Худо Яратувчимиз бўлгани учун юришимиз керак бўлган энг яхши йўлни билади. У бизга Унинг меъёрлари бўйича яшашни таклиф қиляпти, чунки бу фойдамизга хизмат қилади. Худонинг амрларига риоя қилсак, чиқарган қароримиз яхшилик билан тугашидан шубҳаланмаймиз. Биз доим тўғри қарор чиқарамиз ва бу қарор бизга тинчлик ва бахт келтиради.

 Худонинг ахлоқий меъёрлари бўйича яшаш учун фикрлаш тарзимиз ва хатти-ҳаракатларимизга ўзгаришлар киритиш керак бўлиши мумкин. Шундай бўлса-да, Яҳова биздан кўп нарсани талаб қилмайди. Парвардигоримиз сифатида У нималарга қодир эканимизни билади. Яҳовани таниб-билганимиз сайин, «Унинг амрлари оғир эмас»лигини тушунамиз. (1 Юҳанно 5:3)

Худонинг ахлоқий меъёрлари бўйича яшай оламиз, чунки Худо бизга ёрдам беришга тайёр. У буни бизга далда ва умид бахш этувчи Каломи, яъни Муқаддас Китоб орқали қилиши мумкин.

Дунё бўйлаб миллионлаб одамлар Муқаддас Китоб меъёрлари бўйича яшаш уларнинг ҳаётини яхшилаганига амин бўлишди. Муқаддас Китобдаги амалий маслаҳатлар ҳақида кўпроқ билишни истайсизми? Агар истасангиз, Муқаддас Китобга асосланган ва jw.org сайтида бепул тақдим этилган «Ҳаётдан тоабад завқланинг!» рисоласини кўриб чиқишингиз мумкин. Бу рисола қуйидаги дарслардан иборат:

• Муқаддас Китоб сизга қандай ёрдам бериши мумкин?

• Муқаддас Китоб умид бахш этмоқда

• Муқаддас Китобга ишонсангиз бўладими?

Аллоҳнинг Каломи бўлмиш Муқаддас Китобни ўрганганингиз сайин, у эскирмаганини, унда ёзилган Худонинг буйруқлари ишончли эканини ҳамда «улар ҳозир ва тоабад — ҳамиша мустаҳкам тур[ишини]» билиб оласиз. (Забур 111:7, 8) Муқаддас Китобдаги ахлоқий меъёрларга амал қилиш — юришимиз керак бўлган энг яхши йўлдир. Аммо Худо бизни бундай қилишга мажбурламайди. (Қонунлар 30:19, 20; Ёшуа 24:15) Бу — ҳар биримиз чиқаришимиз керак бўлган қарордир.