Гарчи Муқаддас Китобда қимор ҳақида батафсил маълумот бўлмаса-да, Муқаддас Китоб принциплари асосида қимор ўйнаш Худонинг назарида гуноҳ эканини тушуниб олсак бўлади. (Эфесликларга 5:17) a

•   Қимор ўйнашга очкўзлик ундайди, Худо эса очкўзликдан нафратланади. (1 Коринфликларга 6:9, 10; Эфесликларга 5:3, 5) Қиморбозлар бошқаларнинг чув тушиши эвазига пул ишлаб олишни кўзлайди. Аммо Муқаддас Китобда ўзгаларнинг мол-мулкига кўз олайтириш қораланади. (Чиқиш 20:17; Римликларга 7:7; 13:9, 10)

•   Қанча пул тикилганидан қатъи назар, қимор ўйнаш пулга ружу қўйишга олиб келади. (1 Тимўтийга 6:9, 10)

•   Қиморбозлар кўпинча ирим-сиримларга ва омадга ишонади. Аммо бундай қарашлар Худонинг назарида бутпарастликнинг бир тури ҳисобланади. Бу эса пок топинишга зид нарса. (Ишаё 65:11)

•   Муқаддас Китобдаги маслаҳатлар бизни «олма пиш, оғзимга туш» деб ўтирмасдан, тер тўкиб меҳнат қилишга ундайди. (Воиз 2:24; Эфесликларга 4:28) Муқаддас Китобдаги ушбу маслаҳатга амал қилганлар ўз «пешона тери билан топган нонни ейди». (2 Салоникаликларга 3:10, 12)

•   Қимор ўйнаш рақобат руҳини уйғотади, бу эса Муқаддас Китобда қораланади. (Галатияликларга 5:26)