Koheleta 1:1-18
1 Te mau parau a te taata haaputuputu,*+ te tamaiti a Davida, te arii i Ierusalema.+
2 “E faufaa ore iti rahi!” te parau ra te taata haaputuputu,“E faufaa ore iti rahi! Mea faufaa ore te mau mea atoa!”+
3 Eaha te apî a te hoê taata no ta ˈna ohipa rohirohi atoaI rohi ai oia i raro aˈe i te mahana?+
4 Te haere atu nei te tahi uˈi, e te haere mai nei te tahi uˈi,E vai noa* râ te fenua e a muri noa ˈtu.+
5 E hiti* te mahana, e e topa te mahana.E e hoˈi oioi oia* i te vahi i reira oia e hiti faahou ai.+
6 E haere te mataˈi i apatoa a tioi atu ai i apatoerau.E ohu e e ohu noa oia. E tamau noa te mataˈi i te ohu.
7 E tahe te mau tahora atoa* i roto i te miti, aita râ te miti i î.+
I te vahi no reira te mau tahora i te taheraa mai, i reira ratou e hoˈi ai a tahe faahou atu ai.+
8 Mea fiu te mau mea atoa.Eita hoi e haere i te hoê taata ia faahiti pauroa i te reira.
Eita te mata e fiu i te hiˈo.Eita atoa te tariˈa e î ia faaroo atu.
9 Te mau mea i vai na, e vai â,E tei ravehia na, e rave-faahou-hia.Aita e ohipa apî i raro aˈe i te mahana.+
10 E ohipa anei ta te tahi e nehenehe e parau: “A hiˈo na i teie, mea apî”?
I vai na te reira mea maoro aˈenei.I vai na te reira na mua ˈˈe i to tatou tau.
11 Aita hoê e haamanaˈo ra i te feia no mutaa iho ra.Eita atoa e haamanaˈohia te feia e tia mai i muri mai.Eita atoa ratou e haamanaˈohia e te feia e tia mai i muri mai.+
12 E arii au, te taata haaputuputu, i nia ia Iseraela i Ierusalema.+
13 Ua faaineine au i to ˈu aau no te haapii e no te hiˈopoa ma te paari+ i te mau ohipa atoa i ravehia i raro aˈe i te raˈi,+ te ohipa iti haihai ta te Atua i tuu na te mau tamaiti a te taata ei ohipa aˈe na ratou.
14 Ua ite au i te mau ohipa atoa tei ravehia i raro aˈe i te mahana,E inaha, mea faufaa ore te mau mea atoa, e aˈuaˈuraa mataˈi.+
15 Eita te tahi mea fefe e nehenehe e faaafarohia,E eita e nehenehe e taio i tei ere ra.
16 Na ô ihora vau i roto i to ˈu aau: “Inaha, e paari rahi tei noaa ia ˈu, hau atu i te taata atoa na mua ˈˈe ia ˈu i Ierusalema,+ e ua noaa i to ˈu aau te paari e te ite i te hoê faito rahi.”+
17 Ua faaineine au i to ˈu aau ia ite eaha te paari, eaha te maamaa* e eaha te haapao ore,+ e e aˈuaˈuraa mataˈi atoa te reira.
18 Ia rahi noa ˈtu hoi te paari, e rahi atoa te hepohepo.No reira, ia faarahihia te ite, e rahi atoa te mauiui.+
Nota i raro i te api
^ Aore ra “taata titau.”
^ Heb: “Te tia nei.”
^ Aore ra “turama.”
^ Aore ra “e hoˈi oia a paupau ai te aho.”
^ Aore ra “tahora atoa o te tau toˈetoˈe.”
^ Aore ra “te maamaa rahi roa.”