Pesalemo 2:1-12
2 He koʼe ʼe gatutu te ʼu puleʼaga,Pea mo muhumuhu* te hahaʼi ki he meʼa noa?
2 ʼE malaga ake te ʼu hau ʼo te kelePea ʼe fakatahitahi* te hahaʼi maʼu tuʼulagaKe natou fakafeagai kia Sehova pea mo tana fakanofo.*
3 ʼE natou ui: “Tou motuhi te ʼu seini,Pea ke tou veteki ʼonā maea!”
4 ʼE kata anai ia Ia ʼae ʼe ʼafio ʼi te lagi,ʼE vaʼi anai natou e Sehova.
5 ʼI te temi ʼaia, ʼe palalau anai kia natou ʼi tona hauhau,Pea ʼe natou matataku anai ʼuhi ko te kovi ʼo tona hauhau,
6 ʼI tana ui ʼae: “Kua au fakanofo toku hauʼI Sione, toku moʼuga taputapu.”
7 ʼE au fakaha anai te lao ʼa Sehova.Neʼe ina ui mai: “Ko koe toku ʼalo,Pea kua au liliu ʼi te ʼaho nei ko tau tamai.
8 Kapau ʼe ke kole mai kia te au, ʼe au foaki atu anai te ʼu puleʼaga ko hou tofiʼa,Pea ʼe ke maʼu anai te ʼu potu taupotu ʼo te kele.
9 ʼE ke maumauʼi anai natou ʼaki he tokotoko ukamea,ʼEi, ʼe ke maumauʼi anai natou ohage ko he ipu kele.”
10 Koia ʼi te temi nei, ʼu hau, ke kotou fakasiosio poto.Pea ke kotou tali te fakatonutonu,* ʼu tuʼi fakamau ʼo te kele!
11 Kotou tauhi mo manavasiʼi kia Sehova,Kotou fakafiafia mo tekelili ʼi ʼona muʼa.
12 Kotou fakaʼapaʼapa* ki te ʼalo, naʼa ita anai te ʼAtua* kia koutouPea mo kotou mamate ai,*Koteʼuhi ʼe ita vave.
Manuʼia ia natou fuli ʼae ʼe fenonoʼi ʼi te ʼAtua!
Nota ’i te lalo pasina
^ Peʼe “metitasio.”
^ Peʼe “felogoi.”
^ Peʼe “tana Kilisito.” Vakaʼi te kupu “Fakanofo” ʼi Te ʼu Kupu.
^ Peʼe “fakalogo ki te fakatokaga.”
^ Hep. “ʼuma.”
^ Hep. “naʼa ita anai.”
^ Peʼe “mamate mamaʼo mai te ala,” ʼe fakaʼuhiga ki te ala ʼo te faitotonu.