Isaias 35:1-10
35 An kamingawan ngan an uga nga tuna magrarayhak,+Ngan an disyerto nga kapatagan magkakalipay ngan mamumukad pariho han tanom nga safron.+
2 Sigurado nga mamumukad ito;+Magrarayhak ito ngan masinggit tungod ha kalipay.
An himaya han Lebanon ihahatag ngada hito,+An kadungganan han Carmel+ ngan han Saron.+
Makikita nira an himaya ni Jehova, an kadungganan han aton Dios.
3 Pakusga an magluya nga mga kamot,Ngan parig-ona an mga tuhod nga nangungurog.+
4 Sidnga an mga nababaraka an kasingkasing:
“Magin marig-on kamo. Ayaw kahadlok.
Kitaa! An iyo mismo Dios maabot nga may pagbulos,An Dios maabot nga may sirot.+
Maabot hiya ngan magtatalwas ha iyo.”+
5 Hito nga panahon mapupukrat an mga mata han mga buta,+Ngan maaabrihan an mga talinga han mga bungol.+
6 Hito nga panahon an piay malukso pariho han bugsok,+Ngan an dila han ngula masinggit tungod ha kalipay.+
Kay an katubigan mabugwak ha kamingawan,Ngan magkakaada mga sapa ha disyerto nga kapatagan.
7 An tuna nga nauga ha kapaso magigin tubigon nga lugar nga puno hin tangbo,Ngan an mamara nga tuna magkakaada hin mga burabod han tubig.+
Ha mga luruk-an nga ginpapahuwayan hadto han mga tsakal,*+Magkakaada berde nga mga banwa ngan mga tangbo ngan mga papiro.
8 Ngan magkakaada usa nga kalsada dida hito,+Oo, usa nga dalan nga gintatawag nga Dalan han Pagkabaraan.
An mahugaw nga tawo diri maagi dida hito.+
Iginreserba ito para ha tawo nga naglalakat ha dalan;Waray lurong nga mahisisimang ngada hito.
9 Waray leon nga mahingangada hito,Ngan waray magpintas nga mga hayop nga makada hito.
Diri hira makikita dida hito;+An mga ginlukat gud la an maglalakat dida hito.+
10 An mga gintubos ni Jehova mabalik+ ngan makadto ha Zion nga may malipayon nga pagsinggit.+
An waray kataposan nga kalipay magigin korona ha ira ulo.+
Magrarayhak hira ngan magkakalipay,Ngan an kasubo ngan panhayhay mapalagiw.+
Mga footnote
^ Ha Ingles, jackal.
