MATAUPU 11
E Aoga Pefea ki a Tatou a Akoakoga Fakavae i te Tusi Tapu?
1. Kaia e manakogina ei ne tatou a takitakiga?
E poto atu te ‵tou Mafuaga i lō tatou. E pelā me se Tamana alofa, e atafai mai a ia ki a tatou. E se manako foki a ia ke ‵tu tokotasi tatou mai i a ia. (Ielemia 10:23) E pelā eiloa mo te manakogina ne se tamā tamaliki a te takitakiga o ana mātua, e manakogina ne tatou katoa a te takitakiga a te Atua. (Isaia 48:17, 18) E tuku mai ne akoakoga fakavae i te Tusi Tapu a te takitakiga telā e fai mo fai se meaalofa mai te Atua.—Faitau te 2 Timoteo 3:16.
E akoako mai ne tulafono mo akoakoga fakavae a Ieova, a te ‵toe olaga ‵lei nei, kae e fakaasi mai foki te auala e mafai ei ne tatou o maua, a te taui ko te ola se-gata-mai i aso mai mua. Ona ko te mea ne faite tatou ne te Atua, se mea ‵lei ke fakaasi atu ne tatou a te loto fakafetai ki tena takitakiga.—Faitau te Salamo 19:7, 11; Fakaasiga 4:11.
2. Ne a akoakoga fakavae i te Tusi Tapu?
A akoakoga fakavae i te Tusi Tapu ne muna‵tonu tāua. I te suā feitu la, e fakasino tonu atu eiloa a tulafono ki fakanofonofoga mautinoa. (Teutelonome 22:8) E ‵tau o fakaaoga ne tatou a te atamai ke malamalama i te auala e aoga ei se akoakoga fakavae ki se tulaga fakapitoa. (Faataoto 2:10-12) E pelā mo te mea e akoako mai i te Tusi Tapu me i te ola se meaalofa mai i te Atua. A te akoakoga fakavae tāua tenā e takitaki ei tatou i ‵tou galuega, fale, mo taimi e faima‵laga ei. E fai ei tatou ke fakaeteete ke mo a ma fai so se mea ke ‵tu ei ‵tou ola mo ola o nisi tino i se tulaga fakamataku.—Faitau te Galuega 17:28.
3. Ne a akoakoga fakavae tafasili i te tāua e lua?
Ne faipati mai a Iesu e uiga ki akoakoga fakavae e lua kolā e tafasili i te tāua. A te mea muamua, e fakaasi mai i ei a te pogai Faataoto 3:6) A latou kolā e fakatāua malosi ne latou a te akoakoga fakavae tenei e maua ne latou se va fakataugasoa mo te Atua, te fiafia tonu, mo te ola se-gata-mai.—Faitau te Mataio 22:36-38.
tāua o te olaga o te tino—ke iloa te Atua, ke alofa ki a ia, kae ke tavini atu mo te fakamaoni ki a ia. E ‵tau o mafau‵fau faka‵lei ki te akoakoga fakavae muamua tenei i ‵tou fakaikuga katoa. (A te lua o akoakoga fakavae e mafai o takitaki atu ei tatou ki se fesokotakiga filemu mo nisi tino. (1 Kolinito 13:4-7) A te fakagaluega o te lua o akoakoga fakavae e aofia i ei a te fakaakoako atu ki faifaiga a te Atua ki tino.—Faitau te Mataio 7:12; 22:39, 40.
4. E aoga pefea ki a tatou a akoakoga fakavae i te Tusi Tapu?
E akoakogina a kāiga ne akoakoga fakavae i te Tusi Tapu ke ‵kau fakatasi i te alofa. (Kolose 3:12-14) E puipui foki ne te Muna a te Atua a kāiga mai i te akoako atu o te suā akoakoga fakavae telā e mafai o takitaki ei tatou—me e ‵tau o tumau a te avaga.—Faitau te Kenese 2:24.
Mai i te tau‵tali atu ki akoakoga i te Tusi Tapu, e mafai ei o puipui tatou i te feitu faka-te-foitino mo mea tau lagonaga. E pelā mo tino pule, e masani o fia‵fia atu latou ki tino ga‵lue kolā e ola e ‵tusa mo akoakoga fakavae i te Tusi Tapu e uiga ki te fakamaoni mo te galue malosi. (Faataoto 10:4, 26; Epelu 13:18) E akoako foki tatou ne te Muna a te Atua ke lotoma‵lie ki mea kolā e ‵tau o maua kae ke fakatāua a te va fakataugasoa mo te Atua i lō mea faka-te-foitino.—Faitau te Mataio 6:24, 25, 33; 1 Timoteo 6:8-10.
A te fakagalue aka o akoakoga fakavave i te Tusi Tapu e mafai o puipui ei tatou mai i masaki. (Faataoto 14:30; 22:24, 25) E pelā mo te faka‵logo o tatou ki te tulafono a te Atua ke tapu te konā e puipui ei tatou mai i masaki mo fakalavelave kolā e mafai o ‵mate tatou i ei. (Faataoto 23:20) E fakasaoloto ne Ieova a tatou ke inu ki meainu ma‵losi kae e ‵tau o inu malie fua ki ei. (Salamo 104:15; 1 Kolinito 6:10) E aoga ki a tatou a akoakoga fakavae a te Atua me e akoako ei tatou ke se fakaeteete fua tatou i ‵tou faifaiga kae e penā foki loa mo ‵tou mafaufauga. (Salamo 119:97-100) Kae e se āva a Kelisiano ‵tonu ki tulaga o te Atua ko te mea ke maua fua ne latou a mea aoga i ei. E fai latou penā ke fakaaloalo atu ki a Ieova.—Faitau te Mataio 5:14-16.