Isaia 43:1-28
43 Teie nei, teie ta Iehova e parau ra,To oe Atua poiete, e Iakoba, tei hamani ia oe, e Iseraela:+
“Eiaha e mǎtaˈu, ua hoo mai hoi au ia oe.+
Ua pii au ia oe ma to iˈoa.
No ˈu oe.
2 Ia haere oe na roto i te mau pape, ei pihai iho vau ia oe,+E ia na roto oe i te mau anavai, e ore oe e ninahia.+
Ia haere oe na roto i te auahi, eita oe e paapaa,Eita atoa oe e uteute i te ura auahi.
3 O vau hoi o Iehova to oe Atua,Tei Moˈa o Iseraela, to oe Faaora.
Ua horoa vau ia Aiphiti ei hoo no oe,Ia Etiopia e ia Sipa ei taui no oe.
4 Ua riro hoi oe ei mea here-rahi-hia i to ˈu mata,+Ua faaturahia oe, e ua here au ia oe.+
No reira vau e horoa ˈi i te taata ei mono ia oeE te mau nunaa ei taui no to oe ora.
5 Eiaha e mǎtaˈu, tei pihai iho vau ia oe.+
E aratai au i to oe huaai mai hitia o te râ maiE e haaputuputu vau ia oe mai tooa o te râ mai.+
6 E parau vau i te apatoerau: ‘A horoa mai ia ratou!’+
E i te apatoa: ‘Eiaha e tapea ia ratou.
A aratai mai i ta ˈu mau tamaiti na te atea mai, e ta ˈu mau tamahine mai te hopea o te fenua mai,+
7 Te taata atoa tei piihia ma to ˈu nei iˈoa+E tei poietehia e au no to ˈu iho hanahana,Tei hamanihia e au.’+
8 A aratai i rapae i te tahi nunaa matapo, noa ˈtu e mata to ratou,E e tariˈa turi, noa ˈtu e tariˈa to ratou.+
9 Ia putuputu te mau nunaa atoa i te hoê â vahi,E ia amui mai te mau taata.+
O vai i rotopu ia ratou te nehenehe e parau mai i te reira?
Aore ra e nehenehe anei ta ratou e faaite ia tatou i te mau mea matamua?*+
Ia faaite mai ratou i to ratou mau ite no te haapapu ua tano ratou,Aore ra ia faaroo vetahi ê e ia parau: “E parau mau te reira!’”+
10 “O outou to ˈu mau ite,”+ te parau ra Iehova,“Oia mau, ta ˈu tavini, ta ˈu i maiti,+Ia ite outou o vai au, ia tiaturi outou ia ˈuE ia taa ia outou o vau â te Atua.+
Aita e Atua i hamanihia na mua ˈˈe ia ˈu,E i muri aˈe ia ˈu aita hoê aˈe.+
11 O vau, o vau o Iehova,+ e aita ˈtu e faaora maori râ o vau.”+
12 “Na ˈu i parau eaha te tupu, na ˈu i faaora ia outou e i faaite i te reiraI te mau taime aita e atua ěê i rotopu ia outou.+
O outou ïa to ˈu mau ite,” te parau ra Iehova, “e o vau te Atua.+
13 O vau noa atoa te Atua.+E aita hoê aˈe e nehenehe e haru i te tahi mea i to ˈu nei rima.+
Ia ohipa vau, o vai te nehenehe e tapea i te reira?”+
14 Teie ta Iehova, Tei hoo mai ia outou,+ Tei Moˈa o Iseraela+ e parau ra:
“No outou, e tono vau i te tahi nuu faehau i Babulonia e e faatopa vau i te mau raau tarava atoa o te mau uputa,+E e auê te mau Kaladaio, i roto i to ratou mau pahi, ma te ahoaho.+
15 O vau o Iehova, to outou Atua Moˈa,+ te Atua poiete o Iseraela,+ to outou Arii.”+
16 Te parau ra Iehova,Tei iriti ra i te eˈa na roto i te mitiE te eˈa na roto atoa i te mau pape arepurepu,+
17 Tei aratai mai ra i te pereoo tamaˈi e te puaahorofenua,+Te nuu faehau e te mau aito puai:
“E tarava ratou e eita e tia faahou mai.+
E haapohehia ratou, e puhihia mai te tahi uiti ama.”
18 “Eiaha e haamanaˈo i te mau mea tahito,E eiaha e manaˈonaˈo i te tau tahito ra.
19 Inaha, te rave nei au i te mea apî.+I teie nei atoa te oteo ra te reira.
Aita anei outou e ite ra i te reira?
E iriti au i te eˈa na roto i te medebara+E te anavai na te mau vahi pâpâmǎrô.+
20 E faahanahana te mau animara oviri ia ˈu,Te mau urî taehae e te mau ione,E horoa hoi au i te pape i roto i te medebara,Te anavai na te mau vahi pâpâmǎrô,+Ia inu to ˈu nunaa, ta ˈu i maiti,+
21 Te nunaa ta ˈu i haapao no ˈu ihoIa parau ratou i ta ˈu arueraa.+
22 Aita râ oe i tiaoro ia ˈu, e Iakoba,+No te mea ua rahi to oe fiu ia ˈu, e Iseraela.+
23 Aita oe i hopoi mai na ˈu i te mamoe no ta oe mau tusia taauahi taatoaE aita oe i faahanahana ia ˈu i ta oe mau tusia.
Aita vau i faahepo ia oe ia hopoi mai i te ô,Aita atoa vau i faarohirohi ia oe ma te ani i te tapau libano.+
24 Aita oe i hoo mai na ˈu i te aeho noˈanoˈa* i ta oe moni,E aita vau i fiu i te mii o ta oe mau tusia.+
Ua faateimaha râ oe ia ˈu i ta oe mau haraE ua faarohirohi oe ia ˈu i ta oe mau hape.+
25 O vau, o vau Tei faaore nei i ta oe mau hapa*+ no to ˈu iˈoa,+E eita vau e haamanaˈo i ta oe mau hara.+
26 A haamanaˈo ia ˈu. E horo anaˈe tâua te tahi i te tahi i te haavaraa.A faaite i ta oe parau no te haapapu ua tano oe.
27 Ua hara to oe tupuna matamua,E ua orure hau to oe iho mau auvaha* ia ˈu.+
28 E haaviivii ïa vau i te huiarii o te vahi moˈa,E tuu vau ia Iakoba ia haamouhiaE ia parau-ino-hia o Iseraela.+
Nota i raro i te api
^ Peneiaˈe te mau mea matamua e tupu a muri aˈe.
^ Aore ra “kane monamona.”
^ Aore ra “ohipa orure hau.”
^ Peneiaˈe e orometua haapii i te Ture.
