ამტკიცენსო მესიაშენ რაგადებულ წინასწარმეტყველებეფ, ნამდა იესო რდჷ მესია?
მუ პასუხის მარზენა ბიბლია:
ქო. დედამიწას ცხოვრებაშ დროს იესოწკუმა, მუჭოთ მესია დო მარსხებელწკუმა, დაკავშირებით ბრელ წინასწარმეტყველებაქ შისრულ (დანიელი 9:25; 1 იოანე 4:14). მესიაწკუმა დაკავშირებულ წინასწარმეტყველებეფქ იესოშ ღურაშ უკულ ხოლო შისრულ (ფსალმუნი 110:1; საქმეები 2:34—36).
მუს ნიშნენს „მესია“?
ებრაულ სიტყვა „მაშიახ“ (მესია) დო თის მეურენ ფერ ბერძნულ სიტყვა „ქრისტოს“ (ქრისტე) „ცხებულს“ ნიშნენს. ათეშენ, „იესო ქრისტე“ ნიშნენს, ნამდა იესო „ცხებულ“ დო „მესია“ რე.
ბიბლიურ დროს, მუჟამსით მიდგაინს განსაკუთრებულ ძალაუფლებას არზენდეს, დუდის ზეთის გიობუნდეს (ლევიანები 8:12; 1 სამუელი 16:13). ღორონთიქ იესოს უდიდაშ ძალაუფლება მეჩჷ, თინა მესიათ დანიშნჷ (საქმეები 2:36). მარა თიშ დუდშა ზეთ ვეგუბუნალ, თეშ მანგიორო ღორონთიქ თინა წმინდა შურით გიშეგორ (მათე 3:16).
შეიოლებერ რენო, მესიაწკუმა დაკავშირებულ წინასწარმეტყველებეფქ ართშე უმოს მეტ პიროვნებაშა შისრულკო?
ვარ. მუჭოთ კითიშ ანაბეშტ ოკუთვნჷ ხვალე ართ პიროვნებას, თეშ მესიაწკუმა დაკავშირებით ბიბლიას ინოჭარილ წინასწარმეტყველებეფქ ხოლო ართ პიროვნებაშა, ანუ ქრისტეშა ოკო შისრულკო. მარა ბიბლია მაფრთხილენა, ნამდა: „გამკორჩქინდუნა ტყურაქრისტეეფ დო ტყურაწინასწარმეტყველეფ დო გაკეთენა დიდ სასწაულეფს დო გასაკვირ საქმეეფს, მუშენდა, შეიალებენან-და, ღორონთიშ გიშაგორილეფ მიოჩილითუან“ (მათე 24:24).
შეიოლებერ რენო, მესიაქ მომავალს გამკორჩქინდას?
ვარ. ბიბლიაქ იწინასწარმეტყველ, ნამდა მესია ისრაელიშ მეფე დავითიშ გამნარყ იჸუაფუდ (ფსალმუნი 89:3, 4). მარა ებრაელეფიშ გენეალოგიურ ნუსხაქ, ნამუთ დავითიშ პერიოდის ოხუ, მუჭოთ იძირე, ახ.წ. 70 წანას გენადგურ, მუჟამსით რომაელეფქ იერუსალიმ ხეშა ქეშიჸოთეს. a თე დროშე მოჸუნაფილ შეიოლებერ ვა რე, მითინქ დამტკიცას, ნამდა დავითიშ გამნარყ რე. მარა თეშ გინაწონს, იესოშ დროს დიო ხოლო ხეშამალაფარ რდჷ გენეალოგიურ ნუსხა დო თიშ ნტერეფს ხოლო ჯერდეს, ნამდა იესო მართალო დავითიშ გამნარყ რდჷ (მათე 22:41—46).
მესიაწკუმა დაკავშირებულ მუსხი წინასწარმეტყველება ინოჭარ ბიბლიას?
შეიოლებერ ვა რე, ზუსტ რაოდენობაშ გაგება. მესიაწკუმა დაკავშირებულ ნამთინე ბიბლიურ მონაკვეთის ინოჭარილ წინასწარმეტყველებაშ კოროცხუაშ მეთოდეფ განსხვავებულ რე. მაგალთო, ესაიაშ 53:2—7-ის მესიაწკუმა დაკავშირებით წინასწარმეტყველებაშ მუსხირენ დეტალ რე ინოჭარილ. ნამთინექ შილებე თე მთლიან მონაკვეთ ართ წინასწარმეტყველებათ მირჩქინას, მარა ნამთინექ შილებე თაშ გიშართილ თითოულ ფრაზა ცალკე წინასწარმეტყველებათ მირჩქინას.
იესოქ მესიაწკუმა დაკავშირებულ მუსხირენ წინასწარმეტყველება შეასრულ
წინასწარმეტყველება |
ინოჭარილ რე |
შისრულ |
---|---|---|
აბრაამიშ გამნარყ |
(დაბადება 22:17, 18) |
(მათე 1:1) |
აბრაამიშ ქომოლსქუაშ, ისაკიშ გამნარყ |
(დაბადება 17:19) |
(მათე 1:2) |
ქიდებადებუდ იუდაშ ტომს |
(დაბადება 49:10) |
|
იჸუაფუდ დავითიშ სამეფო ხაზშე |
(ესაია 9:7) |
(მათე 1:1) |
ქეშეძინებუდ ქალწულს |
(ესაია 7:14) |
|
დებადებუდ ბეთლემს |
(მიქა 5:2) |
|
გიადვალუდ ემანუელ b |
(ესაია 7:14) |
|
ვეჸუაფუდ შხვეფშე განსხვავებულ |
(ესაია 53:2) |
(ლუკა 2:7) |
თიშ დაბადებაშ უკულ დოჸვილუნდეს ბაღანეფს |
(იერემია 31:15) |
|
ქიმიშ ეგვიპტეშე |
(ოსია 11:1) |
|
გიადვალუდ ნაზარეთელ c |
(ესაია 11:1) |
|
თის შარას მუმზადენდეს |
(მალაქია 3:1) |
|
ახ.წ. 29 წანას ცხებულო გინირთუდ d |
(დანიელი 9:25) |
|
ღორონთ თის მუშ ქომოლსქუათ აღიარენდჷ |
(ფსალმუნი 2:7) |
(საქმეები 13:33, 34) |
მანგარო ეჸოროფებუდ ღორონთიშ ჸუდე |
(ფსალმუნი 69:9) |
|
გაცხადენდჷ სახიოლო ამბეს |
(ესაია 61:1) |
|
იქადაგენდჷ გალილეას |
(ესაია 9:1, 2) |
|
მოსეცალო, თინა ხოლო გაკეთენდჷ სასწაულეფს |
(კანონი 18:15) |
(საქმეები 2:22) |
მოსეცალო, თინა ხოლო ღორონთიშ აზრეფს გაცხადენდჷ |
(კანონი 18:18, 19) |
|
ბრელს დასქილიდუანდჷ ლახალაშე |
(ესაია 53:4) |
|
ყურადღებას მუშ დუდშა ვეგნიღანდჷ |
(ესაია 42:2) |
|
გურშა მიღანდჷ შხვეფიშ გაჭირებას |
(ესაია 42:3) |
|
გეგმირჩქინანდჷ სამართლიანობას |
(ესაია 42:1, 4) |
|
იჸუაფუდ ჯგირ ელმაჩამალ |
(ესაია 9:6, 7) |
|
გაცხადენდჷ ღორონთიშ სახელს |
(ფსალმუნი 22:22) |
|
ქორაგადანდჷ მაგალითეფით |
(ფსალმუნი 78:2) |
|
იჸუაფუდ წინამძღოლ |
(დანიელი 9:25) |
|
ბრელ ვეგმირჩქინანდჷ თიშ რწმენას |
(ესაია 53:1) |
|
ნამთინეშო იჸუაფუდ დაბრკოლებაშ ქუა |
(ესაია 8:14, 15) |
|
ადამიანეფ ვემიღენდეს |
(ფსალმუნი 118:22, 23) |
(საქმეები 4:10, 11) |
უმიზეზოთ გიჯოგუანდეს |
(ფსალმუნი 69:4) |
|
ვირს გიმახუნელო გემნიშ იერუსალიმშა |
(ზაქარია 9:9) |
|
ბაღანეფ თის განადიდენდეს |
(ფსალმუნი 8:2) |
|
ქიმიშ იეჰოვაშ სახელით |
(ფსალმუნი 118:26) |
|
ოჭიშის ქურთინუანდეს თინეფ, მიდგას ონდუდ |
(ფსალმუნი 41:9) |
|
30 ვარჩხილშა გეგმოჩანდეს e |
(ზაქარია 11:12, 13) |
|
მეგობრეფ მიოტენდეს |
(ზაქარია 13:7) |
|
თიშ წინააღმდეგ ტყურა მოწმეეფ გეგშეშეს |
(ფსალმუნი 35:11) |
|
მუთუნს ვა უწინდჷ თინეფს, მით ბრალ გედვანდჷ |
(ესაია 53:7) |
|
ქუგაფურტინანდეს |
(ესაია 50:6) |
|
დუდის ქუდუჭყანდეს მეგამას |
(მიქა 5:1) |
|
გოროზგუნდეს |
(ესაია 50:6) |
|
ვეშეწინააღმდეგებუდ მუშ მოწინააღმდეგეეფს |
(ესაია 50:6) |
|
ძალაუფლება უღდესინ თინეფ თიშ წინააღმდეგ მირაგადუანდეს |
(ფსალმუნი 2:2) |
|
ხე დო კუჩხეფს ბოძშა ლისმარით ქიმკუჭკადანდეს |
(ფსალმუნი 22:16) |
|
თიშ ბარგის გენაწილენდეს |
(ფსალმუნი 22:18) |
|
ცოდვილო მირჩქინანდეს |
(ესაია 53:12) |
|
შეურაცხყოფას ქიმიორინუანდეს, დამცირენდეს |
(ფსალმუნი 22:7, 8) |
|
ცოდვილეფიშ გურშენ დეტანჯებუდ |
(ესაია 53:5, 6) |
(1 პეტრე 2:23—25) |
თეშ იძირედკონ იჸიდ, ითამ ღორონთიქ მიოტუ |
(ფსალმუნი 22:1) |
|
ძმარს ქიმეჩანდეს ოშუმალო |
(ფსალმუნი 69:21) |
|
ღურაშ წოხოლე ქუმაჸუმენედ |
(ფსალმუნი 22:15) |
|
ღორონთის ქიმიანდენდჷ მუშ სიცოცხლეს |
(ფსალმუნი 31:5) |
|
დათმენდჷ მუშ სიცოცხლეს |
(ესაია 53:12) |
|
გიშაჸიდირალით ცოდვეფშე გეგშეჸიდენდჷ ადამიანეფს |
(ესაია 53:12) |
|
ართ ძვალ ხოლო ვეგნუტირხუდ |
(ფსალმუნი 34:20) |
|
დოჸვილუნდეს |
(ზაქარია 12:10) |
|
ქონებიერეფწკუმა ართო დასაფლენდეს |
(ესაია 53:9) |
|
გეთელებუდ |
(ფსალმუნი 16:10) |
(საქმეები 2:29—31) |
იესოშ გიმმაჩამალიშ მანგიორს დოგორუნდეს |
(ფსალმუნი 109:8) |
(საქმეები 1:15—20) |
ღორონთიშ მარძგვანშე დოზოჯუნდჷ |
(ფსალმუნი 110:1) |
(საქმეები 2:34—36) |
a მაკ-კლინტონიშ დო სტრონგიშ ენციკლოპედიას რაგადებულ რე: „მუთუნნერ ეჭვ ვა არსებენს, ნამდა ებრაელეფიშ საგვარეულო ნუსხაქ იერუსალიმიშ დონთხაფაშ დროს გენადგურ დო ვართ ხოლო თეიშახ“.
b ებრაულ სახელ ემანუელ ნიშნენს „ღორონთ რე ჩქინწკუმა“, მუთ ჯგირო ოძირანს იესოშ, მუჭოთ მესიაშ როლს. დედამიწას ცხოვრებაშ დროს იესოქ მუშ საქმეეფით დამტკიც, ნამდა ღორონთ ირიათო მუშ მსახურეფწკუმა რე (ლუკა 2:27—32; 7:12—16).
c გამოთქმა „ნაზარეთელ“ მოურს ებრაულ სიტყვაშე ნეცერ დო ნიშნენს „ყლორტის“.
d ბიბლიურ ქრონოლოგიაშ თანახმათ მესიაქ ახ.წ. 29 წანას ოკო ქუმორთკო. მეტ ინფორმაციაშ მიოღებელო ქოძირით სტატია „მუჭო რე წინასწარ რაგადებულ დანიელიშ წიგნის მესიაშ მოულა?“.
e თე წინასწარმეტყველება ბიბლიაშ წიგნ „ზაქარიას“ რე მოჩამილ, მარა ბიბლიაშ მაჭარალ მათექ თქუ, ნამდა: „შისრულ წინასწარმეტყველ იერემიაშ პიჯით რაგადებულქ“ (მათე 27:9). მუჭოთ იძირე, წიგნეფიშ კრებულ, ნამდგას „წინასწარმეტყველებეფიშ წიგნეფით“ იჩინენდეს, მინშა იერემია წინასწარმეტყველიშ წიგნით იჭყაფუდ (ლუკა 24:44). ათეშენ, მუჟამსით მათექ წინასწარმეტყველ იერემია მიშინუ, იგულისხმჷ წიგნეფიშ კრებულ, მუდგაშა წიგნ „ზაქარია“ ხოლო მიშეშ.