlɔ Wɔ Yɛ Ayiyialɩyɛ Tʋ a?
Kehila mɔɔ ɔkɔhʋla ekehila yɩ ɔhʋanɩ wɔ Gyehova Dasɩvʋlɔmaa bɛ manlɩ-avinli ayiyialɩyɛ tʋ.
2024 Gyehova Dasɩvʋlɔmaa Bɛ Manlɩ-Avinli Ayiyialɩyɛ: ‘Bɔ Odwokɔba Nɩ Ɛlawulo!’
Kila mɔɔ yekozuma wɔ ɔlʋbɔ eyi ayiyialɩyɛ yɩ tʋ.
Dɩlama Yɩ Abɔkɔ Abɔkɔ Zʋ: Odwokɔba Mɔɔ Ɩfalɩ Gyisɛsɩ Nwʋ
Mmenii sʋ̃maa zi kezimɔ bɔwʋlɩ Gyisɛsɩ wɔ nnwʋánlɩ ɔhʋanɩ zʋ. Naasʋ̃ mɩnla asibɔnwʋ ndwokɔ yɛ izizili ansaana bɛbawʋ yɩ a? Na yɩ awʋbɔ mɛda sʋ̃ ɛ, mɩnla asibɔnwʋ ndwokɔ yɛ izizili a?