AZA VOLY MIAMBIN̈Y!
Mahaimaro Fo Tanora Avoany Aretintsain̈y: Ino Raha Koran̈iny Baiboly Momba Zen̈y?
Tamy tinainy 13 Fevrie 2023, nan̈ano tatitry momba fahasalaman̈a aratsain̈iny tanora amerikain Foibe Miady Aminy Aretin̈y, a Etazonỳ an̈y. Ambarany tatitry io fa mandilatra 40 isanjatony pianatra amy lise loso malahelo lava ndreky mahatsiaro tsisy fan̈antinan̈a.
Karaha ty nivolan̈iny Pr. Kathleen Ethier, direkterany sampandraharaha araiky amy foibe io, mikarakara fahasalaman̈any tanora ndreky pianatra: “Hitanay fa nahairatsy fo fahasalaman̈a aratsain̈iny tanora tan̈atiny folo taon̈o tafara tato zay. Kanefa niny tsaiky man̈angy mbala mahaimandombolombo fo. Mahaimaro fo tsaiky man̈angy mieritreritry hamono ten̈a, salakady misy foeky man̈andran̈a man̈ano zen̈y.”
Karaha ty volan̈iny tatitry io:
Tsaiky viavy 1 na mihoatra an̈atiny 10 (14 isanjato) niforsen̈a han̈ano firaisan̈a. Ho Pr. Ethier: “Ten̈a mampavozo mare mandiniky zen̈y fotony izikoa misy tsaiky viavy 10 hainao, mety araiky amindro, farafaheliny, efa nisy nan̈olan̈a.”
Efa ho tsaiky viavy 1 an̈atiny 3 (30 isanjato) tapakevitry hamono ten̈a.
Efa ho tsaiky viavy 3 an̈atiny 5 (57 isanjato) malahelo lava na tsisy fan̈antinan̈a.
Ten̈a mampalahelo tatitry aby zen̈y fotony tôkony ho fotoan̈a hamparavoravo ndreky hampasambatra fahatanoran̈a zen̈y. Ino han̈ampy tanora hiatriky problemo mahazo iro? Ino raha koran̈iny Baiboly?
Baiboly afaka man̈ampy tanora
Marin̈y ankitin̈y raha volan̈iny Baiboly fa “fotoan̈a sarotro tsy mora hatrefin̈y” ankitin̈y iain̈antsika amy zioty. (2 Timoty 3:1-5) Fa ndray zen̈y, misy torohevitry mety tsara amy Baiboly ao, sady afaka man̈ampy tanora antapitrisany erantany ho ravoravo nata iro miatriky raha sarotro. Diniha baka iro lahatsoratra misy torohevitry baka amy Baiboly aby ty:
Izikoa mieritreritry hamono ten̈a tanora araiky
Izikoa malahelo na kivy lava fo tanora araiky
Inona no Azoko Atao mba Tsy Hieritreretako Zavatra Mahakivy?
Inona no Hataoko mba Tsy Halahelo Be Intsony Aho? (kisarisary)
Izikoa misy olo mampijaly tanora araiky na misy olo kafiry izy aminy Internet ao
Ahoana Raha Misy Olona Ratsy Fanahy Amiko ao Amin’ny Internet?
Tsy Mila Miady Nefa Mandresy! (kisarisary)
Izikoa misy olo mankadala tanora araiky na efa nisy olo nan̈olan̈a izy
Inona no Tokony ho Fantatro Momba ny Fametavetana? Fizarana 1: Inona ny Fitandremana Tokony Hatao?
Inona no Tokony ho Fantatro Momba ny Fametavetana? Fizarana 2: Ahoana Raha Efa Niharan’izany Aho?
Baiboly afaka man̈ampy raimandreny
Misy torohevitry mety tsara koa amy Baiboly ao afaka han̈ampiany raimandreny zanakandro baka hahavita hiatriky problemo amy fiain̈ana. Diniha baka iro lahatsoratra misy torohevitry baka amy Baiboly aby ty:
Mety ho Tianao Koa
FAMPIANARAN̈A FOTOTRO AMY BAIBOLY
Nan̈ino Tsy Adosony Zan̈ahary Jaly Io?
Maro olo man̈ontany nan̈ino ma feno olo tsy fankatia ndreky raha manahiran̈a tany ty. Ten̈a mankahery valiny fan̈ontanian̈a aby io amy Baiboly ao.
FAMPIANARAN̈A FOTOTRO AMY BAIBOLY
Mety Hanjary Kamaradiny Zan̈ahary ma Atsika?
Letrizay, olo efa nahatsapa fa ilain̈a mahay azovy niasa iro. Baiboly afaka man̈ampy atsika hanjary kamaradiny Zan̈ahary. Raha voanalohany mila ataonolo tihikamarady amy Zan̈ahary, mianatra azovy an̈aran̈any Zan̈ahary.
FAN̈ONTANIAN̈A VALIANY BAIBOLY
Misy Volan̈a Mety Hankahery Anao ma An̈atiny Baiboly Io?
Baiboly io nankahery olo maro niatriky raha sarotro ndreky nijaly jery.
RAHA MOMBA ZAHAY
Mangataka Vangian̈a
Miaraha mandiniky fan̈ontanian̈a amy Baiboly aminay, na mianara raha maromaro momba Vavolombelon̈o Jehovah.
