Galatiyaliklarga 5:1-26
5 Aynan shunday erkinlik uchun Masih bizni ozod qildi. Shu sababli mahkam turinglar+ va yana qullik bo‘yinturug‘i ostida bo‘lib qolmanglar+.
2 Mana men, Pavlus, sizlarga gapiryapman: agar sizlar sunnat qilinsangizlar, Masihdan sizlarga foyda bo‘lmaydi+.
3 Bundan tashqari, sunnat qilingan har bir kishiga men tag‘in eslatyapmanki, u Tavrotga to‘liq rioya qilishi shart+.
4 Qonun orqali odil deb e’lon qilinishga intilayotgan sizlar kim bo‘lishingizdan qat’i nazar+, Masihdan ayrilib uning inoyatidan mahrum bo‘ldingizlar.
5 Biz esa Tangrining nazarida odil bo‘lishimizni sabrsizlik bilan kutyapmiz va bunga faqat muqaddas ruh va imonimiz orqali yetishish mumkin.
6 Iso Masih bilan birlikda bo‘lganlar uchun sunnat ham, sunnatsizlik ham hech qanday ahamiyatga ega emas+, faqat muhabbat orqali amal qilayotgan imon ahamiyatga ega.
7 Sizlar yaxshi yugurayotgan edingiz-ku+. Bundan buyon ham haqiqatga itoat qilishingizga sizlarga kim xalal berdi?
8 Bunday e’tiqod sizlarni da’vat etgan Xudodan emas.
9 Ozgina xamirturush butun xamirni achitadi+.
10 Men aminmanki, Hazratimiz bilan birlikda bo‘lgan sizlar+ boshqacha fikr yuritmaysizlar, ammo sizlarga qiyinchilik tug‘dirayotgan+ kim bo‘lishidan qat’i nazar, tegishli jazosini oladi.
11 Menga kelsak, birodarlar, agar men ilgarigidek sunnat qilish kerakligini xabarlaganimda, unda ta’qib qilingan bo‘larmidim? Axir o‘shanda azob ustuni*+ ular uchun to‘siq bo‘lmasdi-ku.
12 Sizlarni yo‘ldan urmoqchi bo‘lganlar menga desa o‘zlarini bichishmaydimi*?!
13 Siz birodarlar ozodlikka da’vat etilgansizlar. Lekin bu ozodlikdan tana istaklarini qondirish imkonidek foydalanmanglar+. Aksincha, bir-biringizga sevgi bilan xizmat qilinglar+.
14 Butun Tavrot ushbu bitta amrda mujassam bo‘lgan: «Yaqiningizni o‘zingizni sevgandek seving»+.
15 Ammo bir-biringizni tishlab, g‘ajisangizlar+, ehtiyot bo‘linglar, tag‘in bir-biringizni yeb bitirmanglar+.
16 Sizlarga aytyapman: muqaddas ruhga muvofiq yo‘l tutinglar+, shunda tana istaklarini qondirmaysizlar+.
17 Chunki tana o‘z istaklari bilan muqaddas ruhga, ushbu ruh esa tanaga qarshidir. Ular bir-biriga qarama-qarshi ekan, sizlar istamaganingizni qilasizlar+.
18 Agar muqaddas ruhga muvofiq yo‘l tutsangizlar, unda qonun hukmi ostida emassizlar.
19 Tana ishlari aniq-ravshandir: zino*+, ifloslik, axloqsiz xulq*+,
20 butparastlik, sehr-jodu*+, adovat, janjalkashlik, rashk-hasad, darg‘azab bo‘lish, talash-tortish, bo‘linishlar, mazhablar yaratish,
21 hasad, ichkilikbozlik+, aysh-ishrat va shularga o‘xshagan ishlar+. Ilgari ogohlantirganimday, yana ogohlantiryapman: bunday ishlarni qiluvchilar Xudoning Shohligini meros qilib olishmaydi+.
22 Muqaddas ruh samarasi esa sevgi, sevinch, tinchlik, sabr-toqat, mehribonlik, himmat+, imon,
23 muloyimlik va o‘zini tuta bilishdir+. Bu xislatlarga qarshi biror qonun yo‘q.
24 Bundan tashqari, Iso Masihga tegishli bo‘lganlar o‘z tanasini ehtiros-u istaklari bilan ustunga mixlashgan+.
25 Agar muqaddas ruhga yarasha umr kechirayotgan bo‘lsak, unda keling, shu ruhga ko‘ra yo‘l tutaylik+.
26 Manmanlik qilmaylik+, bir-birimizni raqobatga undamaylik+ va hasad qilmaylik.
Izohlar
^ Bunday odamlar Tavrot talablarini bajarishga yaroqsiz bo‘lib qolgan.
^ Yun. pornia. Lug‘atdagi «jinsiy axloqsizlik» iborasiga q.