Se Fakaasiga ki a Ioane 4:1-11
4 I te otiga o te mea tenei ne lavea ne au, kae kiloke! e isi se mataloa ne matala i te lagi, kae ko te leo muamua telā ne lagona ne au e faipati mai ki a au ne ‵tagi e pelā me se pu, ana muna: “Vau ki luga nei, kae ka fakaasi atu ne au ki a koe a mea kolā e ‵tau o ‵tupu.”
2 I te otiga o te mea tenei ne oko fakavave mai ki a au te malosi o te agaga, kae kiloke! ne tu se nofogaaliki i tena tulaga i te lagi, kae isi se tino ne sagasaga i luga i te nofogaaliki.+
3 Kae ko te Atua telā e sagasaga i ei, e foliga e pelā mo te fatu ko te iasipi+ mo te fatu ko te kaneli,* kae e fakatamilo i te nofogaaliki a te nuanua telā e foliga e pelā me se emela.+
4 E ‵tu fakatamilo i te nofogaaliki tenā a nofogaaliki e 24, kae i luga i nofogaaliki konei ne matea ne au a toeaina e toko 24+ e saga‵saga i luga i ei e ‵pei ki gatu ‵kena mo foualiki aulo i olotou ulu.
5 Mai te nofogaaliki tenā e ‵mai i ei a uila+ mo leo mo fa‵tili;+ kae e isi ne moli afi e fitu e ‵ka i mua o te nofogaaliki, kae e fakauiga a mea konei ki agaga e fitu o te Atua.+
6 I mua o te nofogaaliki tenā e isi se mea e foliga e pelā me se tai kilasi,+ e pelā me se fatu kilasi.
E ‵tu mai i te nofogaaliki tenā kae e fakatamilo foki i ei a manu ola e fa+ kolā e ‵fonu i mata i mua mo tua.
7 A te manu ola muamua e pelā me se leona,+ kae ko te lua o manu ola e pelā me se tamā pulumakau tagata,+ kae ko te tolu o manu ola+ e isi ne ana mata e pelā mo mata o se tagata, kae ko te fa o manu ola+ e pelā me se aeto telā e eva.+
8 E pelā mo manu ola e fa konā, a manu takitasi e ono ana kapakau; kae e ‵fonu a kapakau konā i mata i feitu katoa kae mai lalo foki.+ E se ‵mapu eiloa latou i ao mo po i olotou pati e fai atu: “E tapu, e tapu, e tapu a Ieova*+ te Atua Malosi Katoatoa, telā ne ola mai mua, e ola nei kae ka vau foki.”+
9 I so se taimi e fakaaloalo kae tavae kae fakafetai atu a manu ola konā ki te Atua telā e sagasaga i te nofogaaliki, ko te Atua telā e ola ki te se-gata-mai, se-gata-mai eiloa,+
10 e ifo ki lalo a toeaina e toko 24+ i mua o te Atua telā e sagasaga i te nofogaaliki kae tapuaki ki te Atua telā e ola ki te se-gata-mai, se-gata-mai eiloa, kae ‵pei atu ne latou olotou foualiki ki mua o te nofogaaliki, kae fai atu:
11 “E ‵tau eiloa o maua ne koe e Ieova,* te motou Atua, te vikiga+ mo te ‵malu+ mo te malosi,+ me ne faite ne koe a mea katoa,+ kae ona ko tou loto ne ola mai ei a mea konā me ne faite ne koe.”
