Taʼaga Lea 24:1-34
24 ʼAua naʼa ke maheka ki te kau agakovi,Pea ʼaua naʼa ke fia fakatahi mo natou,
2 He ʼe fakakaukauʼi e ʼonatou loto te agamalohi,Pea ʼe natou palalau ki ni fakatuʼutuʼu kovi ʼae ʼe natou fia fakahoko.
3 ʼE laga he fale* ʼuhi ko te poto,Pea ʼe tuʼu malohi ʼuhi ko te fakasiosio tonu.
4 ʼE fakafonu e te ʼatamai malama ʼona koga faleʼAki ni koloa kehekehe mo matalelei.
5 ʼE malohi he tagata poto,Pea ʼuhi ko te ʼatamai malama, ʼe tuputupu ai tona malohi.
6 ʼE maʼuhiga te poto ’i te takitaki* moka hoko he tau,Pea ʼe maʼu te haofaki* ʼi te lahi ʼo te kau faitokoni.
7 ʼE mole maʼu e te vale te poto moʼoni,Pea ʼe mole palalau ia ʼi te matapa ʼo te kolo.
8 Ko ia ʼae ʼe ina fakatuʼutuʼu ke ina fai te meʼa ʼae ʼe kovi,ʼE lau anai ia ʼe faiva ʼi te kaka.
9 ʼE iku ki te agahala te ʼu fakatuʼutuʼu kaka ʼa te vale,Pea ʼe fehiʼaʼinaʼi ia ia ʼae ʼe vava.
10 Kapau ʼe ke lotovaivai ʼi te temi mamahi,ʼE mole lahi anai tou malohi.
11 Haofaki ia natou ʼae ka ʼave ʼo matehi,Pea tokoni kia natou ʼae ka ʼave ʼo tamateʼi.
12 Kapau ʼe ke ui: “Neʼe mole matou iloʼi he meʼa,”
ʼE mole iloʼi koa ʼau manatu e ia ʼae ʼe ina sivisivi te ʼu loto?*
ʼEi, ʼe iloʼi anai e ia ʼae ʼe ina sioʼi koe,Pea ʼe ina liufaki anai ki te takitokotahi ʼo mulimuli ki ʼana gaue.
13 Siʼoku foha, kai te meli he ʼe lelei,ʼEi, ʼe huʼa malie ia.
14 Ke ke iloʼi ʼe toe fua lelei feia pe mo te poto kia koe.
Kapau ʼe ke maʼu, ʼe lelei anai tou ka haʼu,Pea ʼe iku lelei anai tau ʼamanaki.
15 ʼAua naʼa ke agakovi ʼo nono ovi ki te ʼapi ʼo te tagata faitotonu moʼona ʼohofi.ʼAua naʼa ke maumauʼi tona maloloʼaga.
16 ʼE feala ke toka tuʼa fitu te tagata faitotonu kae ʼe toe tuʼu ake anai ia.ʼE mole tatau ia mo te tagata agakovi ʼae ʼe tukia ʼi te malaʼia.
17 Ka toka tou fili ʼaua naʼa ke fiafia,Pea ka tukia ʼaua naʼa fiafia tou loto,
18 Naʼa sio ki ai ia Sehova pea ita,Pea ʼe mole Ina fakato anai tona ita kia ia.*
19 ʼAua naʼa ke ita ʼuhi ko te kau agakovi,Pea ʼaua naʼa ke maheka kia natou,
20 He ʼe mole he ka haʼu kia natou ʼae ʼe agakovi.ʼE mate anai te malama taki ʼo te kau agakovi.
21 Siʼoku foha, fakaʼapaʼapa lahi kia Sehova mo te hau.
ʼAua naʼa ke fakatahi mo te kau agatuʼu,*
22 Koteʼuhi ʼe hoko fakapunamaʼuli anai kia natou te malaʼia.
Pea ʼe mole iloʼi te faʼahiga tautea ʼae ka nā* fakahoko kia natou.
23 Neʼe toe fai te ʼu palalau ʼaeni e te kau popoto:
ʼE mole tonu ke ke fakapalatahi ʼi te faifakamau.
24 Ko ia ʼae ʼe ina ui ki te tagata agakovi: “ ʼE ke faitotonu,”
ʼE laukoviʼi anai e te hahaʼi pea ʼe valokiʼi e te ʼu puleʼaga.
25 Kae ʼe fua lelei anai kia natou ʼae ʼe natou fakatonutonuʼi,ʼE natou maʼu tapuakina anai.
26 ʼE faʼufua te hahaʼi kia ia ʼae ʼe tali fakahagatonu.*
27 Fakatuʼutuʼu ʼau gaue ʼae ʼi tuʼa, pea teuteuʼi ia meʼa fuli ʼi te ʼu gaueʼaga.Hili ia pea ke laga tou fale.*
28 ʼAua naʼa ke tukugakoviʼi tou tatau kae mole hona tupuʼaga.
ʼAua naʼa ke fakaʼaogaʼi ʼou laugutu moʼo fakahalaʼi ʼo he tahi.
29 ʼAua naʼa ke ui: “ ʼE au fai anai ohage pe ko tana fai mai.ʼE au liufaki age anai te meʼa ʼae ʼe tuha mo ia.”*
30 Neʼe au fakalaka ʼo ovi ki he gaueʼaga ʼa te tagata pikoʼelo,ʼO ovi ki he gaueʼaga vite ʼa he tagata ʼe mole aga fakapotopoto.
31 Neʼe au sio kua vaoa.Kua mafola ai te vao talatala,
Pea kua holo te kaupa maka.
32 Neʼe au sioʼi te aluʼaga ʼaia pea neʼe au fakakaukauʼi.ʼI taku sio ki ai, neʼe au toʼo mai ai te ako ʼaeni:
33 ʼAi pe hau kiʼi moe, hau kiʼi tulemoe,ʼAi pe hau kiʼi ʼukuma ke ke malolo,
34 Pea ʼe hoko fakafokifa anai kia koe te masiva ohage ko he tagata kaihaʼa,ʼEi, ʼe hoko fakafokifa anai kia koe te fakaʼofaʼofa ohage ko he tagata kaihaʼa ʼe toʼo mahafu.
Nota
^ Peʼe “loto fale.”
^ Peʼe “ni tokoni fakapotopoto.”
^ Peʼe “ ʼe fua lelei.”
^ Peʼe “te ʼu tupuʼaga ʼo tau aga.”
^ ʼE fakaʼuhiga ki te fili.
^ Peʼe “mo natou ʼae ʼe natou fia fai ni fetogi.”
^ ʼE fakaʼuhiga kia Sehova pea mo te hau.
^ Peʼe lagi “Ko he tali fakahagatonu, ʼe hage ko he faʼufua.”
^ Peʼe “ke kamata faʼu tou kiʼi famili.”
^ Peʼe “ ʼae neʼe ina fai mai.”