Isaias 48:1-22
48 Pamatii ini, O panimalay ni Jacob,Kamo nga natawag ha iyo kalugaringon ha ngaran ni Israel+Ngan nagtikang ha katubigan han* Juda,Kamo nga nanunumpa ha ngaran ni Jehova+Ngan natawag ha Dios han Israel,Bisan kon diri ha kamatuoran ngan katadongan.+
2 Kay gintatawag nira an ira kalugaringon ha ngaran han baraan nga syudad+Ngan nasarig hira ha bulig han Dios han Israel,+Nga an ngaran amo hi Jehova han mga hugpo.
3 “An naglabay* nga mga butang iginsumat ko ha imo hadto pa.
Ginawas ito ha akon mismo baba,Ngan iginpahibaro ko ito.+
Ginios dayon ako, ngan nahitabo ito.+
4 Tungod kay maaram ako nga matig-a gud an imo ulo—Nga puthaw nga litid an imo liog ngan tumbaga* an imo agtang+—
5 Ginsumatan ko ikaw hadto pa.
Antes ito mahitabo, iginpabati ko ito ha imo,Basi diri ka makasiring, ‘An akon idolo an nagbuhat hito;An akon inukit nga imahen ngan an akon metal nga imahen* an nagsugo hito.’
6 Nabatian ngan nakit-an mo ito ngatanan.
Diri mo* ba ito ipapasamwak?+
Tikang yana nagpapahibaro ako ha imo hin bag-o nga mga butang,+Mga sekreto nga gintipigan hin maopay nga waray mo hibaroi.
7 Yana la ini ginlalarang, ngan diri hadto pa,Mga butang nga waray mo pa gud mabatii antes hini nga adlaw,Basi diri ka makasiring, ‘Kitaa! Maaram na ako hini.’
8 Diri, waray ka makabati,+ waray ka mahibaro,Ngan ha naglabay an imo mga talinga waray abrihi.
Kay maaram ako nga malimbong ka gud,+Ngan gintatawag ka nga paratalapas tikang ha katawo.+
9 Kondi para ha akon ngaran pupugngan ko an akon kasina;+Para ha akon mismo kadayawan pupugngan ko an akon kalugaringon ngada ha imo,Ngan diri ko ikaw bubungkagon.+
10 Kitaa! Ginputli ko ikaw, pero diri pariho han pagpurog ha silber.+
Ginsarihan* ko ikaw dida ha turunawan nga hudno han pag-antos.+
11 Para ha akon ngaran, para ha akon ngaran magios ako,+Kay itutugot ko ba nga pasiparahan ako?+
Diri ko iginhahatag an akon himaya ha bisan kan kanay.*
12 Pamati ha akon, O Jacob, ngan Israel, nga akon gintawag.
Ako an Dios tikang pa hadto.+ Ako an una; ako liwat an ultimo.+
13 An akon mismo kamot an nagpahamutang han pundasyon han tuna,+Ngan an akon too nga kamot an nagbitad han kalangitan.+
Kon gintatawag ko hira, urosa hira nga natindog.
14 Pagtirirok kamo, kamo ngatanan, ngan pamati.
Hin-o ha ira an nagsumat hini nga mga butang?
Hinigugma hiya ni Jehova.+
Bubuhaton niya an Iya karuyag kontra ha Babilonya,+Ngan an iya butkon maabot kontra ha mga Caldeo.+
15 Ako mismo an nagyakan, ngan gintawag ko hiya.+
Gindara ko hiya, ngan an iya dalan magigin malampuson.+
16 Daop kamo ha akon, ngan pamatii ini.
Tikang gud ha tinikangan waray ako magyakan hin patago.+
Tikang ha panahon nga nahitabo ito nakadto ako.”
Ngan yana hi Jehova nga Soberano nga Ginoo nagsugo ha akon, ngan* ha iya espiritu.
17 Ini an siring ni Jehova, an imo Paratubos, an Baraan nga Dios han Israel:+
“Ako, hi Jehova, an imo Dios,An nagtututdo ha imo basi magpahimulos ka,*+An naggigiya ha imo ha dalan nga sadang mo laktan.+
18 Kon mamati ka la unta ha akon mga sugo!+
An imo kamurayawan magigin pariho hin salog+Ngan an imo katadongan magigin pariho han mga balud ha dagat.+
19 An imo tulin* magigin sugad kadamu han mga baras.+
An ira ngaran diri gud mauutod o mapupoo tikang ha akon atubangan.”
20 Gawas kamo tikang ha Babilonya!+
Palagiw kamo tikang ha mga Caldeo!
Isumat ito nga may malipayon nga pagsinggit! Ipasamwak ito!+
Ipahibaro ito tubtob ha mga sidsid han tuna.+
Siring kamo: “Gintubos ni Jehova an iya surugoon nga hi Jacob.+
21 Waray hira uhawa han gintugwayan niya hira ha paglatas ha guba nga mga lugar.+
Nagpagawas hiya hin tubig tikang ha bato para ha ira;Nagpagutak hiya hin bato ngan nagpabugwak hin tubig tikang hito.”+
22 “Waray kamurayawan para ha magraot,” nasiring hi Jehova.+
Mga footnote
^ O posible nga “nagtikang kan.”
^ Lit., “siyahan.”
^ Ha Ingles, copper.
^ O “hinurma nga rebulto.”
^ Lit., “niyo.”
^ O “Gin-usisa.” O posible nga “Ginpili.”
^ O “Diri ko iginpapaangbit an akon himaya ha bisan kan kanay.”
^ O “pati na.”
^ O “para ha imo kaopayan.”
^ Lit., “binhi.”
