Isaia 2:1-22
2 Teie ta Isaia te tamaiti a Amoza i ite no nia ia Iuda e Ierusalema:+
2 I te pae hopea o te mau mahana,*E haamau-papu-hia te mouˈa o te fare o IehovaI nia i te mau tupuai mouˈa,+E faateiteihia te reira i nia ˈˈe i te mau aivi,E i reira te mau nunaa atoa e haere ai.+
3 Mea rahi te nunaa te haere a parau atu ai:
“Haere mai, e pauma anaˈe i nia i te mouˈa o Iehova,I te fare o te Atua o Iakoba.+
E haapii oia ia tatou i to ˈna mau eˈa,E e haere tatou na to ˈna mau eˈa.”+
E matara mai hoi te ture* na Ziona mai,E te parau a Iehova na Ierusalema mai.+
4 E haava oia i rotopu i te mau nunaaE e horoa oia i te aratairaa i* te nunaa e rave rahi.
E tupai ratou i ta ratou mau ˈoˈe ei auri aroteE ta ratou mau omore ei tipi tope raau.+
E ore te hoê nunaa e amo i ta ratou ˈoˈe i nia i te tahi nunaa,E ore atoa ratou e haapii faahou i te tamaˈi.+
5 A haere mai, e te huaai o Iakoba,E haere anaˈe na roto i te maramarama o Iehova.+
6 Ua faarue hoi oe i to nunaa, te huaai o Iakoba,+No te mea ua î ratou i te mau mea no Hitia o te râ.Te rave ra ratou i te peu tahutahu+ mai te mau Philiseti,E mea rahi te tamarii a te feia ěê i ǒ ratou.
7 Ua î to ratou fenua i te ario e te auro,Eita e nehenehe e taio i te rahi o ta ratou mau pueraa taoˈa.
Ua î to ratou fenua i te puaahorofenua,Eita e nehenehe e taio i te rahi o to ratou mau pereoo.+
8 Ua î to ratou fenua i te atua faufaa ore.+
Te piˈo ra ratou i mua i te ohipa a to ratou rima,I mua i ta to ratou manimani rima i hamani.
9 Te piˈo ra ïa te taata i raro, te faahaehaa ra ia ˈna,E eita ta oe e nehenehe e faaore i ta ratou hara.
10 A haere i roto i te mato e a tapuni i roto i te repoNo te riri rahi tahoo uˈana o Iehova,To ˈna mana e to ˈna hanahana.+
11 E faahaehaahia te mata teoteo o te taata,E haapiˈohia i raro* te faateitei o te taata.
O Iehova anaˈe te faateiteihia i tera mahana.
12 Na Iehova o te mau nuu* hoi tera mahana.+
E roohia pauroa te taata teoteo e te faateitei i tera mahana,Te taata atoa, tei faateiteihia anei aore ra te haihai,+
13 I nia i te mau tumu arezi atoa o Lebanona, tei teitei e tei faateiteihiaE i nia i te mau tumu alona atoa o Basana,
14 I nia i te mau mouˈa teitei atoaE i nia i te mau aivi teitei atoa,
15 I nia i te mau pare teitei atoa e te mau patu etaeta atoa,
16 I nia i te mau pahi atoa o Taresisa+E i nia i te mau pahi nehenehe atoa.
17 E tuuhia te teoteo o te taata i raro,E haapiˈohia i raro* te faateitei o te taata.
O Iehova anaˈe te faateiteihia i tera mahana.
18 E ore roa te mau atua faufaa ore.+
19 E tomo te nunaa i roto i te mau ana o te mau matoE i roto i te mau apoo o te fenua,+No te riri rahi tahoo uˈana o Iehova,To ˈna mana e to ˈna hanahana,+Ia tia mai oia no te tairi i to te fenua i te mǎtaˈu.
20 I tera mahana, e rave te taata i ta ratou mau atua ario e auro faufaa oreTa ratou i hamani no ratou iho no te tipapa ˈtu i muaA faarue atu ai i te reira i te mau iore e te mau iore pererau ra,+
21 Ia nehenehe ratou e tomo i roto i te mau apoo o te mau matoE i roto i te mau afâ mato,No te riri rahi tahoo uˈana o Iehova,To ˈna mana e to ˈna hanahana,Ia tia mai oia no te tairi i to te fenua i te mǎtaˈu.
22 A faaea na ïa i te tiaturi i te taata,Tei te aho i roto i to ˈna apoo ihu hoi to ˈna ora.*
No te aha hoi e haapao ai ia ˈna?
Nota i raro i te api
^ Aore ra “I te mau mahana hopea.”
^ Aore ra “haapiiraa.”
^ Aore ra “faaafaro oia i te mau peapea o.”
^ Aore ra “faahaehaahia.”
^ Aore ra “sabaota.”
^ Aore ra “faahaehaahia.”
^ Aore ra “Tei to ˈna apoo ihu hoi to ˈna aho.”
