اَمثال 19:1-29
19 احمق ہونے اور جھوٹ بولنے سے بہتر ہےکہ اِنسان غریب ہو اور وفاداری کی راہ پر چلے۔
2 اِنسان* کے لیے علم سے خالی ہونا اچھا نہیںاور جو شخص جلدبازی سے کام لیتا ہے،* وہ گُناہ کرتا ہے۔
3 اِنسان کی اپنی بےوقوفی اُسے غلط راہ پر ڈال دیتی ہےاور اُس کے دل میں یہوواہ کے لیے غصہ بھڑک اُٹھتا ہے۔
4 امیر شخص کے دوستوں میں اِضافہ ہوتا رہتا ہےلیکن غریب شخص کا اپنا دوست بھی اُسے چھوڑ دیتا ہے۔
5 جھوٹے گواہ کو سزا ضرور ملے گیاور جو شخص بات بات پر جھوٹ بولتا ہے، وہ بچ نہیں پائے گا۔
6 بہت سے لوگ نوابوں* کی پسندیدگی حاصل کرنے کی کوشش کرتے ہیںاور ہر کوئی تحفے دینے والے شخص کا دوست بننا چاہتا ہے۔
7 غریب شخص کے سب بھائی اُس سے نفرت کرتے ہیںتو پھر اُس کے دوست تو اُس سے اَور بھی زیادہ دُور بھاگیں گے۔
وہ اُن کے پیچھے پیچھے جا کر اُن سے مِنتسماجت کرتا ہے لیکن کوئی اُس کی نہیں سنتا۔
8 جو شخص سمجھ حاصل کرتا ہے، وہ خود سے* پیار کرتا ہے۔
جو شخص سُوجھبُوجھ کو عزیز رکھتا ہے، اُسے کامیابی ملے گی۔*
9 جھوٹے گواہ کو سزا ضرور ملے گیاور جو شخص بات بات پر جھوٹ بولتا ہے، وہ فنا ہو جائے گا۔
10 یہ مناسب نہیں کہ ایک بےوقوف شخص ٹھاٹھباٹھ سے رہےتو پھر یہ کیسے مناسب ہو سکتا ہے کہ ایک خادم حاکموں پر حکمرانی کرے؟
11 اِنسان کی گہری سمجھ اُس کے غصے کو ٹھنڈا کر دیتی ہےاور جب کوئی اُسے ٹھیس پہنچاتا ہے تو اِسے نظرانداز کرنے* سے اُس کی عزت بڑھتی ہے۔
12 بادشاہ کا قہر شیر* کی دھاڑ کی طرح ہےلیکن اُس کی نظرِکرم گھاس پر شبنم کی طرح۔
13 احمق بیٹا اپنے باپ پر مصیبت لاتا ہےاور جھگڑالو* بیوی مسلسل ٹپکنے والی چھت کی طرح ہوتی ہے۔
14 گھر اور دولت باپ کی طرف سے ورثے میں ملتے ہیںلیکن ایک سمجھدار بیوی یہوواہ کی طرف سے ملتی ہے۔
15 سُستی اِنسان کو گہری نیند سُلا دیتی ہےاور کاہل شخص* بھوکا رہتا ہے۔
16 حکموں پر عمل کرنے والے شخص کی جان محفوظ رہتی ہےلیکن لاپروائی سے زندگی گزارنے والا شخص اپنی جان گنوا دے گا۔
17 جو ادنیٰ شخص پر مہربانی کرتا ہے، وہ یہوواہ کو قرض دیتا ہےاور وہ اُسے اِس کا اجر دے گا۔
18 جب تک اُمید ہے، اپنے بیٹے کی اِصلاح کرواور اُس کی موت کے ذمےدار نہ بنو۔*
19 گرممزاج شخص کو سزا بھگتنی پڑے گی؛اگر آپ اُسے ایک بار بچانے کی کوشش کرو گے تو آپ کو بار بار ایسا کرنا پڑے گا۔
20 اِصلاح کو سنو اور تربیت کو قبول کروتاکہ آپ آگے چل کر دانشمند بن سکو۔
21 اِنسان اپنے دل میں بہت سے منصوبے بناتا ہےلیکن یہوواہ کا اِرادہ* ضرور پورا ہوتا ہے۔
22 اِنسان کی اٹوٹ محبت دل کو بھاتی ہےاور غریب شخص جھوٹے شخص سے بہتر ہوتا ہے۔
23 یہوواہ کا خوف زندگی کی طرف لے جاتا ہے؛جس کے دل میں یہ خوف ہوتا ہے، وہ چین کی نیند سوتا ہے اور اُس پر کوئی آنچ نہیں آتی۔
24 سُست آدمی دعوت کے برتن میں ہاتھ ڈالتا ہےلیکن اِسے اپنے مُنہ تک لے جانے کی زحمت نہیں کرتا۔
25 مذاق اُڑانے والے کو مارو تاکہ ناتجربہکار شخص سمجھدار بن جائےاور سمجھدار شخص کی اِصلاح کرو تاکہ اُس کا علم بڑھے۔
26 جو بیٹا اپنے باپ کے ساتھ بُرا سلوک کرتا ہے اور اپنی ماں کو دُھتکار دیتا ہے،وہ شرمندگی اور ذِلت کا باعث بنتا ہے۔
27 میرے بیٹے! اگر آپ تربیت پر دھیان دینا چھوڑ دو گےتو آپ علم کی راہ سے بھٹک جاؤ گے۔
28 نکما گواہ اِنصاف کا مذاق اُڑاتا ہےاور بُرا شخص بُرائی کو مزے سے نگل جاتا ہے۔
29 مذاق اُڑانے والوں کے لیے سزا طے کی گئی ہےاور احمقوں کی پیٹھ کے لیے مار۔
فٹ نوٹس
^ عبرانی میں: ”جان“
^ عبرانی میں: ”اپنے پیروں سے جلدبازی کرتا ہے،“
^ یا ”دریادل لوگوں“
^ عبرانی میں: ”اپنی جان سے“
^ عبرانی میں: ”اُس کے ساتھ اچھا ہوگا۔“
^ یا ”اور گُناہ کو نظرانداز کرنے“
^ یا ”جوان ببر شیر“
^ یا ”ناک میں دم کرنے والی“
^ عبرانی میں: ”جان“
^ یا ”کی موت کی خواہش نہ کرو۔“
^ یا ”مقصد“
